ନୂଆଦିଲ୍ଲୀ: ପ୍ରଧାନମନ୍ତ୍ରୀ ନେରନ୍ଦ୍ର ମୋଦୀ ପୁଣି ଥରେ ଛାତ୍ରଛାତ୍ରୀଙ୍କ ସହ କଥା ହେବେ । ଚଳତ ବର୍ଷ ଜାନୁଆରୀ ୨୭ରେ 'ପରୀକ୍ଷା ପେ ଚର୍ଚ୍ଚା'ର ଆୟୋଜନ କରାଯିବ । ଏଥିରେ ପିଏମ ମୋଦୀ, ଶିକ୍ଷକ ଏବଂ ଛାତ୍ରଛାତ୍ରୀ ଏବଂ ଅଭିଭାବକଙ୍କ ସହ କଥା ହେବେ । କେନ୍ଦ୍ର ଶିକ୍ଷା ମନ୍ତ୍ରାଳୟ ପକ୍ଷରୁ ଏହି କାର୍ଯ୍ୟକ୍ରମ ଆୟୋଜନ କରାଯିବ । ପିଏମ ମୋଦୀଙ୍କ ଏହି କାର୍ଯ୍ୟକ୍ରମ ବାବଦରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସୂଚନା ଦେଇଛନ୍ତି ।

wp:html

Prime Minister Narendra Modi to interact with students, teachers and parents in the upcoming edition of Pariksha Par Charcha on 27 January 2023, says Union Education Minister Dharmendra Pradhan

(file pic) pic.twitter.com/fpiIAncD92

— ANI (@ANI) January 3, 2023

/wp:html

MyGovରେ ପ୍ରତିଯୋଗିତା ଆଧାରରେ ଚୟନ ହୋଇଥିବା ଛାତ୍ରଛାତ୍ରୀ, ଶିକ୍ଷକ ଏବଂ ଅଭିଭାବକଙ୍କୁ ଶିକ୍ଷା ମନ୍ତ୍ରାଳୟ ପକ୍ଷରୁ ପିପିସି କିଟ୍ ଉପହାର ଦିଆଯିବ । ପିଏମ ମୋଦୀ ପ୍ରତି ବର୍ଷ 'ପରୀକ୍ଷା ପେ ଚର୍ଚ୍ଚା' କାର୍ଯ୍ୟକ୍ରମ ଜରିଆରେ ଛାତ୍ରଛାତ୍ରୀ, ଅଭିଭାବକଙ୍କ ସହ କଥା ହୋଇଥାନ୍ତି । ଏହି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଚାପ ମୁକ୍ତ ରହିବା ନେଇ ଛାତ୍ରଛାତ୍ରୀଙ୍କୁ ମନ୍ତ୍ର ଦେଇଥାନ୍ତି । ଏହାସହ ପରୀକ୍ଷାକୁ ଉତ୍ସବ ପରି ନେବାକୁ ପରାମର୍ଶ ଦେଇଥାନ୍ତି ।

ପ୍ରଧାନମନ୍ତ୍ରୀ ନେରନ୍ଦ୍ର ମୋଦୀ ୨୦୧୮ ମସିହାରେ ପ୍ରଥମ ଥର 'ପରୀକ୍ଷା ପେ ଚର୍ଚ୍ଚା' ଆରମ୍ଭ କରିଥିଲେ । ସେବେଠାରୁ ପ୍ରତିବର୍ଷ ପରୀକ୍ଷା ପେ ଚର୍ଚ୍ଚା ଆୟୋଜନ କରାଯାଉଛି । ୨୦୨୨ରେ ତାଲକଟୋରା ଷ୍ଟାଡିୟମରେ ଏହାର ଆୟୋଜନ କରାଯାଇଥିଲା । ଏଥିପାଇଁ ପ୍ରାୟ ୧୫.୭ ଲକ୍ଷ ଜଣ ପଞ୍ଜିକରଣ କରିଥିଲେ ।