ଧାନ ବିଲରୁ ମୃତଦେହ ମିଳିବା ଘଟଣାରେ ନୂଆ ମୋଡ, ଅଙ୍ଗ ଚୋରା ଚାଲାଣର ସାଂଘାତିକ ଅଭିଯୋଗ

Published By : Prameya-News7 Bureau | November 18, 2023 IST

ନିଆଳି ୧୮।୧୧: ଫୁଲନଖରା-ନିଆଳି ୬୦ନଂ ରାଜ୍ୟ ରାଜପଥ ଇଛାପୁର ପୋଲ ନିକଟ ଧାନ ବିଲରେ ବ୍ୟକ୍ତିଙ୍କ ମୃତ ପଡ଼ିଥିବା ଘଟଣାରେ ନୂଆ ମୋଡ । ମୃତ ବ୍ୟକ୍ତିଙ୍କ ପରିଚୟ ମିଳିଛି ହେଲେ ଆସିଛି ଅଙ୍ଗ ଚୋରା ଚାଲାଣର ସାଂଘାତିକ ଅଭିଯୋଗ । ମୃତକ ହେଲେ ଭୁବନେଶ୍ଵର ୟୁନିଟ୍ ୧ ଅଞ୍ଚଳର କେଳୁଚରଣ ରାରତରାୟ । ସେ ଗତ ଶୁକ୍ରବାର ଠାରୁ ନିଖୋଜ ଥିଲେ । ତାଙ୍କ ନିଖୋଜ ନେଇ କ୍ୟାପିଟାଲ ଥାନାରେ ପରିବାର ପକ୍ଷରୁ ଅଭିଯୋଗ ହୋଇଥିଲା । ତେବେ ଶୁକ୍ରବାର ସକାଳୁ କଟକ ଜିଲ୍ଲା ଓଲଟପୁର ଥାନା ଇଛାପୁର ଠାରେ ଏକ ବିଲରୁ ଦୁର୍ଗନ୍ଧ ହେଉଥିବା ଜାଣି ଏକ ଗଳିତ ମୃତଦେହ ପଡିଥିବା ଦେଖି ପୋଲିସକୁ ଖବର ଦେଇଥିଲେ । ପୋଲିସ ପଡିଥିବା ମୋବାଇଲରୁ ଯୋଗାଯୋଗ କରିବାରୁ ପରିବାର ଲୋକେ ପହଞ୍ଚି ଚିହ୍ନଟ କରିଛନ୍ତି ।

କେଳୁ ଚରଣଙ୍କୁ ହତ୍ୟା କରାଯାଇଥିବା ଭଉଣୀ ସସ୍ମିତା ରାରତରାୟ ଅଭିଯୋଗ କରିଛନ୍ତି । ଆହୁରି ମଧ୍ୟ ଏହି ମୃତ୍ୟୁ ଘଟଣା ପଛରେ ଅଙ୍ଗ ଚୋରିର ବଡ଼ ଅଭିଯୋଗ ଆଣିଛନ୍ତି ଭଉଣୀ ସସ୍ମିତା । ମୃତ ଶରୀରର ମୁଣ୍ଡ ଠାରୁ ଛାତି ପର୍ଯ୍ୟନ୍ତ ଏସିଡ୍ ବା ଅନ୍ୟ କୌଣସି ଦ୍ବାରା ପୋଡି ଦିଆଯାଇଥିବାର ଚିହ୍ନ ରହିଥିବା ବେଳେ  ପେଟ ମଧ୍ୟ ସିଲାଇ ହୋଇଛି । ଯାହାକୁ ନେଇ ଅଙ୍ଗ ଚୋରା ଚାଲାଣର ସନ୍ଦେହ ଦୃଢିଭୂତ ହୋଇଛି । ଘଟଣାରେ ଓଲଟପୁର ପୋଲିସ କୌଣସି ପ୍ରତିକ୍ରିୟା ଦେଇନାହିଁ ।

ମୃତଦେହକୁ ଜବତ କରି ପରିବାର ଲୋକଙ୍କ ଉପସ୍ଥିତିରେ ବ୍ୟବଚ୍ଛେଦ ପାଇଁ ପଠାଇଛି । ପୂର୍ବରୁ କ୍ୟାପିଟାଲ ଥାନାରେ ନିଖୋଜ ମାମଲା ରହିଛି । କିପରି ଘଟଣାର ତଦନ୍ତ ଦିଗ ରହିବ ଓ ମୃତ୍ୟୁର ରହସ୍ୟ ଉନ୍ମୋଚନ ହେବ ତାହା ଉଭୟ ଓଲଟପୁର ଓ କମିଶନରେଟ୍ ପୋଲିସ ପାଇଁ ଚ୍ୟାଲେଞ୍ଜ ହୋଇଛି ।

You Can Read :

wp:embed {"url":"https://www.prameyanews7.com/four-tourists-rescued-from-puri-sea-beach/","type":"wp-embed","providerNameSlug":"prameya-news-7"}
https://www.prameyanews7.com/four-tourists-rescued-from-puri-sea-beach/
/wp:embed

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.