ପାଟଣାଗଡ଼ ୧୫।୦୩ : ପାଟଣାଗଡ ଉପଜିଲ୍ଲାପାଳଙ୍କ ନିର୍ଦ୍ଦେଶରେ ଅପରେସନ୍ କ୍ଲିନ୍ । ଅପରାଧୀଙ୍କୁ ସାବାଡ କରିବାକୁ ବୁଲୁଛି ବୁଲଡୋଜର । ପାଟଣାଗଡ ବଡ ହରିଜନ ପଡାର ଜଗା ସେନାପତିର ବେଆଇନ ଆଡ୍ଡାରେ ବୁଲଡୋଜର ଚଳାଇଛି ପ୍ରଶାସନ ।

ଖବର ଅନୁଯାୟୀ, ଜଗା ବିରୋଧରେ ୮ଟି ସଙ୍ଗୀନ ଅପରାଧ ରେକର୍ଡ ରହିଛି । ସରକାରୀ ଜାଗା ଜବରଦଖଲ ଘର କରିବା ସହ ସେଠାରେ ଅପରାଧର ବ୍ଲୁ ପ୍ରିଣ୍ଟ ରଚା ଯାଉଥିଲା । ଏନେଇ ସୁରାଗ ମିଳିବା ପରେ ଆକ୍ସନ୍ ମୋଡକୁ ଆସିଛି ପୋଲିସ ।

ଜଗା ସରକାରୀ ଜମିରେ ବେଆଇନ ଭାବେ ଇଟାଭାଟି ମଧ୍ୟ ନିର୍ମାଣ କରିଥିଲା । ଏନେଇ ତସିଲଦାର ନୋଟିସ କରିଥିଲେ । ଆଜି ଗୋଟିଏ ଇଟା ଭାଟିକୁ ଆଜି ଭଙ୍ଗା ଯାଇଛି । ଲରମ୍ଭାରେ ମଧ୍ୟ ରାସ୍ତା କଡରେ ବେଆଇନ ଜବର ଦଖଲ କରିଥିବା ୫ଟି ଘର ଭଙ୍ଗା ଯାଇଥିଲା ।