ଜଟଣୀ ୨୬।୭: ଲଗାଣ ବର୍ଷା ଯୋଗୁଁ ଜଟଣୀ ବ୍ଲକ ବେଣାପାଞ୍ଜରୀ ପଂଚାୟତର ପାଣ୍ଡିଆବିଲି ଗ୍ରାମକୁ ଯାଇଥିବା ମୁଖ୍ୟ ବନ୍ଧ ଭାଙ୍ଗି ବିଚ୍ଛିନ୍ନ ହେଲା ରାସ୍ତା l ବର୍ଷା ଯୋଗୁଁ କଣାସ, ଡେଲାଙ୍ଗ ଓ ଜଟଣୀ ବ୍ଲକର ତିନୋଟି ଗ୍ରାମ ଓ ପୁରୀ, ଖୋର୍ଦ୍ଧା ଜିଲ୍ଲାରେ ଥିବା ପାଖାପାଖି ୫୦ଟି ଗ୍ରାମର ୫ ହଜାରରୁ ଉର୍ଦ୍ଧ୍ବ ଲୋକ ଏହି ପାଣ୍ଡିଆବିଲ ବନ୍ଧ ଉପରେ ନିର୍ଭର କରନ୍ତି ।

ଗତବର୍ଷ ଜୁଲାଇ ୧୬ ତାରିଖରେ ମଧ୍ୟ ଏହି ବନ୍ଧ ଭାଙ୍ଗିବା ଯୋଗୁ ଜଟଣୀ ସହରକୁ ଯିବା ପାଇଁ ୮ କିଲୋମିଟର ରାସ୍ତାକୁ ପାଖାପାଖି ୨୫ କିଲୋମିଟର ଦେଇ ଗ୍ରାମବାସୀଙ୍କୁ ଯିବାକୁ ପଡିବ l ସ୍କୁଲ ଓ କଲେଜ ଯିବାଆସିବା ପାଇଁ ଛାତ୍ରଛତ୍ରୀ ଓ ଗ୍ରାମବାସୀ ବର୍ତ୍ତମାନ ଭୟଭୀତ ଅବସ୍ଥାରେ ଅଛନ୍ତି l ସ୍ୱାଧୀନତାର ୭୫ ବର୍ଷ ପରେ ବି ରାଜଧାନୀଠାରୁ ୩୦ କିଲୋମିଟର ଭିତରେ ଥିବା ଏଇ ଗ୍ରାମବାସୀଙ୍କୁ ନଦୀ ପାର ହେବା ପାଇଁ ଏକମାତ୍ର ଡ଼ଙ୍ଗା ଉପରେ ଭରସା କରିବାକୁ ପଡେ l

You Can Read :