ନୂଆଦିଲ୍ଲୀ, ୧୦|୦୯: ପାକିସ୍ତାନ କ୍ରିକେଟ୍ ଟିମ୍ ଏବେ ଦମଦାର୍ ଫର୍ମରେ ଅଛି । ଦଳ ଏସିଆ କପ୍ ୨୦୨୨ ଫାଇନାଲରେ ସ୍ଥାନ ପକ୍କା କରିଛି । ଦଳ ଶ୍ରୀଲଙ୍କା ସହ ମୁକାବିଲା ଖେଳିବ । ଏହାପୂର୍ବରୁ ଦଳ ସୁପର ୪ ମୁକାବିଲା ଶ୍ରୀଲଙ୍କା ବିପକ୍ଷରେ ହିଁ ଖେଳିଥିଲା । ଯେଉଁଥିରେ ଶ୍ରୀଲଙ୍କା ଟିମ୍ ବିଜୟୀ ହୋଇଛି । ଦଳ ୫ ଓ୍ୱିକେଟରେ ପାକିସ୍ତାନକୁ ମାତ୍ ଦେଇଥିଲା । ତେବେ ଏହି ମ୍ୟାଚରେ ଏକ ଅଜବ ଘଟଣା ଘଟିଥିଲା ।
ଶ୍ରୀଲଙ୍କା ବ୍ୟାଟିଂ ବେଳେ ପାକିସ୍ତାନୀ ଓ୍ୱିକେଟ୍ କିପର ମହମ୍ମଦ ରିଜଓ୍ୱାନ ଓ ଫିଲ୍ଡ ଅମ୍ପାୟାର ଏଫରି କିଛି କରିଥିଲେ ଯାହା ଦେଖିବା ପରେ ବାବର ଆଜମଙ୍କୁ ସେ ହିଁ ଅଧିନାୟକ ବୋଲି କହିବାକୁ ପଡିଥିଲା । ଏହି ପୁରା ଘଟଣା କ୍ୟାମେରାରେ କଏଦ ହୋଇଥିଲା । ଯାହାର ଭିଡିଓ ଖୁବ୍ ଭାଇରାଲ ହେଉଛି ।
ରିଜଓ୍ୱାନଙ୍କ କହିବାନୁସାରେ ଡିଆରଏସ
ଘଟଣା ଶ୍ରୀଲଙ୍କା ପାଳିର ୧୬ତମ ଓଭରରେ ଘଟିଥିଲା । ଦ୍ରୁତ ବୋଲର ହାସନ ଅଲ୍ଲୀଙ୍କ ଦ୍ୱିତୀୟ ବଲରେ ଦାସୁନ ସନାକା ଏକ ସ୍କୁପ୍ ସଟ୍ ମାରିବାକୁ ପ୍ରୟାସ କରିଥିଲେ । କିନ୍ତୁ ବଲ ରିଜଓ୍ୱାନଙ୍କ ହାତକୁ ଯାଇଥିଲା । ଏଠାରେ ରିଜଓ୍ୱାନଙ୍କୁ ବଲ୍ ବ୍ୟାଟରେ ବାଜିଥିବା ମନେ ହୋଇଥିଲା । ସେ ଅପିଲ କରିଥିଲେ । କିନ୍ତୁ ଫିଲ୍ଡ ଅମ୍ପାୟାର ଅନିଲ ଚୌଧରୀ ନଟ୍ ଆଉଟ୍ କହିଥିଲେ ।
wp:html/wp:htmlBabar Azam was Saying " Main Captain Hon " 🥺😭♥️♥️♥️♥️
— wajeeha 💫 Rumesa, Zainu, Hunaiza Bday 🔜 (@Maheen_Wajeeha) September 9, 2022
Best Best Part Today match ♥️♥️♥️ @babarazam258 #PAKvsSL pic.twitter.com/loKKT2BOfu
ଏହାପରେ ରିଜଓ୍ୱାନ ଡିଆରଏସ ପାଇଁ ଇଶାରା ଦେଇଥିଲେ । ଅମ୍ପାୟାର ମଧ୍ୟ ଡିଆରଏସ ଦେଇଥିଲେ । ଏହା ଦେଖି ବାବର ରାଗି ଯାଇଥିଲେ । କାରଣ ଅମ୍ପାୟାର ତାଙ୍କୁ ପଚାରିନଥିଲେ । ନିୟମ ଅନୁସାରେ ଅଧିନାୟକଙ୍କ ଅନୁମତି ମିଳିଲେ ହିଁ ଡିଆରଏସକୁ ମଞ୍ଜୁରି ମିଳିଥାଏ । କିନ୍ତୁ ଏଥିରେ ଓଲଟା ଘଟିଥିଲା ।
ବାବର ଆହୁରି ମଧ୍ୟ ସେ ଅଧିନାୟକ ବୋଲି କହିଥିଲେ । ବାବରଙ୍କ ଏହି ରିଆକ୍ସନ ଭିଡିଓ କ୍ୟାମେରାରେ କଏଦ ହୋଇଛି । ଯାହା ଖୁବ୍ ଭାଇରାଲ ହେଉଛି । ନେଟିଜେନ୍ସ ଏହାକୁ ଟ୍ରୋଲ୍ ମଧ୍ୟ କରୁଛନ୍ତି ।