ପାଟଣାଗଡ ପାର୍ସଲ ବୋମା ବିସ୍ଫୋରଣ ଘଟଣାର ପ୍ରମାଣ ଏକାଠି କରୁଛି କ୍ରାଇମବ୍ରାଞ୍ଚ । ପାଟଣାଗଡର ବିଭିନ୍ନ ସ୍ଥାନରେ ପଚରା ଉଚରା ପରେ ଆଜି ଟ୍ରେନ ଯୋଗେ ରାୟପୁର ଯାଇଛନ୍ତି କ୍ରାଇମବ୍ରାଞ୍ଚ ଆଇଜି ଅରୁଣ ବୋଥ୍ରା । ସେପଟେ ପୁଞ୍ଜିଲାଲକୁ ଏକ ସ୍ବତନ୍ତ୍ର ଗାଡିରେ ସଡକ ପଥରେ ରାୟପୁର ନେଉଛନ୍ତି କ୍ରାଇମବ୍ରାଞ୍ଚ ଟିମ୍ । ପୁଞ୍ଚିଲାଲକୁ ନେବା ସମୟରେ ପାଟଣାଗଡଠାରୁ ରାୟପୁର ଯାଏ ସମ୍ପୂର୍ଣ୍ଣ ଭିଡିଓଗ୍ରାଫି କରାଯିବ । ରାୟପୁରରେ ପହଞ୍ଚିବା ପରେ ଆଇଜି ଅରୁଣ ବୋଥ୍ରା ସମସ୍ତ ଘଟଣାର ଛାନଭିନ କରିବେ । ରାୟପୁରରେ ପହଞ୍ଚିବ ପରେ ପୁଞ୍ଜିଲାଲକେଉଁ ରିକ୍ସା ଓ ଅଟୋ ଚାଳକଙ୍କ ସାହାଯ୍ୟରେ ସ୍କାଏ କିଙ୍ଗ କୋରିୟରରେ ବୁକିଂ କରିଥିଲେ । ତାସହ ପୁଞ୍ଜିଲାଲକୁ ପ୍ରତ୍ୟେକଟି ସ୍ଥାନକୁ ନିଆଯାଇ ପଚରା ଉଚରା କରିବ କ୍ରାଇମବ୍ରାଞ୍ଚ । ଗତକାଲି ପୁଞ୍ଜିଲାଲଙ୍କ ମେହେର ପଡାସ୍ଥିତ ଘରେ ତାଙ୍କ ମା ଓ ସ୍ତ୍ରୀଙ୍କୁ କ୍ରାଇମବ୍ରାଞ୍ଚ ପଚରା ଉଚରା କରିଥିଲା ।