oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାୟଗଡ଼ା : ଗୁମ୍ମା ଘାଟିରେ ଦୁର୍ଘଟଣା : ସ୍ୱାମୀ ମୃତ, ସ୍ତ୍ରୀ ଏବଂ ପୁଅ ଗୁରୁତର
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୯ କୋଭିଡ୍ ପଜିଟିଭ୍
  • ||
  • ମେକ୍ସିକୋ ଧୁଆଁଧାର ଫାୟାରିଂ: ୭ ପୋଲିସ କର୍ମଚାରୀ, ମେୟରଙ୍କ ସମେତ ୧୮ ଜଣଙ୍କ ମୃତ୍ୟୁ
  • ||
  • ଜଲପାଇଗୁଡ଼ିରେ ଦୁର୍ଗା ଭସାଣି ବେଳେ ଫ୍ଲାସ ଫ୍ଲଡ୍, ବନ୍ୟାରେ ଭାସି ୭ ମୃତ
  • ||

ଅନ୍ତର୍ଜାତୀୟ କୋର୍ଟର ଚାପ ଆଗରେ ମୁଣ୍ଡ ନୁଆଇଁଲା ପାକିସ୍ତାନ, କୁଲଭୂଷଣଙ୍କୁ ମିଳିଲା ବଡ ଆଶ୍ଵସ୍ତି

17/11/2021 at 5:39 PM

ଇସଲାମାବାଦ ୧୭।୧୧: ଅନ୍ତର୍ଜାତୀୟ କୋର୍ଟର ଚାପ ଆଗରେ ମୁଣ୍ଡ ନୁଆଁଇଲା ପାକିସ୍ତାନ। ଆଉ ପାକିସ୍ତାନ ଜେଲ୍‌ରେ ବନ୍ଦୀ ଭାରତୀୟ ନାଗରିକ କୁଲଭୂଷଣ ଯାଧବଙ୍କୁ ମିଳିଲା ବଡ ଆଶ୍ଵସ୍ତି। ଅନ୍ତର୍ଜାତୀୟ ନ୍ୟାୟାଳୟର ନିର୍ଣ୍ଣୟ ଅନୁଯାୟୀ, କୁଲଭୂଷଣଙ୍କୁ ଅପିଲ୍ କରିବାର ଅଧିକାର ଦେବା ପାଇଁ ପାକିସ୍ତାନର ସଂସଦର ଏକ ବିଧେୟକ ପାରିତ ହୋଇଛି। ଏବେ କୁଲଭୂଷଣ ଯାଧବ ଉଚ୍ଚ ନ୍ୟାୟାଳୟରେ ନିଜ ସଜା ବିରୋଧରେ ଆବେଦନ କରି ପାରିବେ।

ଏହା ପୁର୍ବରୁ ସୈନ୍ୟ ଅଦାଲତ ଦ୍ଵାରା ମୃତ୍ୟୁ ଦଣ୍ଡାଦେଶ ପାଇଥିବା କୁଲଭୂଷଣ ଯାଧବଙ୍କୁ ଅପିଲ୍ କରିବାର ଅଧିକାର ନଥିଲା। ଏହା ଉପରେ ଅନ୍ତର୍ଜାତୀୟ କୋର୍ଟ ପାକିସ୍ତାନକୁ ତାଗିଦ୍ କରିଥିଲେ। ଭାରତୀୟ ବୈଦେଶିକ ମନ୍ତ୍ରଣାଳୟ ୨୦୧୭ ଏପ୍ରିଲ ୧୦ରେ ପ୍ରେସ ବିବୃତି ଜାରି କରିଥିଲେ ଯେ, କୁଲଭୂଷଣ ଯାଧବଙ୍କୁ ପାକିସ୍ତାନ ଇରାନରୁ ଅପହରଣ କରିଥିଲା। ପାକିସ୍ତାନ ପାଖରେ ଏହାର କୌଣସି ପ୍ରମାଣ ନାହିଁ ଯେ, କୁଲଭୂଷଣ ଯାଧବ ଗୁଇନ୍ଦାଗିରି କରୁଥିଲେ।

ପାକିସ୍ତାନ ସରକାରଙ୍କ ଅଭିଯୋଗ ଏହା ଯେ, କୁଲଭୂଷଣ ଯାଧବ ପୂର୍ବତନ ଭାରତୀୟ ନୌସୈନିକ। ପାକିସ୍ତାନରେ ଅନେକ ବିପଜ୍ଜନକ ଗତିବିଧିରେ ସେ ସାମିଲ୍ ଥିଲେ। ୨୦୧୬ ମାର୍ଚ୍ଚ ୩ରେ କୁଲଭୂଷଣଙ୍କୁ ପାକିସ୍ତାନ ଗିରଫ କରିଥିଲା। ଭାରତ ଜବାବ ଦେଇ କହିଥିଲା ଯେ, କୁଲଭୂଷଣ ଯାଧବ ପୂର୍ବତନ ନୌସେନା ଅଧିକାରୀ ଏବଂ ନୌସେନାରୁ ଅବସର ନେଇ ସାରିଛନ୍ତି। ଜଣେ ବ୍ୟବସାୟୀ ହିସାବରେ ସେ ଇରାନ ଯାଇଥିଲେ, ଯେଉଁଠୁ ପାକିସ୍ତାନ ତାଙ୍କର ଅପହରଣ କରିଥିଲା।

ଏହା ପରେ ୨୦୧୭ ମେ ଏପ୍ରିଲ ୧୦ରେ ପାକିସ୍ତାନର ଏକ ସୈନ୍ୟ ଅଦାଲତ କୁଲଭୂଷଣଙ୍କୁ ଫାଶୀ ଦଣ୍ଡାଦେଶ ଶୁଣାଇଥିଲା। ଏହା ବିରୋଧରେ ଭାରତ ଅନ୍ତର୍ଜାତୀୟ କୋର୍ଟ(ଆଇସିଜେ)ର ଦ୍ଵାରସ୍ଥ ହୋଇଥିଲା। ମାମଲାର ଶୁଣାଣି କରି ଆଇସିଜେ କୁଲଭୂଷଣଙ୍କ ମୃତ୍ୟୁ ଦଣ୍ଡାଦେଶ ଉପରେ ରୋକ୍ ଲଗାଇଥିଲେ। ହେଗ ସ୍ଥିତ ଅନ୍ତର୍ଜାତୀୟ କୋର୍ଟ ୨୦୧୯ ଜୁଲାଇରେ ଦେଇଥିବା ନିଷ୍ପତ୍ତିରେ କହିଥିଲେ ଯେ, ପାକିସ୍ତାନ ଯାଧବଙ୍କୁ ଦୋଷୀ ସାବ୍ୟସ୍ତ କରିବା ଏବଂ ସଜା ଦେବା ଉପରେ ପୁନଃ ସମୀକ୍ଷା ଏବଂ ପୁନର୍ବିଚାର କରୁ। ବିନା ବିଳମ୍ବରେ  ଯାଧବଙ୍କୁ ଭାରତୀୟ ରାଷ୍ଟ୍ରଦୂତଙ୍କ ସହ ଭେଟିବାକୁ ଦିଆଯାଉ। ଆଇସିଜେ ଏହା ମଧ୍ୟ କହିଥିଲେ, ପାକିସ୍ତାନ ଯାଧବଙ୍କୁ ସୈନ୍ୟ ଅଦାଲତ ବିରୋଧରେ ଅପିଲ୍ କରିବା ପାଇଁ ଉଚିତ୍ ମଞ୍ଚ ଯୋଗାଇ ଦେଉ।

   Related Posts