Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଉ କିଛି ଦିନ ପରେ ସାଜିଥାନ୍ତେ ବରଗଡ଼ ଧନୁଯାତ୍ରାର ବଳରାମ, ତା ଆଗରୁ ଦୁନିଆ ଛାଡ଼ି ଚାଲିଗଲେ ଶ୍ରେୟସ
  • ||
  • ଜାଡ଼ରେ ଥରୁଛି କନ୍ଧମାଳ: ଫୁଲବାଣୀରେ ୬.୬ ଡିଗ୍ରୀ, ଦାରିଙ୍ଗବାଡିରେ ୮.୫ ଡିଗ୍ରୀ ସେଲସିୟସ
  • ||
  • ମହିଳା ପ୍ରଦର୍ଶନକାରୀଙ୍କ ସ୍ତନ ଏବଂ ଗୁପ୍ତାଙ୍ଗକୁ ଗୁଳି କରୁଛନ୍ତି ଇରାନୀ ସେନା, ଖୁଲାସା କଲେ ଡାକ୍ତର
  • ||
  • ସିନ୍ଧେକେଲା ଥାନା ଆଇଆଇସି ଗିରଫ, ୨୫ ହଜାର ଲାଞ୍ଚ ନେଉଥିବା ବେଳେ ଧରିଥିଲା ଭିଜିଲାନ୍ସ
  • ||
  • ଧର୍ମଗଡ: ଭାରସାମ୍ୟ ହରାଇ ଗଛରେ ପିଟିଲା ମିନିଟ୍ରକ, ଦୁର୍ଘଟଣାରେ ଜଣେ ମୃତ
  • ||
  • ଜାଡ଼ରେ ଥରୁଛି ରାଜ୍ୟ, କୋରାପୁଟରେ ତଳକୁ ଖସିଲା ପାରଦ
  • ||
  • ମୋହନା: ଗୋଷ୍ଠୀ କେନ୍ଦ୍ର ପଛପଟେ ପଡ଼ିଛି କୁଢ଼ କୁଢ଼ ଔଷଧ, ବୈଧତା ଥାଇ ବି ଫୋପାଡିଦେଲେ
  • ||
  • ପାଟଣା ରେଞ୍ଜରେ ଘୁରି ବୁଲୁଛନ୍ତି ହାତୀପଲ, ଧାନ ଫସଲ ନଷ୍ଟ ସହ ଖାଇଗଲେ ଶହ ଶହ ଧାନ ବିଡା
  • ||
  • ନିଶ୍ଚିତକୋଇଲି: ବିଳମ୍ବିତ ରାତିରେ ମାତିଲେ ଡକାୟତ, ଚୋରି କରିବାକୁ ଆସି ନେଇଗଲେ ଜୀବନ
  • ||

T-20 World Cup : ହାରିଲା ବାଂଲାଦେଶ, ସେମିଫାଇନାଲରେ ପାକିସ୍ତାନ

6/11/2022 at 1:00 PM

ଆଡିଲେଡ୍‌ ୦୬।୧୧ : ସେମିଫାଇନାଲରେ ପାକିସ୍ତାନ । ବାଂଲାଦେଶ ବିପକ୍ଷରେ ଚାଲିଥିବା ସଂଘଷପୂର୍ଣ୍ଣ ମ୍ୟାଚ୍‌ରେ ବାଜିମାରିନେଲା ପାକିସ୍ତାନ । ବାଂଲାଦେଶ ଟିମ୍‌କୁ ୫ ଓ୍ୱିକେଟ୍‌ରେ ପରାସ୍ତ କରିଛି ପାକିସ୍ତାନ । ଏହାସହିତ ଟି-୨୦ ବିଶ୍ୱକପ୍‌ରୁ ବିଦା ହୋଇଛି ବାଂଲାଦେଶ ଟିମ୍‌ ।

