ମାଲକାନଗିରି, ୨୩/୦୭: ମାଲକାନଗିରି ଜିଲ୍ଲା କୁଡୁମୁଲୁଗୁମ୍ମା ନିକଟସ୍ଥ ତୁମୁରୁକୋଣ୍ଡା ରାସ୍ତାରେ ଓଲଟି ପଡିଲା ସରକାରୀ ବସ୍ । ଦୁର୍ଘଟଣାରେ ୬ ଜଣ ଆହତ ହୋଇଥିବା ଜଣାପଡିଛି । ରାଜ୍ୟ ପରିବହନ ନିଗମର ଏକ ସରକାରୀ ବସ୍ ଜୟପୁରରୁ ଭାୟା ବାଲିମେଳା ଦେଇ ମାଲକାନଗିରି ଯାଉଥିବା ସମୟରେ ଏହି ଦୁର୍ଘଟଣା ଘଟିଛି । ଘଟଣାରୁ ଜଣାପଡିଛି ଯେ ଡ୍ରାଇଭର୍ ଓ ହେଲପରଙ୍କ ସହ ବସରେ ମୋଟ ୧୨ ଜଣ ଯାତ୍ରୀ ରହିଥିଲେ । ଝିପିଝିପି ବର୍ଷାରେ ରାସ୍ତା ଖାଲି ରହିଥିବାରୁ ଡ୍ରାଇଭର୍ ଦୃତ ଗତିରେ ବସ ଚଳାଉଥିଲେ । ହେଲେ ସାମ୍ନାରେ ଏକ ଛେଳିକୁ ଦେଖି ଭାରସାମ୍ୟ ହରାଇ ବସଟି ଓଲଟି ପଡିଥିବା ବସ ଚାଳକ କହିଛନ୍ତି । ଆହତମାନଙ୍କୁ ବାଲିମେଳା ଡାକ୍ତରଖାନା ନିଆଯାଉଥିବା ବେଳେ ସମସ୍ତଙ୍କ ଅବସ୍ଥା ଭଲ ରହିଥିବା ଜଣାପଡିଛି ।