oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇରାନ ବିମାନରେ ବୋମା ଆତଙ୍କ ପରେ ହାଇଆଲର୍ଟ, ଦିଲ୍ଲୀରେ ଅବତରଣ ଲାଗି ମିଳିଲାନି ଅନୁମତି
  • ||
  • ନଭେମ୍ବର ୩ରେ ଧାମନଗର ଉପନିର୍ବାଚନ, ଅକ୍ଟୋବର ୭ରେ ପ୍ରକାଶ ପାଇବ ବିଜ୍ଞପ୍ତି
  • ||
  • ଉତ୍ତରପ୍ରଦେଶ: ଦୁର୍ଗାପୂଜା ପେଣ୍ଡାଲରେ ଲାଗିଲା ନିଆଁ, ୫ ମୃତ ଓ ଅନେକ ଗୁରୁତର
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୭ କୋଭିଡ୍ ପଜିଟିଭ୍
  • ||
  • ଭୁବନେଶ୍ୱର: ମଣ୍ଡପରେ ପୂଜା ପାଉଛନ୍ତି ଦୁର୍ଗତିନାଶିନୀ, ପୀଠରେ ମହାନବମୀ ପୂଜା
  • ||
  • ଭୁବନେଶ୍ୱର : ସୋମବାରଠୁ ପ୍ରବଳ ବର୍ଷା, ୮ ପରେ ପୁଣି ଏକ ଘୂର୍ଣ୍ଣିବଳୟ
  • ||
  • ବରଗଡ଼ : ପଦ୍ମପୁର ବିଧାୟକଙ୍କ ପରଲୋକ, ୬୪ ବର୍ଷରେ ଆଖିବୁଜିଲେ ବିଜୟ ରଞ୍ଜନ ସିଂ ବରିହା
  • ||

କରୋନାକାଳରେ ଅନୁଷ୍ଠିତ ହେବ ସଂସଦର ମୌସୁମୀ ଅଧିବେଶନ, ଲୋକସଭା ବାଚସ୍ପତି କହିଲେ ସବୁ ସାଂସଦଙ୍କ ସରିଛି ଟିକାକରଣ

18/06/2021 at 7:00 PM

ନୂଆଦିଲ୍ଲୀ ୧୮।୬:  ଦେଶରେ କରୋନା ଦ୍ୱିତୀୟ ଲହର ଥମିବା ପରେ ସଂସଦର ମୌସୁମୀ ଅଧିବେଶନ ଆୟୋଜନ ନେଇ ଏବେ ଆଶା କରାଯାଉଛି। ତେବେ ଏଥିପାଇଁ ସଂସଦ ପ୍ରସ୍ତୁତ ଥିବା କହିଛନ୍ତି ଲୋକସଭା ବାଚସ୍ପତି ଓମ ବିରଳା। ଏଥିପାଇଁ ସମସ୍ତ ପ୍ରସ୍ତୁତି ସରିଛି ଓ ମନ୍ତ୍ରୀମଣ୍ଡଳ ଉପସମିତି ଯେବେ ଚାହିଁବେ ମୌସୁମୀ ଅଧିବେଶନ ଲାଗି ତିଥି ଘୋଷଣା ହେବ ବୋଲି ସେ କହିଛନ୍ତି।

ସଂସଦରେ କୋଭିଡ ଗାଇଡଲାଇନର ପାଳନ ହେବ। ଏଥିପାଇଁ ଆମର ପ୍ରସ୍ତୁତି ଚୂଡ଼ାନ୍ତ ହୋଇସାରିଛି। ସଂସଦ ଅଧିବେଶନରେ ଅଂଶଗ୍ରହଣ କରିବାକୁ ଥିବା ୪୪୫ ଜଣ ସାଂସଦଙ୍କ ଟିକାକରଣ ହୋଇସାରିଛି। ସେହିପରି ସଂସଦ ସଚିବାଳୟର ସମସ୍ତ କର୍ମଚାରୀ ମଧ୍ୟ ଟିକାକରଣ କରାଇସାରିଛନ୍ତି। ଏହା ବାଦେ ଯେଉଁ ସାଂସଦ ଓ ସଂସଦ କର୍ମଚାରୀଙ୍କ ଟିକାକରଣ ନ ହୋଇଛି ଜୁନ ୨୧ରୁ ସେମାନଙ୍କର ଟିକାକରଣ କରାଯିବ ବୋଲି ବାଚସ୍ପତି କହିଛନ୍ତି।

ଦେଶରେ କରୋନା ଦ୍ୱିତୀୟ ଲହରର ପ୍ରକୋପ କାରଣରୁ ଏଥର ମୌସୁମୀ ଅଧିବେଶନ ହୋଇ ପାରିବ କିନା ସେ ନେଇ ପ୍ରଥମରୁ ସନ୍ଦେହ ଲାଗି ରହିଥିଲା। ପରିସ୍ଥିତି ଜାରି ରହିଲେ ହୁଏତ ଭର୍ଚୁଆଲ ସଂସଦ ଆୟୋଜନ ନେଇ ମଧ୍ୟ ଆକଳନ କରାଯାଉଥିଲା। ହେଲେ ସଂକ୍ରମଣ ଥମିବା ଓ ଟିକାକରଣ ଯୋଗୁ ସାଧାରଣ ଅଧିବେଶନର ଏବେ ପରିକଳ୍ପନା କରାଯାଇପାରୁଛି। ତେବେ ଏଥିପାଇଁ ବାକି ଥିବା ଟିକାକରଣ ଶେଷ କରିବାକୁ ବାଚସ୍ପତି ଗୁରୁତ୍ୱ ଦେଇଛନ୍ତି।

ସେପଟେ ସରକାର ମଧ୍ୟ ସଂସଦର ମୌସୁମୀ ଅଧିବେଶନ ଲାଗି ନିଜର ପ୍ରସ୍ତୁତି ଆରମ୍ଭ କରିଛନ୍ତି। ଏହି ଅଧିବେଶନରେ ଉପସ୍ଥାପିତ ହେବାକୁ ଥିବା ବିଧେୟକ ପ୍ରସ୍ତୁତିରେ ଏବେ ସରକାର ଲାଗିପଡିଛନ୍ତି। ତେବେ କରୋନା ଲହର ଯୋଗୁ ସଂସଦରେ ଏବେବି ୪୦ରୁ ଅଧିକ ବିଧେୟକ ଓ ୫ରୁ ଅଧିକ ଅଧ୍ୟାଦେଶ ଗୃହୀତ ହୋଇ ନପାରି ଲମ୍ବିତ ରହିଛି।

   Related Posts