ରାଉରକେଲା ୧୧।୦୫ : ସାରା ଦେଶରେ ନବୀନ ବାବୁ ୧ ନମ୍ବର ମୁଖ୍ୟମନ୍ତ୍ରୀ । ନବୀନ ବାବୁ ଯାହା କାର୍ଯ୍ୟ କରନ୍ତି, ତାହା କେନ୍ଦ୍ର ମଧ୍ୟ ଅନୁସରଣ କରୁଛି । ଆମ ପ୍ରିୟ ମୁଖ୍ୟମନ୍ତ୍ରୀ ଲୋକଙ୍କୁ ଯାହା କହିଛନ୍ତି ତାକୁ ମାନେ ରଖି କାର୍ଯ୍ୟ କରନ୍ତି ବୋଲି ବିରମିତ୍ରପୁର ସଭାରେ କହିଛନ୍ତି ବିଜେଡି ନେତା ଭିକେ ପାଣ୍ଡିଆନ୍ ।
ସେ ଆହୁରି ମଧ୍ୟ କହିଛନ୍ତି ଯେ, ବିଜେପି ୩୦ ରୁ ୩୦ ଜିଲ୍ଲା ପରିଷଦ ହାରିଲା। ନବୀନ ବାବୁ ଇତିହାସ ରଚିବେ। ଓଡିଶା ବିଜେପିର ଆତ୍ମବିଶ୍ୱାସ ବଢ଼ାଇବାକୁ ବାରମ୍ବାର PM ଆସୁଛନ୍ତି । ଯେହେତୁ ୩୦ ରୁ ୩୦ ହାରିଲେ ତାଙ୍କୁ ଯେତେ ଇଞ୍ଜେକ୍ସନ ଦେଲେ ଉଠୁନାହାନ୍ତି। ଗୋଟିଏ ଆହ୍ୱାନ ଦେଇଥିଲି କିଛି କହିପାରିଲେ ନାହିଁ, ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରିପାରୁନାହାନ୍ତି । ନବୀନ ବାବୁ ସବୁ କ୍ଷେତ୍ରରେ ଓଡିଶାକୁ 1 ନମ୍ବର କରିଛନ୍ତି। ମିଶନ ଶକ୍ତି ମହିଳା ଭତ୍ତା ପାଇବେ। ଏପିରିକି ଆୟୁଷ୍ମାନ ଭାରତ ତୁଳନାରେ BSKY ବହୁତ ବଢିଆ। ମୁଖ୍ୟମନ୍ତ୍ରୀ କେବେ ବି ଅନ୍ୟାୟ ହେବାକୁ ଦେବେନି। ସବୁ ପଂଚାୟତରେ ବ୍ୟାଙ୍କ ଖୋଲିବାକୁ ବିଜେପିକୁ ୩୦ ବର୍ଷ ଲାଗିଥାନ୍ତା। ନବୀନ ବାବୁ ରାଜ୍ୟ ସରକାରଙ୍କ ଟଙ୍କାରୁ ସବୁ ପଂଚାୟତରେ ବ୍ୟାଙ୍କ ଖୋଲୁଛନ୍ତି । କାହିଁକି କୋଷ୍ଟଲ ହାଇୱେ ହୋଇପାରିଲା ନାହିଁ? କୋଇଲା ରୟାଲଟି ବୃଦ୍ଧି କଣ ପାଇଁ କରାଗଲାନି? NH 55 ସାରା ଭାରତର ସବୁଠାରୁ ଖରାପ ରାସ୍ତା । ୨ କୋଟି ଚାକିରୀ କୁଆଡେ ଗଲା ? ପ୍ରତି ନିର୍ବାଚନରେ ଆସି ବଡ ବଡ କଥା କହୁଛନ୍ତି, କୁମ୍ଭୀର କାନ୍ଦଣା କାନ୍ଦୁଛନ୍ତି। ନିର୍ବାଚନ ପରେ ଭୁଲି ଯାଉଛନ୍ତି । ପେଟ୍ରୋଲ, ଗ୍ୟାସ, ଡିଜେଲ ଦର ବଢିବନି ଓ ଚାକିରୀ ଦେବେ ବୋଲି ଗ୍ୟାରେଣ୍ଟି ଦେଇପାରିବେ କି ?
