scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ହିମାଚଳରେ ଭାଙ୍ଗିବ କି କଂଗ୍ରେସ ସରକାର ? ବିଜେପି ବିଧାୟକଙ୍କ ଦାବି ‘ଅପରେସନ ଲୋଟସ୍’ ଆରମ୍ଭ

1/01/2023 at 6:06 PM

ସିମଲା: ହିମାଚଳ ପ୍ରଦେଶରେ ‘ଅପରେସନ ଲୋଟସ୍’ ଆଶଙ୍କା । ଜୟରାମ ଠାକୁର ପୁଣି ଥରେ ହିମାଚଳର ମୁଖ୍ୟମନ୍ତ୍ରୀ ହେବା ନେଇ ବିଜେପି ବିଧାୟକ ଇନ୍ଦ୍ର ସିଂହ ଗାନ୍ଧି ଦାବି କରିଛନ୍ତି । ଏହା ପୂର୍ବରୁ ଭାରତୀୟ ଜନତା ପାର୍ଟି ସରକାରରେ ମନ୍ତ୍ରୀ ରହିଥିବା ବିକ୍ରମ ସିଂହ ମଧ୍ୟ ଅପରେସନ ଲୋଟସକୁ ନେଇ ଏକ ପୋଷ୍ଟ କରିଥିଲେ । ପରେ ଏହାକୁ ଅଡି଼ଟ୍ କରି ଦେଇଛନ୍ତି ।  

ବିଧାନସଭା ନିର୍ବାଚନରେ ବହୁମତ ପରେ ହିମାଚଳ ପ୍ରଦେଶରେ କଂଗ୍ରେସ ସରକାର ଗଠନ କରିଛି । ସୁଖବିନ୍ଦର ସିଂହ ମୁଖ୍ୟମନ୍ତ୍ରୀ ଓ ମୁକେଶ ଅଗ୍ନିହୋତ୍ରୀ ଡେପୁଟି ସିଏମ ଭାବେ ଶପଥ ନେଇଛନ୍ତି  । ମାତ୍ର ସରକାର ଗଠନକୁ ୨୦ ଦିନ ବିତି ଯାଇଥିଲେ ମଧ୍ୟ ଏଯାଏଁ ରାଜ୍ୟ କ୍ୟାବିନେଟର ବିସ୍ତାର ହୋଇନାହିଁ । ଏପଟେ ମଣ୍ଡି ଜିଲ୍ଲା ବଲ୍‌ହ ବିଧାନସଭା କ୍ଷେତ୍ର ବିଜେପି ବିଧାୟକ ଇନ୍ଦ୍ର ସିଂହ ଗାନ୍ଧିଙ୍କ ବୟାନ ହିମାଚଳରେ ଅପରେସନ ଲୋଟସକୁ ଆଶଙ୍କାକୁ ବଢ଼ାଇ ଦେଇଛି । ଜୟରାମ ଠାକୁର ପୁଣିଥରେ ହିମାଚଳର ମୁଖ୍ୟମନ୍ତ୍ରୀ ହେବା ନେଇ ସେ ଦାବି କରିଛନ୍ତି । ଅନ୍ୟପଟେ ଇନ୍ଦ୍ର ସିଂହଙ୍କ ଏହି ବୟାନକୁ ଭିତ୍ତିହୀନ ଏବଂ ବିଜେପିର ଏହି ସ୍ବପ୍ନ ଅଧୁରା ରହିବ ବୋଲି କଂଗ୍ରେସ ନେତା କହିଛନ୍ତି ।

ସୂଚନା ଅନୁଯାୟୀ, ବିଜେପି ବିଧାୟକ ଇନ୍ଦ୍ର ସିଂହ ଗାନ୍ଧି ଏକ ଘରୋଇ ଟିଭି ଚ୍ୟାନେଲ୍କୁ ସାକ୍ଷାତକାର ଦେଇ ହିମାଚଳ ପ୍ରଦେଶରେ ଅପରେସନ ଲୋଟସ୍ ଆରମ୍ଭ ହୋଇଯାଇଛି ଏବଂ କଂଗ୍ରେସ ମଧ୍ୟ ଏନେଇ ଅବଗତ ରହିଛି । କଂଗ୍ରେସର ୧୮ଜଣ ବିଧାୟକଙ୍କ କୌଣସି ଖୋଜ୍ ଖବର ନାହିଁ । ଏନେଇ ଇନ୍ଦ୍ର ସିଂହଙ୍କୁ ପଚାରିବାରୁ ବିଜେପି ନେତା କଂଗ୍ରେସ ବିଧାୟକଙ୍କୁ ଗାଏବ କରିନେଥିବା ଇସାରା ଇସାରାରେ କହିଛନ୍ତି । ସେହିପରି ବିଜେପି ନେତା ବିକ୍ରମ ସିଂହ ଫେସବୁକରେ ଏକ ପୋଷ୍ଟ ସେୟାର କରି ଲେଖିଛନ୍ତି,  ହିମାଚଳରେ ‘ଆମ ଚାପରେ ନୁହେଁ ବରଂ ନିଜ ଭାରରେ କଂଗ୍ରେସ ସରକାର ଭାଙ୍ଗିବ ଅପରେସନ ଲୋଟସ୍’ ।

   Related Posts