ପଦ୍ମପୁର ୧୯/୦୨: ପ୍ରତିଶ୍ରୁତି ପୂରଣ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପଦ୍ମପୁରକୁ ବର୍ଷକ ଭିତରେ ଜିଲ୍ଲା ମାନ୍ୟତା ମିଳିବ । ପଦ୍ମପୁର ଉପ-ନିର୍ବାଚନ ସମୟରେ ମୁଖ୍ୟମନ୍ତ୍ରୀ ଲୋକଙ୍କୁ ଦେଇଥିବା କଥା ରଖିଛନ୍ତି । ରବିବାର ପଦ୍ମପୁର ଗସ୍ତରେ ଯାଇ ପ୍ରତିଶ୍ରୁତି ପୂରଣ କରିଛନ୍ତି ନବୀନ । ଗୋଟିଏ ବର୍ଷ ଭିତରେ ପଦ୍ମପୁର ଜିଲ୍ଲା ମାନ୍ୟତା ପାଇବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି । ଏହା ସହିତ ପଦ୍ମପୁରରେ ବିଭିନ୍ନ ଲୋକାଭିମୁଖୀ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ କରିଛନ୍ତି ।
{"id":747917,"sizeSlug":"full","linkDestination":"none"}
ପଦ୍ମପୁର ଉପ-ନିର୍ବାଚନରେ ବିଜେଡି ପ୍ରାର୍ଥୀ ବର୍ଷା ସିଂ ବରିହା ବିଜୟୀ ହେବା ପରେ ପ୍ରଥମ ଥର ପାଇଁ ପଦ୍ମପୁର ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ରବିବାର ପଦ୍ମପୁରରେ ପହଞ୍ଚି ପ୍ରତିଶ୍ରୁତି ରକ୍ଷା କରିଛନ୍ତି । ଆୟୋଜିତ ସଭାରେ ପଦ୍ମପୁରବାସୀଙ୍କୁ ଉଦବୋଧନ ଦେଇ ଉପଖଣ୍ଡକୁ ଜିଲ୍ଲା ଭାବେ ଘୋଷଣା କରିଛନ୍ତି ନବୀନ । ଆସନ୍ତା ଏକ ବର୍ଷ ଭିତରେ ପଦ୍ମପୁରକୁ ଜିଲ୍ଲା ମିଳିବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ସେହିପରି ମିଶନ ଶକ୍ତି ମାଆମାନେ ଭଲ କାମ କରୁଥିବା କହିବା ସହିତ ୧.୨୩ କୋଟି ଟଙ୍କାର ସହାୟତା ରାଶି ପ୍ରଦାନ କରିଛନ୍ତି ।
{"id":747918,"sizeSlug":"full","linkDestination":"none"}
ଆଜି ବରଗଡ଼ ଜିଲ୍ଲାକୁ ତୋଫାନି ଗସ୍ତ କରିଛନ୍ତି ମୁଖ୍ୟମନ୍ତ୍ରୀ । ପଦ୍ମପୁର ବିଧାନସଭା ନିର୍ବାଚନ ମଣ୍ଡଳୀର ଝାରବନ୍ଧ, ପାଇକମାଳ ଓ ପଦ୍ମପୁରରେ ଆୟୋଜିତ ତିନୋଟି ଜନସଭାରେ ଯୋଗଦେଇ ଉଦବୋଧନ ଦେଇଥିଲେ। ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି, ମୁଁ କଥାରେ ନୁହେଁ କାମରେ ବିଶ୍ବାସ କରେ । ପଦ୍ମପୁର ଉପଖଣ୍ଡରେ ବିଭିନ୍ନ ଉନ୍ନତିମୂଳକ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ ଓ ଶୁଭ ଉଦଘାଟନ କରିଛନ୍ତି । ସେହିପରି ଝାରବନ୍ଧ ବ୍ଲକର ପ୍ରତ୍ୟେକ ପଞ୍ଚାୟତ ପାଇଁ ଏକ କୋଟି ଲେଖାଏଁ ଅନୁଦାନ ଘୋଷଣା କରିଛନ୍ତି । ସେହିପରି ୧୩୩/୩୨ କେବିର ଏକ ଗ୍ରିଡ୍ ନିର୍ମାଣ ସାଙ୍ଗକୁ ଚାକଧରା ଡ୍ୟାମ କାର୍ଯ୍ୟ ଆରମ୍ଭ ହୋଇଛି ବୋଲି ନବୀନ କହିଛନ୍ତି । ସେହିପରି ପାଇକମାଳ ବ୍ଲକରେ ୨୦ଟି ପ୍ରକଳ୍ପର ଲୋକାର୍ପଣ ଏବଂ ଅନେକ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପାଇକମାଳ ପିଏଚସିକୁ ସିଏଚସି ଭାବେ ଘୋଷଣା କରିଛନ୍ତି ।