ସେହିପରି PM ଅନେକ ଶିଳାନ୍ୟାଶ କରୁଛନ୍ତି । କିନ୍ତୁ ଉଦଘାଟନ କରିପାରୁନାହାନ୍ତି । ସାଢେ ୪ କୋଟି ଓଡିଶାବାସୀଙ୍କ ହୃଦୟର ରାଜା ନବୀନ ବାବୁ । ଗୁଜୁରାଟକୁ 1 ନମ୍ବର କରିପାରିଲେ କି ? ଗତ ଥର ଅପପୁଷ୍ଟି କଥା କହିଥିଲେ, ଗୁଜୁରାଟରେ ୪୦ ପ୍ରତିଶତ ଓ ଓଡ଼ିଶାରେ ୨୯ ପ୍ରତିଶତ ଶିଶୁ ଅପପୁଷ୍ଟିର ଶୀକାର । ରକ୍ତହୀନତାରେ ସମସ୍ୟା ମଧ୍ୟ ରହିଛି । ସବୁ ସ୍କୁଲ ଓଡ଼ିଶାରେ ରୂପାନ୍ତରିତ, ଗୁଜୁରାଟର ସବୁ ସ୍କୁଲରେ ବ୍ଲାକବୋର୍ଡ । ମୁଣ୍ଡପିଛା ଋଣରେ ଓଡ଼ିଶାର ପ୍ରଦର୍ଶନ ଗୁଜୁରାଟ ତୁଳନାରେ ଭଲ । ଓଡିଶାକୁ 1 ନମ୍ବର କେବଳ ନବୀନ ବାବୁ କରିପାରିବେ । ଓଡିଶାକୁ ଅବହେଳା ବନ୍ଦ କରନ୍ତୁ । iocl, mcl, nalcoରେ ଓଡ଼ିଆ ଲୋକଙ୍କୁ ନୁହେଁ ବାହାର ଲୋକଙ୍କୁ ଚାକିରୀ ଦେଉଛନ୍ତି । ବିଜେପି ବହୁତ ଖରାପ ଅବସ୍ଥାରେ ହରିବାକୁ ଥିଲେ ଧର୍ମ, ଅଞ୍ଚଳ ଓ ରାଜନୀତିକୁ ନେଇ ରାଜନୀତି କରିଥାଏ । ବିକାଶର କଥା କହିବେନି। ମନ୍ଦିର ମସଜିଦ ଚର୍ଚ୍ଚର କଥା କହିବେ ।
କନ୍ଧମାଳ ଅଶାନ୍ତ ହୋଇଥିଲା, ବିଜେପି କନ୍ଧମାଳରେ ଦଙ୍ଗା କରିଥିଲା। ନବୀନ ବାବୁ ଏଥିରେ ସୁଧାର ଆଣିଲେ, ଲୋକ ଶାନ୍ତିରେ ରହୁଛନ୍ତି । ଯେତେ ବୁଷ୍ଟର ଡୋଜ ଦେଲେ ବି ଓଡିଶା ବିଜେପିର କିଛି ହେବନି । ନିର୍ବାଚନ ଆଗରୁ ମୁଖ୍ୟମନ୍ତ୍ରୀ ଚେହେରା ଦେଖାଇବାର ସାହସ କରନ୍ତୁ । ବିଜେପିର ଅଭ୍ୟାସ ଦିନରେ ସ୍ବପ୍ନ ଦେଖିବା । ଜୁନ 9ରେ ନବୀନ ବାବୁ ଶପଥ ଗ୍ରହଣ କରିବେ। ମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ ଉତ୍ସବକୁ ଆସିବେ ଅନୁରୋଧ । ସ୍ୱତନ୍ତ୍ର ରାଜ୍ୟ ମାନ୍ୟତା ନେଇ ସେଦିନ ଘୋଷଣା କରିବେ ବୋଲି ଆମର ଆଶା ।
