ଓଟ୍ଟାୱା: ମାତ୍ର ୧୨ ଦିନର ସମ୍ପର୍କ ପାଇଁ ଜୀବନ ସାଥି ନାଁରେ କୋଟି କୋଟି ଟଙ୍କାର ସମ୍ପତ୍ତି ୱିଲ୍ କରିଦେଲେ ହଲିଉଡ୍ ଫିଲ୍ମ ପ୍ରଯୋଜକ ଜନ ପିଟର। ଜନ ପାମେଲା ଆଣ୍ଡର୍ସନଙ୍କୁ ୨୦୨୦ରେ ବିବାହ କରିଥିଲେ। ହେଲେ ମାତ୍ର ୧୨ ଦିନ ପରେ ଉଭୟ ପରସ୍ପର ଠାରୁ ଅଲଗା ହୋଇଯାଇଥିଲେ। ତେବେ ଅଲଗା ହେବା ପୂର୍ବରୁ ଜନ ପାମେଲାଙ୍କ ନାଁରେ ୧୦ ମିଲିୟନ ଆମେରିକୀୟ ଡଲାରର ସମ୍ପତ୍ତି ୱିଲ୍ କରିଦେଇଛନ୍ତି। ଏକଥା ସେ ନିଜେ ଏକ ଇଣ୍ଟରଭ୍ୟୁରେ ଖୁଲାସା କରିଛନ୍ତି।
ପାମେଲା ଜନଙ୍କ ଠାରୁ ଅଲଗା ହେବା ପରେ ସୋସିଆଲ୍ ମିଡିଆରେ ଏନେଇ ସୂଚନା ଦେଇଥିଲେ। ସେ ଜନଙ୍କୁ ଆଇନ ଅନୁସାରେ ବିବାହ କରିନଥିଲେ। ସେମାନଙ୍କ ମଧ୍ୟରେ ସେମିତି କୌଣସି ଗଭୀର ସମ୍ପର୍କ ବି ନଥିଲା ବୋଲି ପାମେଲା ସ୍ପଷ୍ଟ କହି ଦେଇଥିଲେ। କିନ୍ତୁ ଏକ ଇଣ୍ଟରଭ୍ୟୁରେ ଜନଙ୍କ ପ୍ରତି ଥିବା ପାମେଲାଙ୍କ ପ୍ରେମ ସ୍ପଷ୍ଟ ଝଲସି ଥିଲା। ଜନ ତାଙ୍କ ଜୀବନରେ ଏକ ଗଭୀର ଛାପ ଛାଡ଼ିଯାଇଛନ୍ତି। ସେ ତାଙ୍କୁ ଆଜୀବନ ଭଲପାଇବେ ବୋଲି ପାମେଲାଙ୍କ କହିଥିଲେ।
ବାଟମ୍ୟାନ, ଏ ଷ୍ଟାର ବର୍ଣ୍ଣ, ଏବଂ ମ୍ୟାନ୍ ଅପ୍ ଷ୍ଟୀଲ୍ ଫିଲ୍ମର ପ୍ରଯୋଜକ ଜନ ପିଟର ମଧ୍ୟ ପାମେଲାଙ୍କ ପ୍ରତି ଥିବା ତାଙ୍କର ଫିଲିଙ୍ଗ୍ସ ଶେୟାର କରିଛନ୍ତି। ନିକଟରେ ଏକ ଟିଭି ସାକ୍ଷତ୍କାରେ ସେ ଏମିତି ଏକ ଖୁଲାସ କରିଥିଲେ ଯାହା ସମସ୍ତଙ୍କୁ ଚମକାଇ ଦେଇଥିଲା। ଜନ ପାମେଲାଙ୍କ ନାଁରେ ୧୦ ମିଲିୟନ ଆମେରକୀୟ ଡଲାର ୱିଲ୍ କରିଦେଇଛନ୍ତି ବୋଲି କହିଛନ୍ତି।
{"width":838,"height":648}
ଇଣ୍ଟରଭ୍ୟୁରେ ଜନ କହିଛନ୍ତି “ ମୁଁ ସବୁବେଳେ ପାମେଲାଙ୍କ ଭଲ ପାଉଥିବି। ସେ ସବୁବେଳେ ମୋ ହୃଦୟରେ ରହିଥିବେ। ତେବେ ବାସ୍ତବ କଥା ହେଲା ମୁଁ ତାଙ୍କ ନାଁରେ ୧୦ ମିଲିୟନ ସମ୍ପତ୍ତି ଲେଖି ଦେଇଛି। ଏକଥା ସେ ନିଜେ ବି ଜାଣି ନାହାନ୍ତି। କେବଳ ସେ ନୁହେଁ ଏକଥା କେହି ଜାଣି ନାହାନ୍ତି। ମୁଁ ପ୍ରଥମ ଥର ପାଇଁ ଆପଣଙ୍କୁ କହିଲି। ବୋଧହୁଏ ଏହା ମୋତେ କହିବାର ନଥିଲା। କାରଣ ଏହା ତାଙ୍କର ସେ ଏହାକୁ ବ୍ୟବହାର କରନ୍ତୁ ବା ନ କରନ୍ତୁ।”
ଜନ ପିଟରଙ୍କ ପୂର୍ବରୁ ପାମେଲା ରିକ ସାଲୋମୋନ, କିଡ୍ ରକ ଓ ଟମ୍ମ ଲୀଙ୍କୁ ବିବାହ କରି ଡିଭୋର୍ସ ଦେଇସାରିଛନ୍ତି। ଟମି ଲୀଙ୍କ ସହ ପାମେଲଙ୍କ ସମ୍ପର୍କକୁ ନେଇ ଏକ ୱେବ୍ ସିରିଜ୍ ନିର୍ମାଣ କରାଯାଇଥିଲା। ଏଥିରେ ପାମେଲାଙ୍କ ଭୂମିକାରେ ଲିଲ୍ଲୀ ଜେମ୍ସ ଓ ସେବାସ୍ତିଆନ ଷ୍ଟାନ ଟମ୍ମି ଲୀଙ୍କ ଭୂମିକାରେ ଅଭିନୟ କରିଥିଲେ। ଏହି ୱେବ୍ସିରିଜ୍ ୧୦ଟି ପ୍ରତିଷ୍ଠିତ ଇମ୍ମି ପୁରସ୍କାର ଜିତିଥିଲା। ଯାହାକୁ ନେଇ ବିରୋଧ କରିଥିଲେ ପାମେଲ। ତାଙ୍କ ଜୀବନ କାହାଣୀକୁ ନେଇ ବ୍ୟବସାୟ କରାଯାଇଛି। ଏହା ତାଙ୍କୁ ଖୁବ୍ ବାଧିଛି ବୋଲି ପାମେଲା କହିଥିଲେ। ସୂଚନା ଥାଉକି, ପାମେଲା ନିକଟରେ ଏକ ନେଟ୍ଫ୍ଲିକ୍ସ ଡକ୍ୟୁମେଣ୍ଟାରୀରେ କାମ କରିବେ। ଯାହା ତାଙ୍କ ଜୀବନ କାହାଣୀକୁ ନେଇ ତିଆରି ହେବ। ଏହି ୱେବ୍ ସିରିଜ୍ର ନା ରହିଛି ପାମେଲା ଏ ଲଭ୍ ଷ୍ଟୋରୀ।
