ସାତ ଦିନରେ ଅପରେସନ ସୁନ୍ଦରୀ ; ଆଜିଠାରୁ କସରତ ଆରମ୍ଭ କରିବ ମଧ୍ୟପ୍ରଦେଶ ଟିମ୍

Published By : Prameya-News7 Bureau | October 30, 2018 IST

ଅନୁଗୋଳ ୩୦|୧୦: ବାଘୁଣୀ ସୁନ୍ଦରୀଙ୍କୁ ଧରିବା ପାଇଁ ସାତକୋଶିଆରେ ଆଜିଠାରୁ କସରତ ଆରମ୍ଭ କରିବ ମଧ୍ୟପ୍ରଦେଶ ଟିମ୍ ।  ସାତ ଦିନ ଧରି ବନ ବିଭାଗ ଏବଂ ଟ୍ରାଙ୍କୁଲାଇଜ୍ ଟିମ୍ କୁ ଚକମା ଦେଇ ବୁଲୁଛି ସୁନ୍ଦରୀ । ଯେତେ ଫନ୍ଦି କଲେ ବି ସେଥିରେ ଫସୁନି ।  ସୁନ୍ଦରୀ ଅନୁଗୋଳ ବାଘମୁଣ୍ଡା ଗାଁ ପାଖରୁ ୧୦କିଲୋମିଟର ଜଙ୍ଗଲ ଭିତରକୁ ଚାଲିଗଲାଣି ।  ଏବେ ଆସନବାହାଲ ଗାଁ ଠାରୁ ୩ କିଲୋମିଟର ଦୂରରେ ରହିଛି । ସୁନ୍ଦରୀଙ୍କୁ କାବୁ କରିବ ପାଇଁ  ମଧ୍ୟପ୍ରଦେଶରୁ ଟ୍ରାଙ୍କୁଲାଇଜ୍ ଟିମ୍ ପହଞ୍ଚିଛି । ସୁନ୍ଦରୀଙ୍କୁ ଟ୍ରାଙ୍କୁଲାଇଜ କରିବାପରେ ତାକୁ ନନ୍ଦନକାନନରେ ରଖିବା ପାଇଁ ନ୍ୟାସନାଲ ଟାଇଗର କନସର୍ଭେସନ ଅଥରିଟି ଏନଟିସିଏକୁ ପ୍ରସ୍ତାବ ଦିଆଯାଇଛି ।  ଯଦି ଏନଟିସିଓ ରାଜି ନହେବ ତାହେଲେ ସୁନ୍ଦରୀକୁ ବାନ୍ଧବଗଡ ଫେରାଇ ଦିଆଯିବ ବୋଲି ଜଙ୍ଗଲ ଓ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟ କହିଛନ୍ତି। ତେଣୁ ସୁନ୍ଦରୀ କେଉଁଠି ରହିବ ଏପର୍ଯ୍ୟନ୍ତ ସ୍ଥିର ହୋଇନି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.