oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: ରେଶମ ସହରରେ ବେଧଡ଼କ ଚାଲିଛି ଧଳାଜହର କାରବାର, ଜଣେ ମହିଳା ଗିରଫ
  • ||
  • ରାୟଗଡା : ବନ୍ଦ ହେଲା ରାଜ୍ୟର ଦ୍ୱିତୀୟ ଝୁଲାପୋଲ, ସୁରକ୍ଷା ଦୃଷ୍ଟିରୁ ପ୍ରଶାସନର ନିଷ୍ପତ୍ତି
  • ||
  • ଏକ୍‌ଜିଟ୍ ପୋଲର ଆକଳନ, ଇଟାଲୀର ପ୍ରଧାନମନ୍ତ୍ରୀ ହେବେ ମେଲୋନୀ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୬୪ କୋଭିଡ୍ ପଜିଟିଭ୍
  • ||
  • ସାଲେପୁର: ବିଳମ୍ୱିତ ରାତିରେ ମାତିଲେ ଲୁଟେରା, ମନ୍ଦିରରୁ ଲୁଟିନେଲେ ୩ କୋଟିର ଅଷ୍ଟଧାତୁ ମୂର୍ତ୍ତି
  • ||
  • ଯାଜପୁର: ଗଡିବ ମା’ ବିରଜାଙ୍କ ସିଂହଧ୍ଵଜ ରଥ, ୯ ଦିନ ଧରି ଭକ୍ତଙ୍କୁ ଦର୍ଶନ ଦେବେ ଦେବୀ
  • ||
  • ହିମାଚଳ ପ୍ରଦେଶର କୁଲୁରେ ମର୍ମନ୍ତୁଦ ଦୁର୍ଘଟଣା, ୭ ପର୍ଯ୍ୟଟକ ମୃତ
  • ||
  • ସୋମବାରଠୁ ନବରାତ୍ର ପୂଜା, ମାଆଙ୍କ ଷୋଡ଼ଶ ପୂଜାପାଠରେ କମ୍ପୁଛି ଶକ୍ତିପୀଠ
  • ||
  • ମୋହନା : ଘାଟିରେ ଓଲଟିଲା ଯାତ୍ରୀବାହୀ ବସ୍, ଅଳ୍ପକେ ବର୍ତ୍ତିଲେ ୨୪ଯାତ୍ରୀ
  • ||

୧୨ ଦିନ ପରେ ଘରକୁ ଫେରିଛି ‘କୋକୋ’, କୁଆଖିଆ ନଦୀ କୂଳରୁ ଉଦ୍ଧାର

18/01/2022 at 10:34 AM

କଟକ ୧୮/୦୧: ତୁଳସୀପୁର ମଧୁସୂଦନ ନଗରରୁ ନିଖୋଜ ହୋଇଯାଇଥିବା ଶୁଆ ‘କୋକୋ’ ତାର ଘରକୁ ଫେରିଛି । ଭୁବନେଶ୍ୱର କେଶୁରା କୁଆଖିଆ ନଦୀ କୂଳରୁ ଉଦ୍ଧାର କରାଯିବା ପରେ ଆଜି ‘କୋକୋ’ର ମାଲିକାଣୀ ତଥା ନ୍ୟାସନାଲ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଷ୍ଟାଣ୍ଡାର୍ଡ ଏବଂ ଟେକ୍ନୋଲୋଜି (ନିଷ୍ଟ)ର ପ୍ରଫେସର ସୁସ୍ମିତା ବେହେରା ଚିହ୍ନଟ କରି ତାକୁ ଘରକୁ ଆଣିଛନ୍ତି ।

