ଭୁବନେଶ୍ବର 08/01: ଶୀତୁଆ ସକାଳରେ ଝୁମିଲେ ରାଜଧାନୀବାସୀ। ଏଥର  ଉତ୍ତର ଭୁବନେଶ୍ବରରେ ଅନୁଷ୍ଠିତ ହୋଇଛି ପଥ ଉତ୍ସବ। ରାସ୍ତା ଉପରେ ନୃତ୍ୟ ଗୀତ ସଂଗୀତ ସାଙ୍ଗକୁ  ପେଣ୍ଟିଂ । ପଥ ଉତ୍ସବରେ ହକି ବିଶ୍ଵକପର କ୍ରେଜ୍ । ଶିଖରଚଣ୍ଡୀ ଛକରୁ ଇନଫୋସିଟି ଛକ ପର୍ଯ୍ୟନ୍ତ ଅନୁଷ୍ଠିତ ହୋଇଛି ଏହି ପଥଉତ୍ସବ। ରାସ୍ତା ଉପରେ ସକାଳୁ ସକାଳୁ ଲାଗିଥିଲା ଲୋକଙ୍କ ଭିଡ଼।  ବିଏମସି ଦ୍ବାରା ଆୟୋଜିତ ଏହି ପଥ ଉତ୍ସବ କାର୍ଯକ୍ରମରେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ଦାସ, ଉତ୍ତର ବିଧାୟକ ସୁଶାନ୍ତ ରାଉତ ଓ ମେୟର ସୁଲୋଚନା ଦାସଙ୍କ ସହ ବହୁ କର୍ପୋରେଟର ଉପସ୍ଥିତ ଥିଲେ।

{"id":730504,"sizeSlug":"full","linkDestination":"none"}

ଏହି ପଥୋତ୍ସବ ଅବସରରେ ଶୀତୁଆ ସକାଳର ବେଶ୍ ମଜା ନେଉଛନ୍ତି ରାଜଧାନୀବାସୀ। ରାସ୍ତା ଉପରେ  ରଙ୍ଗୋଲି, ସାଇକଲ ଷ୍ଟଣ୍ଟ,  ଜୁମ୍ବା ଏରୋବିକ୍, ଜିମ୍ ସହ ଉତ୍କଳୀୟ ପରମ୍ପରା ଝୋଟି ସହ ପିଠାର ବାସ୍ନା କରିଥିଲା ସମସ୍ତଙ୍କ ମନ ମୁଗ୍ଧ।

{"id":730505,"sizeSlug":"full","linkDestination":"none"}

ଏହାରି ଭିତରେ ସମସ୍ତଙ୍କ ନଜର ଥିଲା ବସ୍ତି ପିଲାଙ୍କ ସାଇକଲ ଷ୍ଟଣ୍ଟ୍ ଉପରେ। କିଏ ଭଙ୍ଗା ସାଇକଲରେ ଜଲୱା ଦେଖାଇଲେ ତ କାହାରି ସାଇକେଲ୍ ବ୍ରେକ୍ ନାହି ତ ଆଉ କାହାର  ଭାଙ୍ଗି ଯାଇଛି ଗାର୍ଡ।  ଏଭଳି ଭଙ୍ଗା ସାଇକେଲରେ ପେଡାଲ୍ ମାରି  ନିଜର ଦୁଃସାହସିକ କଳା କୌଶଳ ଦେଖାଇଲେ ବସ୍ତି ପିଲା। କେତେବେଳେ ହାତ ଛାଡ଼ି ସାଇକଲକୁ ଘୁରାଇ ଦେଇଥାନ୍ତି ତ ଆଉ କେତେବେଳେ ସାଇକଲ ହେଉଥିଲା ଏୟାର ୱିଙ୍ଗ୍ ।  ମଝିରେ ମଝିରେ ଦୁଃସାହସିକ ଷ୍ଟଣ୍ଟ୍। ଯିଏ  ବି ଦେଖୁଥିଲା କହୁଥିଲା କୌଣସି  ଅଲିମ୍ପିଆନଙ୍କଠୁ ବି ଏମାନେ କାମ ନୁହନ୍ତି।