Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ଭିଏଲସି ମିଡିଆ ପ୍ଲେୟାର ବ୍ୟାନ୍, ଓ୍ୱେବସାଇଟରେ ଆସୁଛି ଆଇଟି ଆକ୍ଟ ମେସେଜ୍
  • ||
  • ୨୪ ଘଣ୍ଟାରେ ଘନୀଭୂତ ହେବ ଲଘୁଚାପ, ପ୍ରଭାବରେ ଦୁଇଦିନ ପ୍ରବଳ ବର୍ଷିବ
  • ||
  • ରେଳ ଧାରଣାରୁ ମିଳିଲା ମନ୍ତ୍ରୀଙ୍କ ଭଣଜାଙ୍କ ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ଦେଶରେ ଉପରତଳ କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୧୫୮୧୫ କରୋନା ପଜିଟିଭ୍
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୦୩ କୋଭିଡ୍ ପଜିଟିଭ୍
  • ||
  • କନ୍ନଡ ଗାୟକ ଶିବମୋଗା ସୁବାନାଙ୍କ ଦେହାନ୍ତ, ୮୩ ବର୍ଷ ବୟସରେ ହୃଦଘାତରେ ପରଲୋକ
  • ||
  • ଲଘୁଚାପ ସକ୍ରିୟ : ଦୁଇ ଦିନ ଯାଏଁ ପ୍ରବଳ ବର୍ଷା, ଫୁଲୁଛି ବିଭିନ୍ନ ନଦୀ
  • ||

ପବିତ୍ର ଧନୁ ସଂକ୍ରାନ୍ତି, ଆଜିଠାରୁ ଆରମ୍ଭ ହେବ ମହାପ୍ରଭୁଙ୍କ ପହିଲି ଭୋଗ ନୀତି

15/12/2020 at 7:46 AM

ପୁରୀ ୧୫।୧୨: ଆଜି ପବିତ୍ର ଧନୁ ସଂକ୍ରାନ୍ତି। ଶ୍ରୀମନ୍ଦିର ପରମ୍ପରା ଅନୁସାରେ ଆଜିଠାରୁ  ଶୁଭାରମ୍ଭ ହେବ ମହାପ୍ରଭୁଙ୍କ ପହିଲି ଭୋଗ ନୀତି। ତେଣୁ ଶ୍ରୀମନ୍ଦିରପ୍ରଶାସନ ପକ୍ଷରୁ ସ୍ୱତନ୍ତ୍ର ନୀତି ନିର୍ଘଣ୍ଟ ଧାର୍ଯ୍ୟ କରାଯାଇଛି । ଭୋର ୩ଟାରେ ଶ୍ରୀମନ୍ଦିର ଦ୍ୱାର ଫିଟିଥିବା ବେଳେ ପ୍ରତ୍ୟୁଷ ୬ଟା ୨୦ ମିନିଟ୍‌ରେ ଠାକୁରଙ୍କୁ ପହିଲି ଭୋଗ ଅର୍ପଣ ହୋଇଛି ।

ତେବେ ଧନୁ ସଂକ୍ରାନ୍ତି ଠାରୁ ଆସନ୍ତା ଜାନୁୟାରୀ ୧୪ ତାରିଖ ମକର ସଂକ୍ରାନ୍ତି ପର୍ଯ୍ୟନ୍ତ ପହିଲି ଭୋଗ ନୀତି ପାଳିତ ହେବ। ଜନଶ୍ରୁତି ରହିଛି ଲକ୍ଷ୍ମୀ ବାପଘରକୁ ଯାଇଥିବାରୁ ମା’ ଯଶୋଦା ବଡ଼ ଆଗ୍ରହରେ ଏହି ଦିନରେ ବିଭିନ୍ନ ସ୍ୱାଦିଷ୍ଟ ପିଠା ରାନ୍ଧି ଶ୍ରୀକୃଷ୍ଣଙ୍କୁ ପରସି ଦେଇଥାନ୍ତି। ଏହାକୁ ସ୍ମରଣ କରାଯାଇ ଶ୍ରୀମନ୍ଦିରରେ ପହିଲି ଭୋଗ ନୀତି ପାଳିତ ହେଉଛି। ପହିଲି ଭୋଗରେ ମହାପ୍ରଭୁଙ୍କୁ ବଡ଼ ଝିଲି, ବଡ଼ି, ନାଡ଼ି, ଚୁଡ଼ା ଭଜା, ଛତୁ, ବଡ଼ା, କାକରା, ଟାକିରି, ଗଇଣ୍ଠା, ମଣ୍ଡା, ଏଣ୍ଡୁରି,ଚୁଡ଼ାପୁଆ , ଅମାଲୁ, ଚଢ଼େଇନେଦା ଗୁଳା, ଦରସୁଆ ବଡ଼ି, କାନ୍ତି, ନଡ଼ୁ ଗଜା, ନଳି ମୁଗେଇ, ଆରିସା ଓ କଣ୍ଟେଇ ଆଦି ବିଭିନ୍ନ ଭୋଗ ଅର୍ପଣ କରାଯିବ । ଶ୍ରୀମନ୍ଦିର ପ୍ରଶାସନ ଓ ସେବାୟତଙ୍କ ମଧ୍ୟରେ ସମନ୍ୱୟ ରହି ଠାକୁରଙ୍କ ରୀତିନୀତି ଶୃଙ୍ଖଳିତ କରିବାକୁ ପୂର୍ବରୁ ନିଷ୍ପତ୍ତି ହୋଇଛି ।

   Related Posts