ମୁମ୍ଵାଇ ୦୭।୦୩: ପାକିସ୍ତାନର ଭେଟରାନ୍ ଅଭିନେତା କବି ଖାନ । ବର୍ତ୍ତମାନ ସେ ଦୁନିଆକୁ ବିଦାୟ ଦେଇଛନ୍ତି। ମୃତ୍ୟୁ ବେଳକୁ ତାଙ୍କୁ ପ୍ରାୟତଃ ୮୦ବର୍ଷ ବୟସ ହୋଇଥିଲା। ଗଣମାଧ୍ୟମ ରିପୋର୍ଟ ଅନୁଯାୟୀ, କବି ଖାନ ଦୀର୍ଘ ଦିନ ଧରି କର୍କଟ ରୋଗରେ ପୀଡିତ ଥିଲେ । ଚିକିତ୍ସା ହେତୁ ସେ କାନାଡାରେ ରହୁଥିଲେ। ଏବେ କବି ଖାନଙ୍କ ମୃତ୍ୟୁକୁ ତାଙ୍କ ପୁଅ ଅଦନାନ୍ କବିଙ୍କ ଦ୍ୱାରା ନିଶ୍ଚିତ ହୋଇଛି।
ଅନ୍ୟପକ୍ଷରେ, କବି ଖାନଙ୍କ ପରିବାର ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଅଭିନେତାଙ୍କ ଶେଷ ରୀତିନୀତି ୬ ମାର୍ଚ୍ଚ ଅର୍ଥାତ୍ ଗତକାଲି କାନାଡାରେ ହୋଇ ସାରିଛି। ସ୍ୱର୍ଗତ ଅଭିନେତାଙ୍କୁ ବ୍ରମ୍ପଟନର ମେଡୋଭିଲ୍ ଶ୍ମଶାନରେ ସମାଧି ଦିଆଯାଇଛି। ତାଙ୍କ ମୃତ୍ୟୁ ଖବର ଶୁଣି ସମଗ୍ର ପାକିସ୍ତାନୀ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଶୋକର ଲହରୀ ଖେଳିଯାଇଛି। ଅନେକ ସେଲିବ୍ରିଟି ମଧ୍ୟ ସୋସିଆଲ ମିଡିଆ ମାଧ୍ୟମରେ ତାଙ୍କୁ ଶ୍ରଦ୍ଧାଞ୍ଜଳୀ ଦେଇଥିଲେ। ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ନାମ ମଧ୍ୟ ଏହି ସେଲିବ୍ରିଟିମାନଙ୍କ ମଧ୍ୟରେ ସାମିଲ୍ ହୋଇଛି।
ଉଲ୍ଲେଖନୀୟ କଥା ହେଉଛି, କବି ଖାନ ୧୯୬୬ମସିହାରେ ପାକିସ୍ତାନୀ ଟିଭି ଶୋ ଜରିଆରେ ନିଜର ଅଭିନୟ ଜୀବନ ଆରମ୍ଭ କରିଥିଲେ। ଏହା ପରେ ସେ ବଡ ପରଦାରେ ପାଦ ଦେଇଥିଲେ। କେବଳ ଏତିକି ନୁହେଁ ପରେ ତାଙ୍କୁ ଅନେକ ଟିଭି ସୋ ଏବଂ ଫିଲ୍ମରେ ମଧ୍ୟ ଦେଖିବାକୁ ମିଳିଛି। ପାକିସ୍ତାନୀ ଚଳଚ୍ଚିତ୍ର ଇଣ୍ଡଷ୍ଟ୍ରି ପାଇଁ କବି ଖାନଙ୍କ ମୃତ୍ୟୁ ଏକ ବଡ କ୍ଷତି।
