ନୂଆଦିଲ୍ଲୀ: ଯୋଗଗୁରୁ ବାବା ରାମଦେବ ଏବଂ ଆଚାର୍ଯ୍ୟ ବାଳକୃଷ୍ଣଙ୍କୁ ବଡ଼ ଆଶ୍ବସ୍ତି । ପତଞ୍ଜଳିର ଭ୍ରମିତ ବିଜ୍ଞାପନକୁ ନେଇ ଦାୟର ହୋଇଥିବା ମାନହାନୀ ମାମଲାକୁ ସୁପ୍ରିମକୋର୍ଟ ବନ୍ଦ କରି ଦେଇଛନ୍ତି । ପତଞ୍ଜଳି ପକ୍ଷରୁ ସର୍ବୋଚ୍ଚ ଅଦାଲତରେ କ୍ଷମା ପ୍ରାର୍ଥନାର ସତ୍ୟପାଠ ଦାଖଲ ହୋଇଥିଲା । ଏହାକୁ ସ୍ବିକାର କରି କେସ୍କୁ ବନ୍ଦ କରିଛନ୍ତି ଜଷ୍ଟିସ୍ ହିମା କୋହଲି ଏବଂ ସନ୍ଦୀପ ମେହତାଙ୍କ ଖଣ୍ଡପୀଠ ।
ପତଞ୍ଜଳିର କୋଭିଡ୍-୧୯ ଭ୍ୟାକ୍ସନକୁ ନେଇ କ୍ୟାମ୍ପ ଚଳାଇଥିବା ଅଭିଯୋଗ କରିଥିଲା ଇଣ୍ଡିଆ ମେଡିକାଲ ଆସୋସିଏନ ବା ଆଇଏମଏ । ଏହି ମାମଲା କୋର୍ଟକୁ ଯାଇଥିଲା । ଲୋକଙ୍କୁ ଭ୍ରମିତ କରୁଥିବା ବିଜ୍ଞାପନ ତୁରନ୍ତ ହଟାଇବାକୁ ଅଦାଲତ ପତଞ୍ଜଳି ଅୟୁର୍ଦେବକୁ ଚେତାବନୀ ଦେଇଥିଲେ । ଇଣ୍ଡିଆ ମେଡିକାଲ ଆସୋସିଏନ ପକ୍ଷରୁ ଦାୟର ହୋଇଥିବା ଆବେଦନରେ କୁହାଯାଇଥିଲା, ପତଞ୍ଜଳି ଆୟୁର୍ବେଦ ଏଲୋପାଥିକ୍ ଔଷଧକୁ ଉପେକ୍ଷା କରୁଛି । ଯାହା ଲୋକ ପାଇଁ କ୍ଷତିକାରକ । ଡ୍ରଗ୍ସ ଆଣ୍ଡ୍ ମ୍ୟାଜିକ୍ ରେମେଡିଜ୍ ଆକ୍ଟ ୧୯୫୪ ଏବଂ କଞ୍ଜୁମର ପ୍ରୋଟେକ୍ସନ ଆକ୍ଟ-୨୦୧୯ର ଏହା ସିଧା ସିଧା ଉଲ୍ଲଙ୍ଘନ ବୋଲି କୁହାଯାଇଥିଲା ।
ପତଞ୍ଜଳି ଆୟୁର୍ବେଦ ଦାବି କରିଥିବା ତାଙ୍କ କମ୍ପାନି ଦ୍ବାରା ତିଆରି ହୋଇଥିଲା କୋଭିଡ୍-୧୯ ଭ୍ୟାକ୍ସନ ‘କରୋନିଲ୍ ଏବଂ ସ୍ବାସାରୀ’ରେ କରୋନା ରୋଗୀଙ୍କୁ ଉପଚାର ମିଳୁଛି । ଏହା ପରେ ଆୟୁଷ ମନ୍ତ୍ରାଳୟ ପତଞ୍ଜଳି ବିରୋଧରେ ମାମଲା ରୁଜୁ କରିଥିଲା । ତୁରନ୍ତ ଭ୍ରମିତ କଲା ଭଳି ବିଜ୍ଞାପନ ଉପରେ ରୋକ୍ ଲଗାଇବାକୁ କହିଥିଲା । ପରେ କୋର୍ଟରେ ମାମଲା ଚାଲିଥିଲା । ଏବେ ଯୋଗଗୁରୁ ବାବା ରାମଦେବ ଏବଂ ଆଚାର୍ଯ୍ୟ ବାଳକୃଷ୍ଣ ସୁପ୍ରିମକୋର୍ଟରେ କ୍ଷମା ପ୍ରାର୍ଥନାର ସତ୍ୟପାଠ ଦଖଲ କରିବା ପରେ ଏହି ମାମଲାକୁ ବନ୍ଦ କରାଯାଇଛି ।...
