scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବାପା ମାରିଲା ଚାପୁଡା, ସାବତ ମାଆ ଚଢିଗଲା ବେକ ଉପରେ : ୧୪ବର୍ଷ ଝିଅର ମୃତ୍ୟୁ

11/10/2018 at 1:53 PM

ଭଦ୍ରକ ୧୧|୧୦:  ଭଦ୍ରକ ଜିଲ୍ଲା ତିହିଡି ଥାନା ଅନ୍ତର୍ଗତ ଭଉଁରିଆବାଙ୍କ ଗାଁରେ ଘଟିଛି ଅଭାବନୀୟ ଘଟଣା। ୧୪ବର୍ଷ ବୟସ୍କା ଝିଅର ବେକରେ ଗୋଡ ପକାଇ ହତ୍ୟା କରିଛି ସାବତ ମାଆ ଓ ବାପା । ଏନେଇ ତିହିଡି ଥାନାରେ ମୃତ ଝିଅ ପେରି ବାରିକଙ୍କ କକା ପ୍ରଭାକର ବାରିକ ଅଭିଯୋଗ କରିଛନ୍ତି । ଅଭିଯୋଗକ୍ରମେ ସାବତ ମାଆ ବାସନ୍ତୀ ବାରିକ ଓ ବାପା ବାବଜୀ ବାରିକକୁ ପୋଲିସ ଗିରଫ କରି ଅଧିକ ପଚରାଉଚରା କରୁଛି ।

ସୂଚନାଯୋଗ୍ୟ ଯେ, ଗୋରୁଙ୍କୁ ତୋରାଣି ଦେବା ଘଟଣାକୁ ନେଇ ମୃତ ପେରି ବାରିକଙ୍କୁ ଉଭୟ ବାପା ଓ ସାବତ ମାଆ ଗାଳିଗୁଲଜ କରିଥିଲେ । ପରେ ଉତ୍ତ୍ୟକ୍ତ ହୋଇ ବାପା ପେରିକୁ ଶକ୍ତ ଚାପୁଡା ମାରିଥିଲେ । ଏଥିରେ ପେରି ତଳେ ପଡିଯାଇଥିଲେ । ତଳେ ପଡିଯାଇଥିବା ପେରିର ବେକ ଉପରେ ସାବତ ମାଆ ବାସନ୍ତୀ ଠିଆହୋଇପଡିଥିଲେ । ଫଳରେ ଘଟଣାସ୍ଥଳରେ ଝିଅ ପେରି ଅଚେତ ହୋଇପଡିଥିଲେ । ପ୍ରଥମେ ତାଙ୍କୁ ତିହିଡି ହସ୍‌ପିଟାଲ ଓ ପରେ ଭଦ୍ରକ ହସ୍‌ପିଟାଲକୁ ନିଆଯାଇଥିଲା । ତେବେ ଭଦ୍ରକ ହସପିଟାଲରେ ତାଙ୍କର ମୃତ୍ୟୁ ହୋଇଯାଇଥିଲା ।

ପୋଲିସ ମୃତ ପେରିଙ୍କ ଶବ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଛି । ଖବର ନେବାରୁ ଜଣାପଡିଛି ଯେ, ସାବତ ମାଆ ବାସନ୍ତୀ ଦୀର୍ଘଦିନ ହେଲା ପେରିକୁ ନିର୍ଯ୍ୟତନା ଦେଇଆସୁଥିଲେ ।

   Related Posts