AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହିପିଣ୍ଡା ସଂରକ୍ଷିତ ଜଙ୍ଗଲରେ ଦନ୍ତା ମୃତଦେହ ଠାବ, ହାତୀକୁ ମାରି ନେଇଗଲେ ଦାନ୍ତ
  • ||
  • MKCG ମେଡିକାଲ ମୁଖ୍ୟ ଫାଟକ ସମ୍ମୁଖରେ ଦୁର୍ଘଟଣା: ସ୍କୁଟି-କାର୍ ମୁହାଁମୁହିଁ ଧକ୍କା, ଦୁଇ ମୃତ
  • ||
  • ଭୁବନେଶ୍ୱର: ରାତିରେ ପାରଦ କମିବ ଓ ଶୀତ ବଢ଼ିବ, ଦିନରେ ସ୍ୱାଭାବିକଠାରୁ ଅଧିକ ରହିବ ତାପମାତ୍ରା
  • ||
  • ତୋଲକୋଇ: ଦନ୍ତା ଆକ୍ରମଣରେ ହାତୀଛୁଆର ମୃତ୍ୟୁ, ଜଙ୍ଗଲରେ ପଡିଛି ମୃତଦେହ
  • ||

ବିହାରରେ ପୁଣି ମଦ ମୃତ୍ୟୁ ଅଭିଯୋଗ, ଚାଲିଗଲା ୪ ଜୀବନ, ହସ୍ପିଟାଲରେ ୬ ଭର୍ତ୍ତି

23/01/2023 at 8:48 AM

ପାଟନା: ବିହାରରେ ପୁଣି ମଦ ମୃତ୍ୟୁ ।  ବିଷାକ୍ତ ମଦ ପିଇ ୪ଜଣଙ୍କ ମୃତ୍ୟୁ ଅଭିଯୋଗ । ବିହାରର ଶିବାନ ଜିଲ୍ଲାରୁ ଏହି ଘଟଣା ସାମ୍ନାକୁ ଆସିଛି । ବିଷାକ୍ତ ମଦ ପିଇବା ପରେ ୧୦ଜଣ ଅସୁସ୍ଥ ହୋଇପଡ଼ିଥିଲେ । ସେମାନଙ୍କୁ ଶିବାନ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ଏମାନଙ୍କ ମଧ୍ୟରୁ ୪ଜଣଙ୍କ ମୃତ୍ୟୁ ହୋଇଛି । ୬ରୁ ଅଧିକ ଲୋକ ଏବେବି ଚିକିତ୍ସିତ ହେଉଛନ୍ତି ।  

ଶିବାନ ଜିଲ୍ଲାପାଳ ଅମିତ କୁମାର ପାଣ୍ଡେଙ୍କ ସୂଚନା ମୁତାବକ, ମୃତ୍ୟୁ କାରଣ ଏବେବି ଅସ୍ପଷ୍ଟ ରହିଛି । ମୃତକଙ୍କ ପୋଷ୍ଟମର୍ଟମ ରିପୋର୍ଟ ଆସିଲା ପରେ ସତ୍ୟ ସାମ୍ନାକୁ ଆସିବ । ମୃତକଙ୍କ ପରିବାର ଲୋକଙ୍କ କହିବା ଅନୁଯାୟୀ, ବିଷାକ୍ତ ମଦ ପିଇବା ଯୋଗୁ ମୃତ୍ୟୁ ହୋଇଛି । ନିଶା ବେସନ କରିବା ପରେ ହଠାତ୍ ୧୦ଜଣ ସ୍ବାସ୍ଥ୍ୟାବସ୍ଥା ବିଗିଡିଥିଲା । ସେମାନଙ୍କୁ ତୁରନ୍ତ ଶିବାନ ହସ୍ପିଟାଲରେ ନିଆଯାଇଥିଲା । ଏମାନଙ୍କ ମଧ୍ୟରୁ ରାସ୍ତାରେ ୨ଜଣଙ୍କ ମୃତ୍ୟୁ ହୋଇଥିବା ବେଳେ  ଚିକିତ୍ସା ସମୟରେ ଅନ୍ୟ ୨ଜଣଙ୍କ ପ୍ରାଣ ହରାଇଛନ୍ତି । ଏବେବି ହସ୍ପିଟାଲରେ ୬ଜଣ ଚିକିତ୍ସିତ ହେଉଛନ୍ତି । ଏହି ଘଟଣାରେ ଯାଞ୍ଚ ଆରମ୍ଭ କରିଛି ଜିଲ୍ଲା ପ୍ରଶାସନ । ବିଷାକ୍ତ ମଦ କାରବାରରେ ସମ୍ପୃକ୍ତି ଥିବା ୧୦ଜଣଙ୍କ ଗିରଫ କରିଛି ପୋଲିସ।

ବିହାରର ପିଛା ଛାଡ଼ୁନାହିଁ ମଦ ମୃତ୍ୟୁ । ଏହା ପୂର୍ବରୁ  ବିଷାକ୍ତ ମଦ ପିଇବା ଯୋଗୁ ୭୦ରୁ ଅଧିକ ଲୋକଙ୍କ ମୃତ୍ୟୁ ହୋଇଥିଲା । ନୀତୀଶ ସରକାର ବିହାରରେ ମଦକୁ ବ୍ୟାନ କରିଥିଲେ ମଧ୍ୟ ମଦ ମୃତ୍ୟୁ ସଂଖ୍ୟା ବଢ଼ିବାରେ ଲାଗିଛି । ବେଆଇନ ତସ୍କରୀ ଚାଲୁଥିବାରୁ କାରବାର ବୃଦ୍ଧି ପାଉଥିବା କୁହାଯାଉଛି ।

   Related Posts