vridhi excotica
star kirano
ori homes
vridhi excotica
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେନିସକୁ ଅଲବିଦା କହିଥାନ୍ତେ ରାଫେଲ ନାଦାଲ ! କିନ୍ତୁ…
  • ||
  • ଖୋର୍ଦ୍ଧା : ରାସ୍ତାକଡ଼କୁ ଖସିଲା ‘ଲିଙ୍ଗରାଜ’, ବସ୍‌ରେ ଥିଲେ ୨୦ରୁ ଅଧିକ ଯାତ୍ରୀ…
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୩୪୬ କୋଭିଡ୍ ପଜିଟିଭ୍
  • ||
  • ଜୁଲାଇ ୫ରେ ମାଟ୍ରିକ୍‌ ରେଜଲ୍ଟ ! ସୋମବାର ହୋଇପାରେ ଘୋଷଣା
  • ||
  • ବିଜେପି ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ, ଶେଷଦିନରେ ନେତାଙ୍କୁ ଗୁରୁମନ୍ତ୍ର ଦେବେ ମୋଦୀ
  • ||
  • ସାମ୍ନାକୁ ଆସିଲେ କହ୍ନେୟାଲାଲ ହତ୍ୟାକାଣ୍ଡର ପ୍ରତ୍ୟକ୍ଷଦର୍ଶୀ, ବଖାଣିଲେ ଛାତିଥରା କାହାଣୀ
  • ||
  • ମୌସୁମୀକୁ ସକ୍ରିୟ କରିବ ଲଘୁଚାପ : ରବିବାର ଓ ସୋମବାର ଏହି ସବୁ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||

କ’ଣ ହେଉଛି କାଶ୍ମୀରରେ ? ସ୍ପଷ୍ଟ କରୁନାହାନ୍ତି ସରକାର… ଖେଳିଗଲାଣି ଅଜଣା ଭୟ : ସ୍ଥାନୀୟ ଲୋକେ ଅତି ଆବଶ୍ୟକ ସାମଗ୍ରୀ ଘରେ ମହଜୁଦ କରିବାରେ ଲାଗିଲେ

3/08/2019 at 5:30 PM

ନୂଆଦିଲ୍ଲୀ ୩|୮:  ଜାମ୍ମୁ କାଶ୍ମୀରରେ ଭୟର ବାତାବରଣ । ସମ୍ଭାବ୍ୟ ଆତଙ୍କୀ ହମ୍‌ଲାକୁ ଆଖିରେ ରଖି ଜାମ୍ମୁ କାଶ୍ମୀର ଗୃହ ସଚିବ ଆଡଭାଇଜରି ଜାରିକରିବା ପରେ ଏଭଳି ସ୍ଥିତି । ଅମରନାଥ ଯାତ୍ରା ସ୍ଥଗିତ ସହ ପର୍ଯ୍ୟଟକ ଓ ଶ୍ରଦ୍ଧାଳୁ ମାନେ ଯଥାଶୀଘ୍ର କାଶ୍ମୀର ଘାଟି ଛାଡିବାକୁ ଆଡଭାଇଜରୀର କୁହାଯାଇଛି । ଫଳରେ ଅମରନାଥ  ଯାତ୍ରୀ ଓ ପର୍ଯ୍ୟଟକ ଅଧାରୁ ଫେରିବା ଆରମ୍ଭ କରିଛନ୍ତି । କାଶ୍ମୀରର ବଡଧରଣର ଅପରେସନ୍ ପାଇଁ ଚାଲିଛି ପ୍ରସ୍ତୁତି ।ତେଣୁ ପେଟ୍ରୋଲ୍‌ ପମ୍ପ, ଏଟିଏମ୍‌ଗୁଡିକରେ ଲମ୍ବା ଧାଡି ଦେଖିବାକୁ ମିଳିଛି ।

ଜାମ୍ମୁ କାଶ୍ମୀରରେ ଅଜଣା ଭୟ । ବାତିଲ୍‌ ହୋଇଛି ଅମରନାଥ ଯାତ୍ରା । ଅମରନାଥ ଯାତ୍ରା ସ୍ଥଗିତ କରିବାକୁ ଜାମ୍ମୁ-କାଶ୍ମୀର ଗୃହସଚିବ ଆଡଭାଇଜରି ଜାରି କରିବା ପରେ, ଅମରନାଥ ଯାତ୍ରୀ ଏବଂ ପର୍ଯ୍ୟଟକ ଯାତ୍ରା ଅଧାରୁ ଫେରିବା ଆରମ୍ଭ କରିଛନ୍ତି । ଆଡଭାଇଜରୀରେ କୁହାଯାଇଛି ସମ୍ଭାବ୍ୟ ଆତଙ୍କବାଦୀ ଆକ୍ରମଣ ଦୃଷ୍ଟିରୁ ଅମରନାଥ ଯାତ୍ରା ସ୍ଥଗିତ ରଖାଯାଇଛି। ଅମରନାଥ ଯାତ୍ରୀଙ୍କୁ ଶୀଘ୍ର କାଶ୍ମୀର ଘାଟି ଛାଡିବାକୁ କୁହାଯାଇଛି ।

