ନୂଆଦିଲ୍ଲୀ: କେନ୍ଦ୍ର ସରକାର ଆଗାମୀ ଦିନରେ ଓଟିଟି ପ୍ଲାଟଫର୍ମରେ ପ୍ରସାରଣ ହେଉଥିବା ଅଶ୍ଲୀଳ କଣ୍ଟେଣ୍ଟ ଉପରେ ରୋକ ଲଗାଇବା ପାଇଁ ବଡ଼ ନିଷ୍ପତ୍ତି ନେଇପାରନ୍ତି । କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ରବିବାର ସାମ୍ୱାଦିକ ସମ୍ମିଳନୀରେ ଏଭଳି ସଂକେତ ଦେଇଛନ୍ତି । ସେ କହିଛନ୍ତି ଯେ ଓଟିଟି ବିରୋଧରେ ଅଭିଯୋଗ ମାମଲା ଲାଗାତର ବଢିବାରେ ଲାଗିଛି । ସୃଜନଶୀଳତା ନାଁରେ ଅଶ୍ଲୀଳତା ଏବଂ ଅଶ୍ରାବ୍ୟ ଭାଷା ଗ୍ରହଣ କରାଯିବ ନାହିଁ ।

କେନ୍ଦ୍ରମନ୍ତ୍ରୀ ଅନୁରାଗ ଠାକୁର କହିଛନ୍ତି, ‘ଓଟିଟି ବିରୋଧରେ ଅଭିଯୋଗ ବଢିବାରେ ଲାଗିଛି । ବର୍ତ୍ତମାନର ନିୟମ ଅନୁସାରେ କୌଣସି ଅଭିଯୋଗକୁ ପ୍ରାଥମିକ ପର୍ଯ୍ୟାୟରେ ଏହାର ନିର୍ମାତାଙ୍କୁ ଦୂର କରିବାକୁ ପଡିଥାଏ । ୯୦-୯୨ ପ୍ରତିଶତ ଅଭିଯୋଗକୁ ସେମାନେ ଦୂର କରି ଦିଅନ୍ତି । ଏହାପରେ ଆସୋସିଏସନ ସ୍ତରକୁ ଆସିଥାଏ’।

क्रिएटिविटी के नाम पर गाली गलौज, असभ्यता बर्दाश्त नहीं की जा सकती।

ओटीटी पर बढ़ते अश्लील कंटेंट की शिकायत पर सरकार गंभीर है।अगर इसको लेकर नियमों में कोई बदलाव करने की ज़रूरत पड़ी तो @MIB_India उस दिशा में भी पीछे नहीं हटेगा। अश्लीलता, गाली गलौज रोकने के लिए कड़ी कार्यवाई करेगा। pic.twitter.com/6pOL66s88L

— Anurag Thakur (@ianuragthakur) March 19, 2023

ମନ୍ତ୍ରୀ କହିଛନ୍ତି, ‘ସରକାରୀ ସ୍ତରରେ ଅଭିଯୋଗ ପହଞ୍ଚିବା ପରେ ନିୟମ ଅନୁସାରେ ବିଭାଗ ଦ୍ୱାରା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥାଏ । ଓଟିଟି ବିରୋଧରେ ଅଭିଯୋଗ ଏବେ ବଢିବାରେ ଲାଗିଛି । ବିଭାଗ ଏହାକୁ ଗୁରୁତ୍ୱର ସହ ନେଉଛି । ଯଦି ଏଥିପାଇଁ ନିୟମରେ କୌଣସି ପରବର୍ତ୍ତନ କରିବାକୁ ପଡ଼େ ତେବେ ମନ୍ତ୍ରାଳୟ ସେ ଦିଗରେ ଆଗକୁ ବଢିବ । ଅଶ୍ଲିଳତା, ଅଶ୍ରାବ୍ୟ ଭାଷାକୁ ରୋକିବା ପାଇଁ ବଡ଼ ପଦକ୍ଷେପ ଗ୍ରହଣ କରାଯିବ’ ।

ମନ୍ତ୍ରୀ କହିଛନ୍ତି, ‘କ୍ରିଏଟିଭିଟି ପାଇଁ ସ୍ୱାଧୀନତା ଦିଆଯାଇଛି । ଗାଳି-ଗୁଲଜ ଏବଂ ଅଶ୍ଲୀଳତା ପାଇଁ ନୁହେଁ । ସୃଜନଶୀଳତା ନାଁରେ ଏହାର ଉଲ୍ଲଂଘନ ବରଦାସ୍ତ କରାଯିବ ନାହିଁ’ ।