ପଇସା ନେଲେ, ହୋଟେଲରେ ରୁମ୍ ଦେଲେନି : ସମ୍ବଲପୁର ଖାଉଟି ଅଦାଲତରେ ଦଣ୍ଡିତ ହେଲେ OYO ଓ ହୋଟେଲ ମାଲିକ

Published By : Prameya-News7 Bureau | August 02, 2024 IST

ସମ୍ବଲପୁର ୨: OYOରେ ରୁମ୍ ବୁକ୍ କରି ଅଗ୍ରୀମ ଟଞ୍ଚା ପୈଠ ପରେ ମଧ୍ୟ ରୁମ୍ ଦେଲେନି ହୋଟେଲ ମାଲିକ । ରୁମ୍ ତ ଦେଲେନି ଓଲଟି ଅଭଦ୍ର ବ୍ୟବହାର ସାଙ୍ଗକୁ ସେଠାରୁ ଧକ୍କା ମାରି ବାହାର କଲେ । OYOକୁ ଜଣାଇବା ପରେ ମଧ୍ୟ କିଛି ଲାଭ ହେଲାନି । ସ୍ତ୍ରୀ ଓ ଛୋଟ ଛୁଆକୁ ଧରି ଭୁବନେଶ୍ବରରେ ହୋଟେଲ ଖୋଜିଲେ ସମ୍ବଲପୁରର ଯୁବକ । 

୨୦୨୩ ମସିହା ଜୁନ ମାସରେ ଘଟିଥିବା ଏଭଳି ଘଟଣାକୁ ନେଇ ସମ୍ବଲପୁରର ଯୁବକ ତନ୍ମୟ ପଟେଲ ସମ୍ବଲପୁର ଖାଉଟି ଅଦାଲତଙ୍କ ଦ୍ବାରସ୍ଥ ହେବା ପରେ ଏହା ଶୁଣାଣି କରି ଖାଉଟି ଅଦାଲତ ଭୁବନେଶ୍ବରରେ ଥିବା OYO ଓ କଳାରାହାଙ୍ଗରେ ଥିବା ହୋଟେଲକୁ ଦଣ୍ଡିତ କରିଛନ୍ତି । ରୁମ୍ ଭଡା ବାବଦକୁ ୫୦୦ ଟଙ୍କା ଫେରସ୍ତ, ହଇରାଣ ପାଇଁ ୫୦ ହଜାର ଟଙ୍କା କ୍ଷତିପୂରଣ ଓ ଆଇନଗତ ଲଢେଇ ପାଇଁ ୧୦ ହଜାର ଟଙ୍କା ଉଭୟ OYO ଓ ହୋଟେଲ କର୍ତ୍ତୃପକ୍ଷ ତନ୍ମୟଙ୍କୁ ପ୍ରଦାନ କରିବେ ବୋଲି କୁହାଯାଇଛି । ଏଥିରେ ଖିଲାପ କଲେ ୯ ପ୍ରତିଶତ ସୁଧ ଦେବାକୁ କୁହାଯାଉଛି ।

  • odisha
  • OdishaNews
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.