oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇରାନ ବିମାନରେ ବୋମା ଆତଙ୍କ ପରେ ହାଇଆଲର୍ଟ, ଦିଲ୍ଲୀରେ ଅବତରଣ ଲାଗି ମିଳିଲାନି ଅନୁମତି
  • ||
  • ନଭେମ୍ବର ୩ରେ ଧାମନଗର ଉପନିର୍ବାଚନ, ଅକ୍ଟୋବର ୭ରେ ପ୍ରକାଶ ପାଇବ ବିଜ୍ଞପ୍ତି
  • ||
  • ଉତ୍ତରପ୍ରଦେଶ: ଦୁର୍ଗାପୂଜା ପେଣ୍ଡାଲରେ ଲାଗିଲା ନିଆଁ, ୫ ମୃତ ଓ ଅନେକ ଗୁରୁତର
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୭ କୋଭିଡ୍ ପଜିଟିଭ୍
  • ||
  • ଭୁବନେଶ୍ୱର: ମଣ୍ଡପରେ ପୂଜା ପାଉଛନ୍ତି ଦୁର୍ଗତିନାଶିନୀ, ପୀଠରେ ମହାନବମୀ ପୂଜା
  • ||
  • ଭୁବନେଶ୍ୱର : ସୋମବାରଠୁ ପ୍ରବଳ ବର୍ଷା, ୮ ପରେ ପୁଣି ଏକ ଘୂର୍ଣ୍ଣିବଳୟ
  • ||
  • ବରଗଡ଼ : ପଦ୍ମପୁର ବିଧାୟକଙ୍କ ପରଲୋକ, ୬୪ ବର୍ଷରେ ଆଖିବୁଜିଲେ ବିଜୟ ରଞ୍ଜନ ସିଂ ବରିହା
  • ||

ବାହାଘର ପୂର୍ବଦିନ ଆଇଜିଙ୍କ ଝିଅ ଆତ୍ମହତ୍ୟା ଘଟଣା : ବାହାଘରେ ସଜାହେବା ପାଇଁ ଆସିଥିବା ଫୁଲରେ ସଜାହେଲା କୋକେଇ

10/12/2018 at 12:14 PM

ପାଟଣା ୧୦/୧୨ : ଯେଉଁ ଫୁଲରେ ସଜା ହୋଇଥାନ୍ତା ବିବାହ ମଣ୍ଡପ ସେହି ଫୁଲରେ ସଜାହେଲା କୋକେଇ | ଆଜି ଥିଲା ବାହାଗହ କିନ୍ତୁ କାଲି ହରିଦେଲେ ଜୀବନ | ପାଟଣାର ଅବସରପ୍ରାପ୍ତ ଆଇଜିଙ୍କ ଝିଅ ସ୍ନିଗ୍ଧା ଗତକାଲି ୧୪ ମହଲା ଛାତରୁ ଡେଇଁ ଆତ୍ମହତ୍ୟା କରିଥିଲେ | ଆଜି ଥିଲା ସ୍ନିଗ୍ଧାଙ୍କ ବାହାଘର | ଗତକାଲି ପୋଲିସ ସ୍ନିଗ୍ଧାଙ୍କ ଶବ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇଥିଲା | ଆଜି ତାଙ୍କର ଅନ୍ତିମ ସଂସ୍କାର ହୋଇଛି | ଯେଉଁ ଫୁଲ ତାଙ୍କ ବାହାଘର ମଣ୍ଡପ ସଜାହେବା ପାଇଁ ଆସିଥିଲା ସେହି ଫୁଲରେ ତାଙ୍କ କୋକେଇ ସଜାହେଲା | ସେହି ଦୃଶ୍ୟ ଅତ୍ୟନ୍ତ ହୃଦୟ ବିଦାରକ ଥିଲା | ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯାଇଥିଲା |


ସୂଚନାଯୋଗ୍ୟ ଯେ, ଗତ ଶନିବାର ଦିନ ସ୍ନିଗ୍ଧାଙ୍କ ତିଲକ ଏବଂ ମେହନ୍ଦି କାର୍ଯ୍ୟକ୍ରମ ଥିଲା | ସେ ତିଲକ କାର୍ଯ୍ୟକ୍ରମରେ ଖୁସି ଥିଲେ | ମେହନ୍ଦି କାର୍ଯ୍ୟକ୍ରମରେ ସେ ନିଜ ଦୁଇ ହାତରେ ମେହନ୍ଦି ଲଗେଇ ବନ୍ଧୁ ଏବଂ ପରିବାର ସଦସ୍ୟଙ୍କ ସହ ଡ୍ୟାନ୍ସ ମଧ୍ୟ କରିଥିଲେ | ସେ ବହୁତ ଖୁସି ଥିବା ଜଣାପଡୁଥିଲେ |


