ମୁମ୍ୱାଇ ୧୫/୧୧: କ୍ରିକେଟ ବିଶ୍ୱକପ୍ ୨୦୨୩ରେ ପାକିସ୍ତାନର ପ୍ରଦର୍ଶନ ଥିଲା ନୈରାଶ୍ୟଜନକ । । ଫଳରେ କ୍ୱାଲିଫାଏ ଲିଷ୍ଟିରୁ ବାଦ୍ ପଡିଥିଲା ଦଳ । ଏହା ପରେ ଆରମ୍ଭ ହୋଇଛି ଚର୍ଚ୍ଚା । ପୂର୍ବତନ କ୍ରିକେଟରଙ୍କ ସମେତ ପ୍ରଶଂସକ ବି pcb କୁ କଡ୍ଡା ସମାଲୋଚନା କରିଛନ୍ତି । ପାକିସ୍ତାନ ପୂର୍ବତନ ଅଲରାଉଣ୍ଡର ଅବ୍ଦୁଲ୍ ରଜ୍ଜାକ୍ ବି ଏହି ଚର୍ଚ୍ଚାରେ ସାମିଲ ହୋଇଛନ୍ତି ।

ରଜ୍ଜାକ୍ ପାକିସ୍ତାନୀ କ୍ରିକେଟ ବୋର୍ଡ ସହ ଆଲୋଚନା କରିବା ବେଳେ ଏମିତି କିଛି କହିଛନ୍ତି । ଯାହା ସବୁ ସୀମା ସରହଦ ପାର୍ କରିଛି ବୋଲି ଚର୍ଚ୍ଚା ହେଉଛି । ରଜ୍ଜାକ୍ pcbକୁ ପୂର୍ବତନ ବିଶ୍ୱ ସୁନ୍ଦରୀ ଐଶର୍ଯ୍ୟା ରାୟଙ୍କ ତୁଳା କରିଛନ୍ତି । ବୟାନ ଦେଇ ଏମିତି କହିଛନ୍ତି, ଯାହା କ୍ରିକେଟ ଜଗତକୁ ପୁରା ଲଜ୍ଜାଜନକ ହେବା ଭଳି ମନେ ହେଉଛି । ତେବେ ଏହା ପରେ ସେ ନିଜେ ଭୁଲ ବି ସ୍ୱୀକାର କରିଛନ୍ତି ।

ରଜ୍ଜାକ୍ କହିଛନ୍ତି ଆମେ କ୍ରିକେଟ ବିଷୟରେ ଟିଭିରେ ଚର୍ଚ୍ଚା କରୁଥିଲୁ, ହଠାତ୍ ମୋ ପାଟିରୁ ସ୍ଲିପ୍ କରିଗଲା କିଛି । ଭୁଲରେ ମୁଁ ଐଶର୍ଯ୍ୟା ରାୟଙ୍କ ନାଁ କହିଦେଲି । ମୁଁ ବ୍ୟକ୍ତିଗତ ଭାବେ ତାଙ୍କୁ କ୍ଷମାପ୍ରାର୍ଥନା କରୁଛି । ମୋର ସେମିତି କିଛି ଉଦ୍ଦେଶ୍ୟ ନଥିଲା । କାହାର ଭାବନାକୁ ଆଘାତ ଦେବାରେ ବି ମୋର ଉଦ୍ଦେଶ୍ୟ ନଥିଲା । ଜଷ୍ଟ ସେମିତି ଟଙ୍ଗ ସ୍ଲିପ୍ ହୋଇଗଲା ବୋଲି ସ୍ପଷ୍ଟ କରିଛନ୍ତି । ରଜ୍ଜାକ୍ ନିଜର ବିବାଦୀୟ ବୟାନକୁ ନେଇ ଏମିତି କହିଛନ୍ତି । ଆଉ ଭୁଲି ବି ସ୍ୱିକାର କରିଛନ୍ତି ।