scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପାକିସ୍ତାନକୁ ଲାଗିବ ଝଟ୍‌କା ! ହାତରୁ ଖସିପାରେ ଚାମ୍ପିଆନ୍ସ ଟ୍ରଫିର ଆୟୋଜନ

28/11/2023 at 12:19 PM

ମୁମ୍ବାଇ ୨୮।୧୧ : ପାକିସ୍ତାନ କ୍ରିକେଟ୍‌ ବୋର୍ଡ ଲାଗିପାରେ ଶକ୍ତ ଝଟ୍‌କା । ବୋର୍ଡ ହାତରେ ଖସିପାରେ ଆଇସିସି ଚାମ୍ପିଆନ୍ସ ଟ୍ରଫିର ଆୟୋଜନ । ୨୦୨୫ରେ ପାକିସ୍ତାନରେ ହେବାକୁ ଯାଉଛି ଚାମ୍ପିଆନ୍ସ ଟ୍ରଫି । ହେଲେ ଏହା ପାକିସ୍ତାନରେ ହେବ କି ନାହିଁ । ତାହା ଏବେଠୁ ସସ୍‌ପେନ୍ସ ।

ମିଡିଆ ରିପୋର୍ଟ ମୁତାବିକ, ଯଦି ଭାରତ ସରକାରଙ୍କ ମନୋଭାବରେ ପରିବର୍ତ୍ତନ ନହୁଏ, ତେବେ ଏଭଳି ପରିସ୍ଥିତିରେ ପାକିସ୍ତାନ ହାତରୁ ଖସିପାରେ ଚାମ୍ପିଆନ୍ସ ଟ୍ରଫିର ଆୟୋଜନ । ଆଉ ପାକିସ୍ତାନ ପରିବର୍ତ୍ତେ ଦୁବାଇରେ ହାଇବ୍ରିଡ୍‌ ମଡେଲ୍‌ରେ ଚାମ୍ପିଆନ୍ସ ଟ୍ରଫିର ଆୟୋଜନ କରାଯିବ । ହାଇବ୍ରିଡ୍‌ ମଡେଲ ମୁତାବିକ ଭାରତ ଚାମ୍ପିଆନ୍ସ ଟ୍ରଫିରେ ଖେଳିବାକୁ ଥିବା ସମସ୍ତ ମୁକାବିଲା ଦୁବାଇରେ ଖେଳିବ । ଏହାବାଦ୍‌ ଅନ୍ୟ ବାକି ଟିମ୍‌ ପାକିସ୍ତାନରେ ହିଁ ଖେଳିବେ । କେବଳ ଟିମ୍‌ ଇଣ୍ଡିଆ ହିଁ ଅଲଗା ଭେନ୍ୟୁରେ ମ୍ୟାଚ୍‌ ଖେଳିବ ।

ସେପଟେ ପାକିସ୍ତାନ କ୍ରିକେଟ୍‌ ବୋର୍ଡ କହିଛି ଯେ, ପାକିସ୍ତାନ ୨୦୨୫ର ଚାମ୍ପିଆନ୍ସ ଟ୍ରଫିର ଆୟୋଜନ ପାଇଁ ଅଧିକାର ପାଇଛି । ପାକିସ୍ତାନ କ୍ରିକେଟ୍‌ ବୋର୍ଡକୁ ଅନୁମାନ କରୁଛି କି ଭାରତୀୟ ଟିମ୍‌ ଏସିଆ କପ୍‌ ପରି ଦେଶକୁ ଖେଳିବା ପାଇଁ ଆସିବନାହିଁ । ଯାହାଦ୍ୱାରା ପାକିସ୍ତାନ କ୍ରିକେଟ୍‌ ବୋର୍ଡକୁ ବଡ଼ଧରଣର କ୍ଷତି ଲାଗିପାରେ । ତେଣୁ ଭାରତ ସମସ୍ତ ମୁକାବିଲା ଦୁବାଇ ଖେଳିବାକୁ ବୋର୍ଡ ଯୋଜନା କରୁଛି ।

ସେହିପରି ଏହାପୂର୍ବରୁ ଗତ ଏସିଆ କପ୍‌ର ଆୟୋଜନ ପାକିସ୍ତାନକୁ ମିଳିଥିଲା । କିନ୍ତୁ ଭାରତୀୟ କ୍ରିକେଟ୍‌ ବୋର୍ଡ ପାକିସ୍ତାନ ଯିବାକୁ ମନା କରିଦେଲା । ଯାହାଫଳରେ ପାକିସ୍ତାନ ଏବଂ ଶ୍ରୀଲଙ୍କାରେ ଏସିଆ କପ୍‌ର ଆୟୋଜନ ହୋଇଥିଲା । ଭାରତର ସମସ୍ତ ମୁକାବିଲା ପାକିସ୍ତାନରେ ଖେଳାଯାଇଥିଲା । ଭାରତ ବି ୨୦୨୩ରେ ହୋଇଥିବା ଏସିଆ କପ୍‌ରେ ଚାମ୍ପିଆନ୍‌ ହୋଇଥିଲା ।  

ସୂଚନାଯୋଗ୍ୟ ଯେ, ୨୦୦୯ରେ ଶ୍ରୀଲଙ୍କା କ୍ରିକେଟ୍‌ ଟିମ୍‌ ଉପରେ ପାକିସ୍ତାନରେ ଆତଙ୍କବାଦୀ ଆକ୍ରମଣ ହୋଇଥିଲା । ଏହାପରେ ଅନ୍ୟ କୌଣସି ଦେଶ ପାକିସ୍ତାନରେ କ୍ରିକେଟ୍‌ ଖେଳିବାକୁ ରାଜି ହେଉନଥିଲେ । ଏବେ ଧୀରେ ଧୀରେ ଅନ୍ୟ ଟିମ୍‌ ପାକିସ୍ତାନରେ ଖେଳିବାକୁ ରାଜି ହୋଇଥିଲେ । ଆଉ ସିରିଜ୍‌ ମଧ୍ୟ ଖେଳୁଛନ୍ତି । କିନ୍ତୁ ଭାରତୀୟ ଟିମ୍‌ ଏବେ ଯାଏଁ ପାକିସ୍ତାନରେ କୌଣସି ମ୍ୟାଚ୍‌ ଖେଳିନାହିଁ । ୨୦୦୬ରେ ଶେଷ ଥର ପାଇଁ ଭାରତୀୟ ପାକିସ୍ତାନରେ କୌଣସି ସିରିଜ୍‌ କିମ୍ବା ମ୍ୟାଚ୍‌ ଖେଳିଥିଲା ।  

   Related Posts