oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯାଜପୁର:ପ୍ରଧାନ ଶିକ୍ଷକଙ୍କ ବଦଳିକୁ ବିରୋଧ, ରାସ୍ତା ଉପରେ ପାଠ ପଢ଼ିଲେ ଛାତ୍ରଛାତ୍ରୀ
  • ||
  • ଛତିଶଗଡ଼ରେ ୪ ଓଡ଼ିଆଙ୍କୁ ନିର୍ମମ ହତ୍ୟା, ସ୍ୱାମୀ-ସ୍ତ୍ରୀ ଓ ଦୁଇ ଛୁଆ ମୃତ
  • ||
  • ଶାରଳାଙ୍କ ପୀଠରେ ଷଷ୍ଠୀ ପୂଜା, ମା’ଙ୍କ ଦର୍ଶନ ଲାଗି ଜମୁଛି ଶ୍ରଦ୍ଧାଳୁଙ୍କ ଭିଡ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୨୦୩ କୋଭିଡ୍ ପଜିଟିଭ୍
  • ||
  • ଭିଜିଲାନ୍ସ ଜାଲରେ ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ରେଡ୍
  • ||
  • ଦୁଷ୍କର୍ମ ଅଭିଯୋଗରେ ଜେଲ୍ ଗଲା ଟୁଙ୍ଗୁରୁ ଭୋଳ, ବହୁଚର୍ଚ୍ଚିତ ପ୍ରେମ କାହାଣୀରେ ପଡିଲା ପୂର୍ଣ୍ଣଚ୍ଛେଦ
  • ||
  • ମହାଷଷ୍ଠୀରେ ଭିଜିବ ଉପକୂଳ, ସମ୍ଭାବ୍ୟ ଲଘୁଚାପ ପ୍ରଭାବରେ ପହିଲାରୁ ବଢିବ ବର୍ଷା ପରିମାଣ
  • ||
  • ଶୁକ୍ରବାର ବସିବ କ୍ୟାବିନେଟ ବୈଠକ, ୧୦ଟି ପ୍ରସ୍ତାବରେ ବାଜିପାରେ ମୋହର
  • ||

କାଠୁଆରେ ନାବାଳିକାକୁ ଗଣଦୁଷ୍କର୍ମ ଓ ହତ୍ୟା ମାମଲାର ଆସିଲା ରାୟ : ୭ ଅଭିଯୁକ୍ତଙ୍କ ଭିତରୁ ୬ ଜଣ ଦୋଷୀ ସାବ୍ୟସ୍ତ

10/06/2019 at 6:27 PM

କାଠୁଆ ୧୦/୬: ଜାମ୍ମୁ କାଶ୍ମୀର କାଠୁଆରେ ନାବାଳିକାକୁ ଗଣଦୁଷ୍କର୍ମ ଓ ହତ୍ୟା ମାମଲାର ଆସିଲା ରାୟ । ୭ ଅଭିଯୁକ୍ତଙ୍କ ଭିତରୁ ୬ ଜଣ ଦୋଷୀ ସାବ୍ୟସ୍ତ କରିଛନ୍ତି ପଞ୍ଜାବର ପଠାନକୋଟ୍‌ ସ୍ବତନ୍ତ୍ର କୋର୍ଟ । ସେମାନଙ୍କ ମଧ୍ୟରୁ ୩ ଜଣଙ୍କୁ ଆଜୀବନ କାରାଦଣ୍ଡ ହୋଇଥିବା ବେଳେ ବାକି ୩ ଜଣଙ୍କୁ ୫ ବର୍ଷ ସଶ୍ରମ କାରାଦଣ୍ଡ ହୋଇଛି । ଦୋଷୀ ସାବ୍ୟସ୍ତ ହୋଇଥିବା ଅପରାଧୀମାନେ ହେଲେ ପୋଲିସ ଅଫିସର ଦୀପକ ଖଜୁରିଆ ଓ ସୁରେନ୍ଦ୍ର ବର୍ମା, ପୋଲିସ ଏଏସ୍ଆଇ ଆନନ୍ଦ ଦତ୍ତା, ହେଡ କନଷ୍ଟେବଲ୍ ତିଲକରାଜ, ଗାଁ ମୁଖିଆ ସାଂଝୀ ରାମ, ସ୍ଥାନୀୟ ବାସିନ୍ଦା ପରବେଶ କୁମାର । ଦୀପକ ଖଜୁରିଆ, ସାଂଝୀ ରାମ୍‌ ଓ ପରବେଶ କୁମାରକୁ ଆଜୀବନ କାରାଦଣ୍ଡ ହୋଇଥିବା ବେଳେ ସୁରେନ୍ଦ୍ର ବର୍ମା, ଆନନ୍ଦ ଦତ୍ତା ଓ ତିଲକରାଜକୁ ୩ ବର୍ଷ ସଶ୍ରମ କାରାଦାଣ୍ଡ ଜରିମାନା କରାଯାଇଛି । ତେବେ ରାୟ ବିରୋଧରେ ଉପର କୋର୍ଟକୁ ଯିବେ ବୋଲି ଅପରାଧୀଙ୍କ ଓକିଲ କହିଛନ୍ତି ।

