AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖୋର୍ଦ୍ଧା: ଜମିବାଡି ବିବାଦକୁ ନେଇ ଜଟଣୀ କନ୍ତିଆରେ ଫୁଟିଲା ବୋମା, ବ୍ୟବସାୟୀ ଗୁରୁତର
  • ||
  • କ୍ରାଇମବ୍ରାଞ୍ଚ ଖୋଲୁଛି ଗୋପାଳ ଗୁମର, ୪ ଦିନିଆ ରିମାଣ୍ଡରେ ଚାଲିଛି ମାରାଥନ ଜେରା
  • ||
  • ପାରାଦ୍ୱୀପ: ବାଇକ୍‌ ଓ କାର୍‌କୁ ଧକ୍କା ଦେଲା ପିକ୍‌ଅପ୍ ଭ୍ୟାନ୍, ୬ ଆହତ
  • ||
  • କରଞ୍ଜିଆ: ଥରୁଛି ଶିମିଳିପାଳ, ଉପର ବାର୍‌ହା କାମୁଡ଼ାରେ ତାପମାତ୍ରା ସର୍ବନିମ୍ନ ୪ଡିଗ୍ରୀ
  • ||

ହାଇକୋର୍ଟ ଲିକ୍ୟୁଡେଟରଙ୍କ ସୂଚନା, ଆଜିଠାରୁ ଓଟିଏମ୍‌ ଭାର ନେବେ ରାଜ୍ୟ ସରକାର

3/12/2022 at 4:38 PM

ଭୁବନେଶ୍ୱର, ୦୩/୧୨: ଆଜିଠାରୁ ଓଟିଏମର ୫୨୧ ଏକର ଜାଗା ସହିତ କମ୍ପାନୀକୁ ରାଜ୍ୟ ସରକାରଙ୍କୁ ହସ୍ତାନ୍ତର କରାଗଲା ବୋଲି ସୂଚନା ଦେଲେ ହାଇକୋର୍ଟ ଲିକ୍ୟୁଡେଟର । ଓଟିଏମ୍ କମ୍ପାନୀର ରକ୍ଷଣା ବେକ୍ଷଣ ଦାୟିତ୍ୱ ନେବେ ରାଜ୍ୟ ସରକାର । ଦୀର୍ଘ ୨୨ ବର୍ଷ ହବ ଜରାଜୀର୍ଣ୍ଣ ଅବସ୍ଥାରେ ପଡ଼ି ରହିଥିବା ଓଟିଏମ୍ ଶିଳ୍ପକୁ ରାଜ୍ୟ ସରକାର ନିଜ ଅଧୀନକୁ ନେବାପରେ ସ୍ଥାନୀୟ ବାସିନ୍ଦା ଓ ପୂର୍ବତନ ଓଟିଏମ୍ କର୍ମଚାରୀମାନେ ବାଣ ଫୁଟାଇ ଉତ୍ସାହ ମନେଇ ଥିବା ଦେଖିବାକୁ ମିଳିଥିଲା l

ଚୌଦ୍ଵାର ଜମିରେ ହିଁ ୮୦ ୟୁନିଟ ବିଶିଷ୍ଟ ଟେକ୍ସଟାଇଲ କ୍ଲଷ୍ଟର ସ୍ଥାପନ କରାଯିବ ବୋଲି ମେକି ଇନ୍‌ ଓଡ଼ିଶା କନ୍‌କ୍ଲେଭ୍‌ (conclave) ରେ ସୂଚନା ଦେଇଥିଲେ ଶିଳ୍ପ ବିଭାଗର ପ୍ରମୁଖ ସଚିବ ହେମନ୍ତ କୁମାର ଶର୍ମା। ଅନ୍ୟପଟେ ୫ ତାରିଖ ସୁଦ୍ଧା ଓଟିଏମ୍ ସମ୍ପତ୍ତି ଦଖଲ ନେବା ପାଇଁ ରାଜ୍ୟ ସରକାରଙ୍କୁ ହାଇକୋର୍ଟ ତାଗିଦ୍ କରିବା ପରେ ଆଜି ଅଧିଗ୍ରହଣ ପ୍ରକ୍ରିୟା ଆରମ୍ଭ ହୋଇଥିଲା l ଏହି ସମ୍ପୂର୍ଣ୍ଣ ହସ୍ତାନ୍ତର ପ୍ରକ୍ରିୟାରେ ଲିକ୍ୟୁଡେଟର, ସରକାରଙ୍କ ପକ୍ଷରୁ ତହସିଲଦାର, ଇଡ଼କୋ ଓ ସ୍ଥାନୀୟ ପୋଲିସ ପ୍ରଶାସନଙ୍କ ଉପସ୍ଥିତିରେ ହସ୍ତାନ୍ତର ପ୍ରକ୍ରିୟା ଶେଷ ହୋଇଥିଲା l

ପୂର୍ବରୁ ଏହି ମାମଲାରେ ୧୧୫ କୋଟି ଟଙ୍କା ଦେବାକୁ ରାଜ୍ୟ ସରକାରଙ୍କୁ କୋର୍ଟ ନିର୍ଦ୍ଦେଶ ଦେଇଥିଲେ । ଅକ୍ଟୋବର ୧୫ ସୁଦ୍ଧା ଟଙ୍କା ଦାଖଲ ପାଇଁ ହାଇକୋର୍ଟଙ୍କ ନିର୍ଦ୍ଦେଶ ରହିଥିଲା । ଅଫିସିଆଲ୍ ଲିକ୍ୟୁଡେଟରଙ୍କ ନିକଟରେ ରାଜ୍ୟ ସରକାର ଟଙ୍କା ଜମା କରିଥିଲେ ।

ଉଲ୍ଲେଖଯୋଗ୍ୟ ଯେ, ଏକଦା ରାଜ୍ୟର ବୟନଶିଳ୍ପ କ୍ଷେତ୍ରରେ ଅଗ୍ରଣୀ ସରକାରୀ ଉତ୍ପାଦନକାରୀ ଓଟିଏମ୍‌ ପରିଚାଳନାଗତ ତ୍ରୁଟି ଲାଗି ତାର ଗୌରବ ହରାଇଥିଲା । ଆର୍ଥିକ କ୍ଷତି ଯୋଗୁଁ ଏହା ବନ୍ଦ ହେବା ସହ ଶ୍ରମିକ ଅଶାନ୍ତି ଜାରି ରହିଥିଲା । ତେବେ କଟକ ଚୌଦ୍ୱାରରେ ସ୍ଥାପିତ ଏହି ଟେକ୍ସଟାଇଲ୍‌ ମିଲ୍‌କୁ ପୁଣି ସକ୍ରିୟ କରିବାକୁ ଦାବି ହୋଇଆସୁଥିଲା ।

   Related Posts