ମୁମ୍ଵାଇ ୨୦।୦୨: ଗୋଲ୍ଡେନ୍ ଗ୍ଲୋବ୍, କ୍ରିଟିକ୍ସ ଚଏସ୍ ମୁଭି ଆୱାର୍ଡସ୍ ପରେ ବାଫ୍ଟା (ବ୍ରିଟିଶ ଏକାଡେମୀ ଅଫ୍ ଫିଲ୍ମ ଆଣ୍ଡ ଟେଲିଭିଜନ୍ ଆର୍ଟସ୍) ଆୱାର୍ଡସ୍ରେ ବାଜିମାତ୍ କରିଛି ଖ୍ରିଷ୍ଟୋଫର ନୋଲନ୍ଙ୍କ ଚର୍ଚ୍ଚିତ ବାୟୋଲୋଜିକାଲ ଥ୍ରିଲର ‘ଓପେନ୍ହାଇମର’ । ଶ୍ରେଷ୍ଠ ଚଳଚ୍ଚିତ୍ର, ଶ୍ରେଷ୍ଠ ଅଭିନେତା, ଶ୍ରେଷ୍ଠ ସହ-ଅଭିନେତା, ଶ୍ରେଷ୍ଠ ନିର୍ଦ୍ଦେଶକ ଭଳି ୭ ବଡ଼ ପୁରସ୍କାର ଜିତି ଏହା ପୁଣି ନିଜର ଦବ୍ଦବା ଜାହିର କରିଛି । ବାଫ୍ଟାରେ ଏହା ୧୩ ବିଭାଗରେ ନୋମିନେଟ୍ ହୋଇ ଅନ୍ତର୍ଜାତୀୟ ସ୍ତରରେ ଚର୍ଚ୍ଚାର କେନ୍ଦ୍ର ହୋଇଥିଲା । ଫିଲ୍ମ ‘ପୁଅର୍ ଥିଙ୍ଗ୍ସ’ ୫ ବିଭାଗରେ ପୁରସ୍କାର ହାସଲ କରିଛି ।
ଏହି ଫିଲ୍ମ ପାଇଁ ଶ୍ରେଷ୍ଠ ଅଭିନେତ୍ରୀ ପୁରସ୍କାର ପାଇଛନ୍ତି ଏମା ଷ୍ଟୋନ୍ । ୯ ବିଭାଗରେ ନୋମିନେଟ୍ ହୋଇ ବାଫ୍ଟା ରେସ୍ରେ ଥିବା ମାର୍ଟିନ୍ ସ୍କର୍ସେସ୍ଙ୍କ ‘କିଲର୍ସ ଅଫ୍ ଦ ଫ୍ଲାୱାର୍ ମୁନ୍’ କୌଣସି ବିଭାଗରେ ପୁରସ୍କାର ହାସଲ କରି ପାରିନାହିଁ । ସେହିପରି ବାଫ୍ଟାରୁ ଖାଲି ହାତରେ ଫେରି ପ୍ରଶଂସକଙ୍କୁ ନିରାଶ କରିଛି ଗ୍ରେଟା ଗରୱିଗ୍ଙ୍କ ବହୁ ଚର୍ଚ୍ଚିତ ଫିଲ୍ମ ‘ବାର୍ବି’ । ୭୭ତମ ବାଫ୍ଟା ଆୱାର୍ଡସ୍ର ସଂଚାଳନା କରିଥିଲେ ସ୍କଟିଶ୍ ଅଭିନେତା ଡେଭିଡ୍ ଟେନାଣ୍ଟ୍ ।