ଗତବର୍ଷ ୧୦ଜାନୁଆରୀରେ ଘଟିଥିବା ଏହି ହୃଦୟ ବିଦାରକ ଘଟଣା ସାରା ଦେଶକୁ ସ୍ତବ୍ଧ କରି ଦେଇଥିଲା । ଏକ ନିର୍ଦ୍ଧିଷ୍ଟ ସଂପ୍ରଦାୟର ୮ବର୍ଷର ନାବାଳିକା ସହ ଗଣ ଦୁଷ୍କର୍ମ କରି ଅତି ନିର୍ଦ୍ଦୟ ଭାବରେ ତାକୁ ହତ୍ୟା କରାଯାଇଥିଲା । ପୋଲିସ ଚାର୍ଜସିଟ୍ ଅନୁଯାୟୀ, ପୀଡିତା ନାବାଳିକା ଘାଟିରେ ଘୋଡା ଚରାଇବାକୁ ଯାଇଥିବା ବେଳେ ତାକୁ ଅପହରଣ କରି  ଗାଁର ଏକ ମନ୍ଦିରରେ ରଖିବା ପରେ ଅଭିଯୁକ୍ତମାନେ ବାରମ୍ବାର ଦୁଷ୍କର୍ମ କରିଥିଲେ । ୪ଦିନ ଧରି ବେହୋସ ରହିବା ପରେ ପୀଡିତାକୁ ହତ୍ୟା କରାଯାଇଥିଲା । ପୁରା ଘଟଣାରେ ମାଷ୍ଟରମାଇଣ୍ଡ ଥିଲା ଗାଁ ମୁଖିଆ ସାଂଝୀ ରାମ । ୧୭ଜାନୁଆରୀରେ ନାବାଳିକାଙ୍କ  ମୃତ ଦେହ ମିଳିବା ପରେ ଧୀରେ ଧୀରେ ଘଟଣାକୁ ନେଇ ସାରା ଦେଶରେ ପ୍ରତିବାଦର ସ୍ବର ଉଠିଥିଲା । ଦୋଷୀଙ୍କୁ ଦଣ୍ଡ ଦେବାକୁ ଦାବି ଜୋର ଧରିଥିଲା । ଏପଟେ ଏହି ଘଟଣାରେ ଗିରଫ ଅଭିଯୁକ୍ତଙ୍କ ପ୍ରତି ନିର୍ଦ୍ଧିଷ୍ଟ ସଂପ୍ରଦାୟ ସମର୍ଥନ ବଢୁଥିଲା । ଫଳରେ ଚାର୍ଜସିଟ୍ ଦାଖଲକୁ ନେଇ ସାରା ରାଜ୍ୟରେ ଉତ୍ତେଜନା ଦେଖା ଦେଇଥିଲା । ଏପରିକି କ୍ରାଇମବ୍ରାଞ୍ଚ ଟିମ୍‌କୁ ମଧ୍ୟ ଆଇନଜୀବୀମାନେ ଅଟକାଇଥିଲେ । ସ୍ଥାନୀୟ ପୋଲିସ ଅଫିସରଙ୍କ ସଂପୃକ୍ତି ଥିବାରୁ ଏହି ମାମଲା ଅତି ସମ୍ବେଦନଶୀଳ ପାଲଟିଯାଇଥିଲା ।

ନିରପେକ୍ଷ ଶୁଣାଣି ପାଇଁ ସୁ୍ପ୍ରିମକୋର୍ଟ ଏହି ମାମଲାକୁ ଜମ୍ମୁ କାଶ୍ମୀର କାଠୁଆରୁ ପଞ୍ଜାବ ପଠାନକୋର୍ଟକୁ ସ୍ଥାନାନ୍ତର କରିଥିଲେ । ବନ୍ଦ କୋଠରୀ ଭିତରେ ପ୍ରତିଦିନ ଶୁଣାଣି କରିବାକୁ ପଠାନକୋଟ ଜିଲ୍ଲା ନ୍ୟାୟାଧୀଶଙ୍କୁ ନିର୍ଦ୍ଦେଶ ଦିଆଯାଇଥିଲା । ଜୁନ ୩ତାରିଖରେ ଶୁଣାଣି ଶେଷ କରି କୋର୍ଟ ରାୟ ସଂରକ୍ଷିତ ରଖିଥିଲେ ।

   Related Posts