scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କ୍ରିକେଟ ଇତିହାସରେ ପ୍ରଥମ, ଭାରତ ଜର୍ସିରେ ଲେଖାଯିବ ପାକିସ୍ତାନ

10/08/2023 at 3:29 PM

ନୂଆଦିଲ୍ଲୀ ୧୦/୦୮: ପାକିସ୍ତାନ ଏବଂ ଶ୍ରୀଲଙ୍କାର ଆୟୋଜନରେ ଖେଳାଯିବ ଏସିଆ କପ୍ ୨୦୨୩ । ତେବେ କ୍ରିକେଟ ଇତିହାସରେ ଏହା ପ୍ରଥମ ଘଟଣା ହେବ । ପ୍ରଥମ ଥର ପାଇଁ ଭାରତୀୟ ଦଳର ଜର୍ସିରେ ରହିବ ପାକିସ୍ତାନର ନାମ । ଅଗଷ୍ଟ ୩୦ରୁ ଖେଳାଯିବ ଏସିଆ କପ୍ ୨୦୨୩ । ଏସିଆ କପ୍‌ର କିଛି ମ୍ୟାଚ୍ ପାକିସ୍ତାନରେ ଏବଂ ବାକି ଶ୍ରୀଲଙ୍କାରେ ଖେଳାଯିବ ।

ଭାରତୀୟ ଦଳ ଶ୍ରୀଲଙ୍କାରେ ହେବାକୁ ଥିବା ଟୁର୍ଣ୍ଣାମେଣ୍ଟରେ ଏହାର ସମସ୍ତ ମ୍ୟାଚ୍ ଖେଳିବ । ଯଦିଓ ପାକିସ୍ତାନ ଏସିଆ କପ୍‌ର ମୁଖ୍ୟ ଆୟୋଜକ, ତଥାପି ଭାରତୀୟ ଜର୍ସିରେ ପାକିସ୍ତାନର ନାମ ଲେଖାଇବାକୁ ପଡିପାରେ । ତେବେ ଯଦି ଏହି ନା ଲେଖାଯିବ କେଉଁଠି ଲେଖାହେବ ତାକୁ ନେଇ ଶୁଣିବାକୁ ମିଳିଛି ଅନେକ ଚର୍ଚ୍ଚା ।

ଭାରତର ଜର୍ସିରେ ପାକିସ୍ତାନର ନାମ ଏସିଆ କପ୍ ଲୋଗୋ ତଳେ ରହିବ । ତେବେ ଏପର୍ଯ୍ୟନ୍ତ ସରକାରୀ ସୂଚନା ପ୍ରକାଶ ପାଇନାହିଁ । କହିବାକୁ ଗଲେ ଏସିଆ କପ୍‌ରେ ଭାରତୀୟ ଦଳ ୨ସେପ୍ଟେମ୍ବରରେ ପାକିସ୍ତାନ ବିପକ୍ଷରେ ପ୍ରଥମ ମ୍ୟାଚ୍ ଖେଳିବ । ଭାରତ ଏବଂ ପାକିସ୍ତାନ ମଧ୍ୟରେ ଏହି ମହାନ ମ୍ୟାଚ୍ ଶ୍ରୀଲଙ୍କାର କେଣ୍ଡିରେ ଖେଳାଯିବ । ଏହି ମ୍ୟାଚ୍ ପାଇଁ ଷ୍ଟାଡିୟମ୍ ହାଉସଫୁଲ୍ ହେବ ବୋଲି ଆଶା କରାଯାଉଛି ।

ଗ୍ରୁପ୍ ପର୍ଯ୍ୟାୟ ବ୍ୟତୀତ ସୁପର- ୪ ପର୍ଯ୍ୟାୟରେ ଭାରତ ଏବଂ ପାକିସ୍ତାନ ମଧ୍ୟରେ ଏକ ମ୍ୟାଚ୍ ଖେଳାଯିବ । ଯଦି ଉଭୟ ଦଳ ସୁପର-୪ ପାଇଁ ଯୋଗ୍ୟତା ଅର୍ଜନ କରନ୍ତି, ତେବେ ଉଭୟଙ୍କ ମଧ୍ୟରେ ଆଉ ଏକ ମ୍ୟାଚ୍ ଦେଖିବାକୁ ମିଳିବ । ସୁପର-୪ ବ୍ୟତୀତ ଫାଇନାଲରେ ବି ଉଭୟଙ୍କ ମଧ୍ୟରେ କଡ୍ଡା ଟକ୍କର ଦେଖିବାକୁ ମିଳିବ । ଏହି ପରିପ୍ରେକ୍ଷୀରେ ଭାରତ-ପାକିସ୍ତାନ କେବଳ ଏସିଆ କପରେ ଥରେ ନୁହେଁ ତିନିଥର ମୁହାଁମୁହିଁ ହୋଇପାରନ୍ତି ।

you can also read…

   Related Posts