ବଲାଙ୍ଗୀର ୧୨।୦୫ : କଣ୍ଟାବାଞ୍ଜି ସଭାରେ ବିଜେଡିର ବରିଷ୍ଠ ନେତା ଭି.କେ ପାଣ୍ଡିଆନ୍ଙ୍କ ଘୋଷଣା । ନବୀନ ବାବୁଙ୍କୁ ୫ଟି ବିଧାନସଭା ଆସନରୁ ନିର୍ବାଚନ ଲଢିବାକୁ ପ୍ରସ୍ତାବ ମିଳିଥିଲେ । ହେଲେ ମୁଖ୍ୟ କଣ୍ଟାବାଞ୍ଜି ଆସନକୁ ବାଛିଥିଲେ । ରାଜନୈତିକ ଉଦ୍ଦେଶ୍ୟରେ ନୁହେଁ କଣ୍ଟାବାଞ୍ଜିର ବିକାଶ ପାଇଁ ଠିଆ ହୋଇଛନ୍ତି । ଚଳିତ ବର୍ଷ ରେକର୍ଡ ମାର୍ଜିନରେ ନବୀନ ବାବୁଙ୍କୁ ଏହି ଆସନରୁ ଆପଣମାନେ ଜିତାଇବେ । ଜୁଲାଇ ମାସରୁ ବିଜୁଳି ବିଲ ଆସିବ ନାହିଁ ବୋଲି ନବୀନ ବାବୁ କହିଛନ୍ତି ।
ସେହିପରି ବିରୋଧୀ ବି ଟାର୍ଗେଟ କରିଛନ୍ତି ପାଣ୍ଡିଆନ୍ । ଆଉ କହିଛନ୍ତି ଯେ, ୨୦୧୯ ରେ ପ୍ରଧାନମନ୍ତ୍ରୀ ଆସିଥିଲେ ପୁଣି 2024ରେ ଆସିଲେ । ସରକାରକୁ ଆସିଲେ ୩୧୦୦ ଟଙ୍କାରେ ଧାନ କିଣିବେ ବୋଲି କହିଲେ । ହେଲେ ୨୦୧୪ ଓ ୨୦୧୯ରେ ସମାନ କଥା କହିଥିଲେ । ୧୦ ବର୍ଷ କ୍ଷମତାରେ ଥିଲେ କଣ ପାଇଁ କଲେନି ? ମାଗଣା ବିଜୁଳି ବିଜେପିର ଦିନରେ ଲଣ୍ଠନ ଦେଖାଇବା ଭଳି । ଜୁନ ୯ରେ ନବୀନ ବାବୁ ଶପଥ ନେବେ । ଏହାପରେ ପ୍ରଥମ ଦସ୍ତଖତ କରିବେ ଜୁଲାଇ ମାସରୁ ବିଜୁଳି ବିଲ ଆସିବନି । ଡବଲ ଇଂଜିନ ସରକାର ଦିନରେ ଲଣ୍ଠନ ଦେଖାଉଛନ୍ତି । ଓଡ଼ିଶାର ୯୦ ପ୍ରତିଶତ ପରିବାର ଉପକୃତ ହେବେ ।
ତେବେ ଆୟୁଷ୍ମାନ ଯୋଜନାରେ ୫ ଲକ୍ଷ ଟଙ୍କା ମିଳୁଛି । ବିଏସ୍କେଓ୍ୱାଇରେ ମହିଳାଙ୍କୁ ୧୦ ଲକ୍ଷ ଟଙ୍କା ମିଳୁଛି । ଆୟୁଷ୍ମାନ ଯୋଜନାରେ ଇନ୍ସୁରାନ୍ସ କମ୍ପାନୀ ଟଙ୍କା ପାଉଛନ୍ତି । ନବୀନ ବାବୁଙ୍କ ବିଏସ୍କେଓ୍ୱାଇ କାର୍ଡ ଏଟିଏମ୍ କାର୍ଡ ଭଳି କାମ କରୁଛି । ଏହା ନବୀନ ବାବୁଙ୍କ ସରକାର ଓ ଡବଲ ଇଂଜିନ ସରକାର ମଧ୍ୟରେ ଫରକ । କେନ୍ଦ୍ରମନ୍ତ୍ରୀ ଢେଙ୍କାନାଳରୁ ଯାଇ ସମ୍ବଲପୁରରୁ ଠିଆ ହୋଇଛନ୍ତି । ପ୍ରଧାନମନ୍ତ୍ରୀଙ୍କ କାନ୍ଧରେ ବସି ନିର୍ବାଚନ ଲଢ଼ୁଛନ୍ତି ଓହ୍ଲାଇ ପଡିଲେ ଅମାନତ ହରାଇବେ । ପ୍ରଥମ ପର୍ଯ୍ୟାୟରେ ବିଜେଡି ୨୪ରୁ ଅଧିକ ଆସନ ଜିତୁଛି ।