AC କୋଚ୍‌ରେ ଯାତ୍ରା କରୁଥିବା ଯାତ୍ରୀଙ୍କୁ ଝଟ୍‌କା: ରେଲୱେ ଅସୁଲ କରିବ ୟୁଜର୍ସ ଫି !

Published By : Prameya-News7 Bureau | September 28, 2020 IST

ନୂଆଦିଲ୍ଲୀ ୨୮/୦୯ : ବର୍ତ୍ତମାନ ଟ୍ରେନରେ ଯାତ୍ରା କରିବା ପଡିବ ମହଙ୍ଗା । କିଛି ବଡ ବଡ ଷ୍ଟେସନରେ ରେଲୱେ ୟୁଜର୍ସ ଫି ଅସୁଲ କରିବାକୁ ଯୋଜନା କରୁଛି । ଏହା ଟ୍ରେନ ଟିକେଟର ଅଂଶ ବିଶେଷ ହେବ । ଟାଇମ୍ସ ଅଫ୍ ଇଣ୍ଡିଆ ଖବର ଅନୁସାରେ, ଏସି କୋଚରେ ଯାତ୍ରା କରୁଥିବା ଯାତ୍ରୀଙ୍କୁ ଅଧିକ ଫି ଦେବାକୁ ହେବ । ଫାଷ୍ଟ୍ କ୍ଲା୍ସ‌୍ ଏସିରେ ଯାତ୍ରା କରୁଥିବା ଯାତ୍ରୀଙ୍କୁ ୩୦ ଟଙ୍କା ଫି ଦେବାକୁ ପଡିବ । ସେକେଣ୍ଡ କ୍ଲାସ ଓ ଥାର୍ଡ଼ ଟାୟାର ଏସିରେ ଯାତ୍ରା କରୁଥିବା ଯାତ୍ରୀଙ୍କ ପାଇଁ ଫି କମ ରହିବ । ସ୍ଲିପର କ୍ଲାସ ଯାତ୍ରୀଙ୍କ ପାଇଁ ଫି ଆହୁରି କମ ରହିବ । ସର୍ବନିମ୍ନ ୟୁଜର୍ସ ଫି ୧୦ ଟଙ୍କା ଧାର୍ଯ୍ୟ କରାଯାଇଛି । ରେଳ ମନ୍ତ୍ରାଳୟ ଏ ସମ୍ବନ୍ଧରେ ଏକ ପ୍ରସ୍ତାବ ଉପରେ କାମ କରୁଛନ୍ତି । ଏହି ପ୍ରସ୍ତାବକୁ ଖୁବ ଶୀଘ୍ର ମଞ୍ଜୁରୀ ପାଇଁ କ୍ୟାବିନେଟରେ ଉପସ୍ଥାପନା କରାଯିବ ।

{"id":335769,"sizeSlug":"large"}

ରେଳ ମନ୍ତ୍ରାଳୟ କ୍ୟାବିନେଟ ମଞ୍ଜୁରୀ ପାଇଁ ପ୍ରସ୍ତାବ ତିଆରି କରିଛି । ପ୍ରସ୍ତାବ ଅନୁସାରେ ଯାତ୍ରା କରିବା ପରେ ଯାତ୍ରୀଙ୍କୁ ୟୁଜର୍ସ ଫି ଦେବାକୁ ହେବ । ଏହାଛଡା ଯଦି ଆପଣ କାହାକୁ ଛାଡିବାକୁ କିମ୍ବା ଆଣିବାକୁ ଷ୍ଟେସନ ଯାଆନ୍ତି ତାହେଲେ ପ୍ଲାଟଫର୍ମ ଟିକେଟ ଛଡା ଭିଜିଟର ଫି ମଧ୍ୟ ଦେବାକୁ ପଡିପାରେ ।

{"id":335770,"sizeSlug":"large"}

ରେଲୱେ ବୋର୍ଡ ସିଇଓ ବିକେ ଯାଦବ କହିଛନ୍ତି ଯେ ୟୁଜର୍ସ ଫି ଯୋଗୁଁ ସାଧାରଣ ଯାତ୍ରୀଙ୍କୁ ଅସୁବିଧା ହେବନାହିଁ । ଆସନ୍ତା ମାସରେ ୟୁଜର୍ସ ଫି ସମ୍ବନ୍ଧରେ ଅଧିସୂଚନା ଜାରି ହୋଇପାରେ । ନୂଆଦିଲ୍ଲୀ ରେଳ ଷ୍ଟେସନ ଏବଂ ମୁମ୍ବାଇର ଛତ୍ରପତି ଶିବାଜୀ ଟର୍ମିନାସର ପୁନଃନିର୍ମାଣ ପାଇଁ ଘରୋଇ କମ୍ପାନୀଗୁଡିକରୁ ବିଡ୍ ଗ୍ରହଣ କରିବାର ଶେଷ ତାରିଖ ଭାବରେ ରେଳବାଇ ନଭେମ୍ବର ୬ ତାରିଖ ସ୍ଥିର କରିଛି । ସଙ୍କଟ ଦେଇ ଗତି କରୁଥିବା ରେଲୱେ ପିପିପି ମୋଡ଼ରେ ୫୦ ଷ୍ଟେସନକୁ ପୁନଃନିର୍ମାଣ ପାଇଁ ଫଣ୍ଡ ଯୋଗାଡ କରିବାକୁ ଯାତ୍ରୀଙ୍କ ଠାରୁ ୟୁଜର୍ସ ଫି ନେବାକୁ ଯୋଜନା କରୁଛି ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.