ସ୍ନିଗ୍ଧା ସିଲିଗୁଡିରେ ଏମବିବିଏସ ପାସ କରି କୋଲକାତାରେ ଏମଏସ ପଢୁଥିଲେ | ସୂତ୍ର ମୁତାବକ, ସିଲିଗୁଡିର ଜଣେ ଆଇଆଇଟି ଯୁବକଙ୍କ ସହ ତାଙ୍କର ବନ୍ଧୁତ୍ୱ ହୋଇଯାଇଥିଲା | ଉଭୟଙ୍କ ସମ୍ପର୍କ ଧୀରେ ଧୀରେ ଘନିଷ୍ଠ ହୋଇଯାଇଥିଲା | ଉଭୟ ପରସ୍ପରକୁ ପସନ୍ଦ କରୁଥିଲେ ଏବଂ ବିବାହ କରିବାକୁ ଚାହୁଁଥିଲେ | କିନ୍ତୁ ଯୁବକ ଅନ୍ୟ ଜାତିର ହୋଇଥିବାରୁ ସ୍ନିଗ୍ଧାଙ୍କ ପରିବାର ଉଭୟଙ୍କ ବିବାହ ପାଇଁ ରାଜି ହୋଇନଥିଲେ | ସ୍ନିଗ୍ଧାଙ୍କ ପରିବାର ତାଙ୍କ ବାହାଘର କିଷନଗଞ୍ଜର ଡ଼ିଏମ ମହେନ୍ଦ୍ର କୁମାରଙ୍କ ସହ ସ୍ଥିର କରିଥିଲେ |


ସ୍ନିଗ୍ଧାଙ୍କ ବାପା ସୁଧାଂଶୁ କୁମାର ଅବସର ଗ୍ରହଣ କରିବା ପୂର୍ବରୁ ସାହାବାଦରେ ଆଇଜି ଥିଲେ | ତାଙ୍କର ବଡ ଜ୍ୱାଇଁ ଧର୍ମେନ୍ଦ୍ର କୁମାର ଆଇଏଏସ ଅଫିସର ଅଛନ୍ତି | ତା’ପୂର୍ବରୁ ସେ ମୁଜାଫରଫୁରରେ ଡ଼ିଏମ ଥିଲେ |
ସୂଚନାଯୋଗ୍ୟ ଯେ, ଗତ ୪/୫ ଦିନ ହେଲା ସ୍ନିଗ୍ଧା ମର୍ନିଙ୍ଗ ୱାକ ଏବଂ ଜିମ କରିବା ବାହାନାରେ ଗାଡି ନେଇ ଡ୍ରାଇଭରଙ୍କ ସହ ଘରୁ ବାହାରିଯାଉଥିଲେ | କିନ୍ତୁ ଡ୍ରାଇଭରଙ୍କ କହିବାନୁଯାୟୀ, ସ୍ନିଗ୍ଧା ମର୍ନିଙ୍ଗ ୱାକ କରୁନଥିଲେ କି ଜିମ ମଧ୍ୟ ଯାଉନଥିଲେ | ସେ ବିଭିନ୍ନ ଅଂଚଳ ବୁଲି ବୁଲି ଉଚ୍ଚ ଉଚ୍ଚ ବିଲଡିଂ ଦେଖୁଥିଲେ | ଏହାପରେ ବିଲଡିଂ ଭିତରକୁ ଯାଉଥିଲେ ଏବଂ କିଛି ସମୟ ପରେ ଫେରି ଆସୁଥିଲେ |


ସ୍ନିଗ୍ଧାଙ୍କ ମୋବାଇଲରୁ ତାଙ୍କର କଲ ଡିଟେଲ ବାହାର କରିଛି ପୋଲିସ | ଆତ୍ମହତ୍ୟା ପୂର୍ବରୁ ସେ ଡ୍ରାଇଭରଙ୍କ ସହ କଥା ହୋଇଥିବା ଜଣାପଡିଛି | ଡ୍ରାଇଭରଙ୍କୁ ଡାକିବା ପାଇଁ ସେ ଫୋନ କରିଥିଲେ | ଡ୍ରାଇଭର ଆସିବା ପରେ ସେ ଗାଡି ଧରି ଡ୍ରାଇଭରଙ୍କ ସହ ସକାଳୁ ଘରୁ ବାହାରି ଯାଇଥିଲେ |


ସୂଚନାଯୋଗ୍ୟ ଯେ, ସ୍ନିଗ୍ଧା ୪ଦିନ ପୂର୍ବରୁ ବଜାରରୁ ଏକ ସ୍ତୁଲ କିଣିଥିଲେ | ତେବେ ଘରଲୋକ ପଚାରିବାରୁ ସେ କହିଥିଲେ ଯେ, ଗାଧେଇଲାବେଳେ ତାଙ୍କୁ ସ୍ତୁଲ ଦରକାର ପଡୁଛି | ସେ ସ୍ତୁଲରେ ବସି ଗାଧେଇବେ | ତେବେ ସ୍ନିଗ୍ଧାଙ୍କ ମନରେ ଏସବୁ ଚାଲିଥିବା କେହି ଆଶଙ୍କା ମଧ୍ୟ କରିନଥିଲେ | ପୋଲିସ ତଦନ୍ତ ଜାରି ରଖିଛି |

   Related Posts