ନୂଆଦିଲ୍ଲୀ ୦୮/୦୧: ଭାରତର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ ନିଜର ଭିନ୍ନ ତଥା କୁଲ୍ ଅନ୍ଦାଜ୍ ପାଇଁ ସବୁଠି ବେଶ୍ ଲୋକପ୍ରିୟ । ଏମିତିକି ଅନ୍ୟ ଦେଶର ଖେଳାଳି ବି ମାହିଙ୍କ ବଡ ଫ୍ୟାନ୍ । ଏଥର କିନ୍ତୁ ମାହି ପାକିସ୍ତାନୀ ପେସର ହୈରିସ ରଉଫ ହୃଦୟରେ ରହିଯାଇଛନ୍ତି । ଗତ କିଛି ଦିନରେ ଏମଏସଏସ ଧୋନି ରଉଫଙ୍କୁ ଏମିତି ଉପହାର ଦେଇଛନ୍ତି, ଯାହାକୁ ପାଇ ହାରିସ୍ ଖୁସିରେ ଗଦଗଦ ହୋଇଯାଇଛନ୍ତି ।
wp:html/wp:htmlThe legend & capt cool @msdhoni has honored me with this beautiful gift his shirt. The "7" still winning hearts through his kind & goodwill gestures. @russcsk specially Thank you so much for kind support. pic.twitter.com/XYpSNKj2Ia
— Haris Rauf (@HarisRauf14) January 7, 2022
ହାରିସଙ୍କୁ ମାହି ଭେଟିଦେଇଛନ୍ତି ଚେନ୍ନାଇ ସୁପର କିଙ୍ଗସର ଜର୍ସି । ତେବେ ହାରିସ ଟ୍ୱିଟରରେ ଫଟୋ ସେୟାର କରି ଲେଖିଛନ୍ତି ଧୋନୀଜି ଆପଣଙ୍କୁ ବହୁତ ବହୁତ ଧନ୍ୟବାଦ । ରୌଫ ଆହୁରି ଲେଖିଛନ୍ତି ଲେଜେଣ୍ଡ ଓ କ୍ୟାପଟେନ୍ କୁଲ୍ ମାହି ନିଜ ଟି-ସାର୍ଟ ରୂପରେ ବହୁତ ସୁନ୍ଦର ଉପହାର ପଠାଇଛନ୍ତି । ନମ୍ୱର ୭ ନିଜର ଭଲ ଗୁଣ ପାଇଁ ସମସ୍ତଙ୍କ ହୃଦୟରେ ଚର୍ଚ୍ଚିତ ।
ଆପଣଙ୍କ ଏହି ସହଯୋଗ ପାଇଁ ଅଶେଷ ଅଶେଷ ଧନ୍ୟବାଦ । ସୂଚନା ଥାଉକି, ହାରିସ ଗତ କିଛି ତଳେ ଖେଳାଯାଇଥିବା ଟି-୨୦ ବିଶ୍ୱକପରେ ପାକିସ୍ତାନ ଦଳର ଅଂଶ ଥିଲେ । ଏହାସହ ସେ ଟୁର୍ଣ୍ଣାମେଣ୍ଟରେ ବହୁତ ଭଲ କାମ ମଧ୍ୟ କରିଥିଲେ । ସୁପର-୧୨ ରାଉଣ୍ଡରେ ନ୍ୟୁଜିଲାଣ୍ଡ ବିପକ୍ଷରେ ଖେଳାଯାଇଥିବା ମ୍ୟାଚରେ ରୌଫ ଚାରିଟି ୱିକେଟ୍ ନେଇଥିଲେ । ଶେଷ ଥର ପାଇଁ ବାଂଲାଦେଶ ବିପକ୍ଷ ଟି-ଟ୍ୱେଣ୍ଟି ସିରିଜରେ ପାକିସ୍ତାନ ପାଇଁ ଖେଳିଥିଲେ।