ନୂଆଦିଲ୍ଲୀ: ରବିବାର ଜନ୍ତର ମନ୍ତରରେ ଦିଲ୍ଲୀ ପୋଲିସ୍ ଏବଂ ଧାରଣାରତ ରେସଲରଙ୍କ ମଧ୍ୟରେ ସଂଘର୍ଷ ଘଟଣା ଉପରେ ପ୍ରତିକ୍ରିୟା ରଖିଛନ୍ତି ପୂର୍ବତନ ରେସଲର ଯୋଗେଶ୍ଵର ଦତ୍ତ। ସେ କହିଛନ୍ତି ବିରୋଧୀ ପାର୍ଟି ରେସଲରମାନଙ୍କ ଉପରେ ବନ୍ଧୁକ ରଖି ରାଜନୀତି କରୁଛନ୍ତି ଏବଂ ଦେଶର ଛବି ମଳିନ କରିବାକୁ ଚେଷ୍ଟା କରୁଛନ୍ତି। ରେସଲରଙ୍କ ଦାବି ମୁତାବକ ଏଫଆଇଆର ରୁଜୁ ହେବା ସହ ପୋଲିସ୍ ଘଟଣାର ତଦନ୍ତ କରୁଛି୩।

ଯୋଗେଶ୍ଵର ଦତ୍ତ  କହିଛନ୍ତି, ଆମ ରେସଲରମାନଙ୍କୁ ଦୁରୁପଯୋଗ କରାଯିବାର ସବୁଠୁ ବଡ଼ ଉଦାହରଣ ଗତକାଲି ଦେଖିବାକୁ ମିଳିଛି। ନୂତନ ସଂସଦ ଭବନର ଉଦଘାଟନ ଦିନ ରେସଲମରଙ୍କୁ ଉସୁକାଇ ସେଠାକୁ ପଠାଗଲା। ଯେଉଁ ସମୟରେ ପ୍ରଧାନମନ୍ତ୍ରୀ ଉଦଘାଟନ କରୁଛନ୍ତି ସେହି ସମୟରେ ପ୍ରୋଟୋକଲ୍ ଭାଙ୍ଗି କୁସ୍ତିଯୋଦ୍ଧାଙ୍କୁ ଜବରଦସ୍ତି ପଠାଗଲା, ଯାହା ଦୁଃଖର ବିଷୟ। ଏଥିପାଇଁ ବିରୋଧୀମାନେ ଦାୟୀ। ସେହିମାନେ ରେସଲରଙ୍କ କାନ୍ଧରେ ବନ୍ଧୁକ ରଖି ରାଜନୀତି କରୁଛନ୍ତି। ଏଥିରେ ପୂରା ଦେଶର ଛବି ଖରାପ ହେଉଛି।

#WATCH | “Opposition parties misused the wrestlers and tried to tarnish the image of the country. Wrestlers’ demand was to register an FIR and it has been registered and police are investigating the matter,” says Yogeshwar Dutt, former wrestler on scuffle between protesting… pic.twitter.com/vBUjSYWRSR

— ANI (@ANI) May 29, 2023

ରେସଲରମାନଙ୍କ ଦାବି ପୂରଣ ହୋଇଛି ଏବଂ ଏଫଆଇଆର ରୁଜୁ ହୋଇଛି। ପୋଲିସ୍ ମାମଲାର ତଦନ୍ତ କରୁଛି ଏବଂ କମିଟିର ତାର ରିପୋର୍ଟ କ୍ରୀଡ଼ା ମନ୍ତ୍ରଣାଳୟକୁ ପଠାଇ ଦେଇଛି। ଏଠାରେ ପହିଲମାନ ରାଜନୀତି କରୁନଥିଲେ। କିନ୍ତୁ କାଲିର ଘଟଣା ନିନ୍ଦନୀୟ ଅଟେ ବୋଲି ଯୋଗେଶ୍ଵର ଦତ୍ତ କହିଛନ୍ତି।

ସୂଚନାଯୋଗ୍ୟ, ଗତକାଲି ଦିଲ୍ଲୀ ପୋଲିସ୍ ନୂତନ ସଂସଦ ଭବନ ଅଭିମୁଖେ ଯିବାକୁ ଉଦ୍ୟମ କରୁଥିବା ବେଳେ ପୋଲିସ୍ ସହ ଧସ୍ତାଧସ୍ତି ହୋଇଥିଲା। ପୋଲିସ୍ ରେସଲର ବଜରଙ୍ଗ ପୁନିଆ, ସାକ୍ଷୀ ମଲିକ ଏବଂ ଅନ୍ୟଙ୍କୁ ୧୦ ଘଣ୍ଟା ପର୍ଯ୍ୟନ୍ତ ଅଟକ ରଖିବା ପରେ ମୁକ୍ତ କରିଥିଲା। ଏହା ପୂର୍ବରୁ ମହିଳା ରେସଲର ଗତକାଲି ନୂତନ ସଂସଦ ଭବନ ବାହାରେ ମହିଳା ମହାପଞ୍ଚାୟତ ଆୟୋଜନ କରିବାକୁ ଘୋଷଣା କରିଥିଲେ।