୧୨ ଦିନ ପରେ ‘କୋକୋ’କୁ ଦେଖିବା ପରେ ସୁସ୍ମିତା, ସ୍ୱାମୀ ଦୁର୍ଗେଶ ଏବଂ ପୁଅ ଧବମୁନ୍ୟୁ ଆତ୍ମବିଭୋର ହୋଇଯାଇଥିଲେ । ୧୨ ଦିନ ହେବ ଖିଆପିଆ କରିନଥିବାରୁ ‘କୋକୋ’ ଅସୁସ୍ଥ ହୋଇପଡ଼ିଥିବାରୁ ତାକୁ ଚିକିତ୍ସା କରିଥିଲେ । ଏବେ କୋକୋ ସୁସ୍ଥ ଥିବା ସୁସ୍ମିତା କହିଛନ୍ତି । ସୂଚନା ଥାଉକି, ଗତ ୫ ତାରିଖ ଦିନ ସୁସ୍ମିତାଙ୍କ ଘରକୁ ଜଣେ ବ୍ୟକ୍ତି ମାସ୍କ ପିନ୍ଧି ଆସିଥିଲେ । ତାଙ୍କୁ ଦେଖି ‘କୋକୋ’ ଉଡ଼ି ପଳାଇଥିଲା । ବହୁ ଖୋଜାଖୋଜି କରିବା ପରେ ମଧ୍ୟ ସେ ମିଳିନଥିଲା ।

ଏହାପରେ ସୁସ୍ମିତାଙ୍କ ପରିବାର ଲିଫ୍‌ଲେଟ୍‌ କରି ତୁଳସୀପୁରରେ ବାଣ୍ଟିଥିଲେ । ତଥାପି ନ ମିଳିବାରୁ ଖବରକାଗଜରେ ଲିଫ୍‌ଲେଟ୍‌ ବାଣ୍ଟିଥିଲେ । କୋକୋକୁ ଖୋଜିଦେଲେ ୫ ହଜାର ଟଙ୍କା ପୁରସ୍କାର ଦିଆଯିବ ବୋଲି ଘୋଷଣା କଲେ । ଏ ବିଷୟରେ ଗତ ୧୫ ତାରିଖରେ ‘ପ୍ରମେୟ’ରେ ଖବର ପ୍ରକାଶ ପାଇଥିଲା । ସୁସ୍ମିତାଙ୍କ ପରିବାର ମଧ୍ୟ ରାତି ୪ଟାରୁ ଉଠି ଖୋଜାଖୋଜି କରୁଥିଲେ । ଠାକୁରଙ୍କୁ ଡାକୁଥିଲେ ।

ଅନ୍ୟପକ୍ଷରେ ମକର ସଂକ୍ରାନ୍ତି ଦିନ ଭୁବନେଶ୍ୱର କେଶୁରା କୁଆଖାଇ ନଦୀ କୂଳରେ ଥିବା ପୁରୁଣୀ ମା’ ମନ୍ଦିରରେ ପୂଜା ହେଉଥିଲା । ବର୍ଷାରେ ଓଦା ହୋଇ ‘କୋକୋ’ ସେହି ମନ୍ଦିର ପ୍ରାଙ୍ଗଣରେ ପଡ଼ିଥିଲା । ତାକୁ କେଶୁରାର ମନୋଜ କୁମାର ସ୍ୱାଇଁ ଏବଂ ଭଟ୍ଟ ସ୍ୱାଇଁ ପାଇ ଘରକୁ ନେଇଥିଲେ । ମନୋଜଙ୍କ ପତ୍ନୀ ମାମିନା ପ୍ରଧାନ ‘କୋକୋ’ର ନିରୁଦ୍ଦିଷ୍ଟ ଖବର ଦେଖିବା ପରେ ସୁସ୍ମିତାଙ୍କୁ ଖବର ଦେଇଥିଲେ । ଆଜି ସୁସ୍ମିତା ଏବଂ ତାଙ୍କ ପରିବାର ଯାଇ ‘କୋକୋ’କୁ ଚିହ୍ନଟ କରିଥିଲେ । ତେବେ ‘କୋକୋ’କୁ ପାଇବାରେ ଯେଉଁମାନେ ସହାୟତା କରିଛନ୍ତି ସମସ୍ତଙ୍କୁ ସୁସ୍ମିତାଙ୍କ ପରିବାର ପକ୍ଷରୁ କୃତଜ୍ଞତା ଜ୍ଞାପନ କରାଯାଇଛି ।

   Related Posts