ଟସ୍‌ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା ବାଂଲାଦେଶ । କିନ୍ତୁ ଦଳକୁ ଲାଗିଥିଲା ପ୍ରାଥମିକ ଝଟ୍‌କା । ଓପନର ଲିଟନ୍‌ ଦାସ ୧୦ ରନ୍‌ କରି ପ୍ୟାଭିଲିୟନ ଫେରିଥିଲେ । ଏହାପରେ ଲଗାତର ଅନ୍ତରାଳରେ ଓ୍ୱିକେଟ୍‌ ପଡିଚାଲିଥିଲା । କିନ୍ତୁ ଗୋଟିଏ ପଟେ କ୍ରିଜ୍‌ରେ ଜମି ରହିଥିଲେ ସାଣ୍ଟୋ । ସେ ୪୮ ବଲ୍‌ରେ ୫୪ ରନ୍‌ କରିଥିଲେ । ଯାହାକି ଦଳ ପକ୍ଷରୁ ସର୍ବାଧିକ ଥିଲା । ଏହାପଛକୁ ଅଫିଫ୍‌ ହୁସେନ୍‌ ୨୪ ରନ୍‌, ସୌମ୍ୟ ସରକାର ୨୦ରନ୍‌ କରିଥିଲେ । ଆଉ କୌଣସି ବ୍ୟାଟସମ୍ୟାନ୍‌ ୨ ଅଙ୍କ ଛୁଇଁପାରିନଥିଲେ । ଦଳ ମୋଟ ୨୦ ଓଭରରେ ୮ଓୱ୍ିକେଟ୍‌ ହରାଇ ୧୨୭ ରନ୍‌ କରିଥିଲା । ପାକିସ୍ତାନ ପକ୍ଷରୁ ସାହିନ୍‌ ଆଫ୍ରିଦି ୪ ଓ୍ୱିକେଟ୍‌ ନେଇଥିବା ବେଳେ ସାଦାଦ ଖାନ୍‌ ୨ଟି ଓ୍ୱିକେଟ୍‌ ନେଇଛନ୍ତି । ବାକି ହରିଷ ରାଉଫ୍‌ ଓ ଇଫିକାର୍‌ ଅହମ୍ମଦ ଗୋଟିଏ ଲେଖାଏଁ ଓ୍ୱିକେଟ୍‌ ନେଇଛନ୍ତି ।

ସେପଟେ ୧୨୮ ରନ୍‌ ବିଜୟ ଲକ୍ଷ୍ୟ ନେଇ ପଡିଆକୁ ଓହ୍ଲାଇଥିଲେ ପାକିସ୍ତାନୀ ବ୍ୟାଟର୍‌ । ଓପନର ରିଜଓ୍ୱାନ୍‌ ଓ ବାବର ଆଜମ୍‌ ଦଳ ପାଇଁ ଭଲ ଆରମ୍ଭ କରିଥିଲେ । ପ୍ରଥମ ୧୦ ଓଭରରେ ୫୭ ରନ୍‌ କରିଥିଲେ ଉଭୟ ବ୍ୟାଟର୍‌ । ଏହାପରେ ହିଁ ଲାଗିଥିଲା ପାକିସ୍ତାନକୁ ପ୍ରଥମ ଝଟ୍‌କା । ଅଧିନାୟକ ବାବର ୨୫ ରନ୍‌ କରି ଆଉଟ୍‌ ହୋଇଥିଲେ । ଏହାପରେ କିଛି ରନ୍‌ ବ୍ୟବଧାନ୍‌ରେ ରିଜଓ୍ୱାନ୍‌ ମଧ୍ୟ ଆଉଟ୍‌ ହୋଇଥିଲେ । ପାକିସ୍ତାନ ଟିମ୍ ୧୮ ଓଭର ଗୋଟିଏ ବଲ୍‌ରେ ବାଂଲାଦେଶ ଦେଇଥିବା ଟାର୍ଗେଟକୁ ହାସଲ୍‌ କରିନେଇଛି । ଏଥିରେ ମହମ୍ମଦ ହାରିସ୍‌ଙ୍କ ୩୧ ରନ୍‌, ସାନ୍‌ ମସୁଦ୍‌ଙ୍କ ୨୪ ରନ୍‌, ନଓ୍ୱାଜ୍‌ଙ୍କ ୪ରନ୍‌ ରହିଛି । ପାକିସ୍ତାନ ଟିମ୍‌ର ଏହି ବିଜୟ ଯୋଗୁଁ ସେମିଫାଇନାଲ୍‌ ରାସ୍ତା ଏବେ ସଫା ହୋଇଯାଇଛି । ଟିମ୍‌ ଏବେ ସେମିଫାଇନାଲରେ ପ୍ରବେଶ କରିଛି ।

   Related Posts