scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ହାଫିଜ୍‌ ସୟିଦ୍‌କୁ ୫ବର୍ଷ ଜେଲ୍‌, ଆତଙ୍କବାଦୀକୁ ପାଣ୍ଠି ଯୋଗାଉଥିବାରୁ ଚେକ୍‌ ଦେଲେ ପାକ୍‌ କୋର୍ଟ

12/02/2020 at 6:06 PM

ଇସଲାମାବାଦ ୧୨।୦୨:  ମୁମ୍ବାଇ ଆତଙ୍କବାଦୀ ଆକ୍ରମଣ ଘଟଣାର ମାଷ୍ଟରମାଇଣ୍ଡଙ୍କୁ କୋର୍ଟଙ୍କ ଦଣ୍ଡାଦେଶ । ହାଫିଜ୍‌ ସୟିଦ୍ ୨୦୦୮ରେ ହୋଇଥିବା ମୁମ୍ବାଇ ଆକ୍ରମଣ ଘଟଣାର ମୁଖ୍ୟ ମାଷ୍ଟରମାଇଣ୍ଡ ରହିଛି । ଆତଙ୍କୀଙ୍କୁ ଫାଣ୍ଠି ଯୋଗାଣ ମାମଲାରେ ଏକ କୋର୍ଟ ଉଭୟଙ୍କ ୫ବର୍ଷ ପାଇଁ ଜେଲ୍‌ ଦଣ୍ଡାଦେଶ ଶୁଣାଇଛନ୍ତି । 

ଆତଙ୍କବାଦୀଙ୍କୁ ଅର୍ଥ ଯୋଗାଣ ପାଇଁ ଅର୍ଥ ଯୋଗାଡ଼ କରିବାକୁ ପାଞ୍ଚଟି ଟ୍ରଷ୍ଟ୍‍ ବ୍ୟବହାର କରିଥିବା ଜମାତ୍‌-ଉଦ୍‌-ଦାଓ୍ଵାର ମୁଖ୍ୟ ଏବଂ ତାଙ୍କର ୧୨ ଜଣ ସହଯୋଗୀଙ୍କ ବିରୋଧରେ ୨୩ ମାମଲା ରୁଜୁ କରାଯାଇଥିଲା। ହାଫିଜ୍‌ ବ୍ୟବହାର କରିଥିବା ସଂଗଠନଗୁଡ଼ିକ ହେଉଛି: ଦାଓ୍ଵାତ୍‌ ଇଶ୍‌ରାଦ୍‌ ଟ୍ରଷ୍ଟ୍‍, ମୋଆଜ୍‌ ବିନ୍‌ ଜବାଲ୍‌ ଟ୍ରଷ୍ଟ୍‍, ଅଲ୍‌-ଅନ୍‌ଫାଲ୍‌ ଟ୍ରଷ୍ଟ, ଅଲ୍‌-ମଦିନା ଫାଉଣ୍ଡେସନ୍‌ ଟ୍ରଷ୍ଟ୍‍, ଅଲ୍‌-ହମଦ ଟ୍ରଷ୍ଟ। ଏହି ସଂଗଠନ ଲାହୋର, ଗୁଜରାନ୍‌ଓ୍ଵାଲା ଏବଂ ମୁଲ୍‌ତାନ ଭଳି ପ୍ରମୁଖ ସହରରେ କାର୍ଯ୍ୟକରୁଥିଲା

କୋର୍ଟ ଫେବ୍ରୁଆରୀ ୬ରେ ଏହି ମାମଲାରେ ଶୁଣାଣି କରି ନିଷ୍ପତିକୁ ସଂରକ୍ଷିତ ରଖିଥିଲେ। ସୟିଦ୍ ବିରୋଧରେ ଟେରର ଫଣ୍ଡିଂ, ମନି ଲଣ୍ଟରିଂ ଓ ବେଆଇନ ଜବର ଦଖଲ ଭଳି ମୋଟ ୨୯ଟି ମାମଲା ରହିଛି। ଏହା ପୂର୍ବରୁ ଗତକାଲି କୋର୍ଟ ସୟିଦ୍‌ର ସେହି ଆବେଦନ ସ୍ୱୀକାର କରିଥିଲେ ଯେଉଁଥିରେ ୬ଟି ମାମଲାର ଏକାସଙ୍ଗେ ଶୁଣାଣି ଓ ନିଷ୍ପତ୍ତି ଶୁଣାଇବା ପାଇଁ କୁହାଯାଇଥିଲା। ପାକିସ୍ତାନୀ ମିଡିଆ ଅନୁସାରେ, ଡେପୁଟୀ ପ୍ରୋସେକ୍ୟୁଟର୍ ଜେନେରାଲ ଅବ୍ଦୁଲ ବଟ୍ଟୁ ଅଭିଯୁକ୍ତ ବିରୋଧରେ ୬ଟି ମାମଲାର ଶୁଣାଣି କୋର୍ଟରେ ଚାଲିଥିବା କହିଥିଲେ। ଯେଉଁଥିରୁ ୪ଟିରେ ପ୍ରମାଣ ଦାଖଲ ପ୍ରକ୍ରିୟା ଚାଲିଛି।

   Related Posts