ଏହା ପରେ ଯାତ୍ରୀଙ୍କ ବ୍ୟସ୍ତତା ବଢିବା ଯୋଗୁଁ ବିମାନ ଭଡା ମଧ୍ୟ ଆକାଶ ଛୁଆଁ ହୋଇଛି । ଯେପରି ଯାତ୍ରୀଙ୍କ ଅସୁବିଧା ନହୁଏ ଜମ୍ମୁ କାଶ୍ମୀର ଏୟାରପୋର୍ଟ ଅଥରିଟି ବୈଠକ କରି ଏୟାରଲାଇନ୍ସକୁ ସଜାଗ ରହିବାକୁ କହିଛନ୍ତି । ଅଧିକ ବିମାନ ସେବା ଯୋଗାଇବାକୁ ସ୍ଥିର ହୋଇଛି । ଯାତ୍ରୀମାନେ କିଭଳି ସୁରକ୍ଷିତ ଏବଂ ସୁବିଧାରେ ଫେରିପାରିବେ ସେଥିଲାଗି ସ୍ଥିତି ଉପରେ ନଜର ରଖାଯାଇଥିବା DGCA କହିଛନ୍ତି।

ଜାମ୍ମୁ କାଶ୍ମୀରରେ ଭୟର ଗୁଜବ ଖେଳି ଯାଇଛି । କିଛି ଅଘଟଣ ଆଶଙ୍କାରେ ସ୍ଥାନୀୟ ଲୋକେ ଅତି ଆବଶ୍ୟକ ସାମଗ୍ରୀ ଘରେ ମହଜୁଦ କରିବାରେ ଲାଗିଛନ୍ତି । ଜାମ୍ମୁ କାଶ୍ମୀରର କେତେକ ସ୍ଥାନର ଲୋକେ ପେଟ୍ରୋଲ ପମ୍ପ ଏବଂ ଏଟିଏମ୍ ରେ ଭିଡ ଲଗାଇଛନ୍ତି । ସେହିଭଲି ଗୁଲମାର୍ଗର ବିଭିନ୍ନ ହୋଟେଲରେ ରହୁଥିବା ଯାତ୍ରୀଙ୍କୁ ହୋଟେଲ ଖାଲି କରିବା ପାଇଁ କୁହାଯାଇଛି। ଜାମ୍ମୁ କାଶ୍ମୀରରେ ବଡ ଧରଣର ଅପରେସନ ପାଇଁ କ୍ଷେତ୍ର ପ୍ରସ୍ତୁତି ଚାଲିଛି । ତେବେ ଏହି ଅପରେସନ କେଉଁଥି ପାଇଁ ତାହା ସ୍ପଷ୍ଟ ହୋଇନାହିଁ । ତେବେ ଧାରା ୩୫-ଏ ଉଚ୍ଚେଦ ନେଇ ସରକାର ଯୋଜନା କରୁଥିବା ବେଳେ ଆତଙ୍କବାଦୀଙ୍କ ପକ୍ଷରୁ ଅଶାନ୍ତି ସୃଷ୍ଟି ପାଇଁ ଉଦ୍ୟମ କରାଯାଉଥିବା ନେଇ ବି ଆଶଙ୍କା କରାଯାଉଛି ।

ସେପଟେ ଗୃହମନ୍ତ୍ରୀ ଅମିତ ଶାହା କହିଛନ୍ତି, କାଶ୍ମୀର ଛାଡିବା ପାଇଁ ଜାରି କରାଯାଇଥିବା ନିର୍ଦେଶନାମାକୁ ଗମ୍ଭୀରତାର ସହ ନିଆଯିବା ଆବଶ୍ୟକ । କେନ୍ଦ୍ରଗୃହ ମନ୍ତ୍ରଣାଳୟ ଓ ସେନା କାଶ୍ମୀର ପ୍ରସଙ୍ଗକୁ ନେଇ ତତ୍ପରତା ପ୍ରକାଶ କରିବା ଘାଟିରେ ବାତାବରଣକୁ ଉଷ୍ମ କରିଛି ।

   Related Posts