scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଅବ୍ୟବସ୍ଥା ଘେରରେ କଟକ ସହରରେ ଥିବା ଏକ ମାତ୍ର ତେଲୁଗୁ ସ୍କୁଲ

17/08/2018 at 12:37 PM

କଟକ ୧୭/୮ : କଟକ ସହରରେ ଥିବା ଏକ ମାତ୍ର ତେଲୁଗୁ ସ୍କୁଲରେ ଲାଗି ରହିଛି ନାହିଁ ନଥିବା ସମସ୍ୟା | ଉପଯୁକ୍ତ ଶ୍ରେଣୀ ଗୃହର ଅଭାବ ହେତୁ, ଛାତ୍ର ଛାତ୍ରୀ ମାନେ ବାରଣ୍ତାରେ ବସି ପାଠ ପଢିବାକୁ ବାଧ୍ୟ ହେଉଛନ୍ତି | ଯେତିକି ଶ୍ରେଣୀ ଗୃହ ରହିଛି ତାର ଅବସ୍ଥା ଶୋଚନୀୟ, ସାମାନ୍ୟ ବର୍ଷା ହେଲେ ଛାତରୁ ପାଣିଗଳୁଛି.ତେଣୁ ବର୍ଷା ନଛାଡିବା ଯାଏଁ ସ୍କୁଲକୁ ଛୁଟି କରିବାଲାଗି ବାଧ୍ୟ ହେଉଛି ପରିଚାଳନା କମିଟି | ସ୍କୁଲ ପରିସରରେ ଯଦିଓ ଶୌଚାଳୟ ଟିଏ ଅଛି , ତାହା ଥାଇବି ନଥିଲା ଭଳି ଏବଂ ଗୁରୁତର ସମସ୍ୟା ହେଲା ଏଭଳି ଏକ ବିଦ୍ୟାଳୟରେ କେହିବି ଜଣେ ସ୍ଥାୟୀ ଶିକ୍ଷକ ନାହାଁନ୍ତି |ତେଣୁ ଏପରି ସ୍ଥିତିରେ କଟକ ସହରର ଏକମାତ୍ର ତେଲୁଗୁ ପ୍ରାଥମିକ ବିଦ୍ୟାଳୟଯେ, ତାର ଭବିଷ୍ୟତକୁ ବଞ୍ଚାଇ ରଖିପାରିବ, ସେ ନେଇ ସନ୍ଦେହ ସୃଷ୍ଟି ହେଉଛି |
କଟକ ସହରରେ ଯଦି କେହି ଏପରି ଦୃଶ୍ୟ ଦେଖିବ, ତାହାଲେ ତା ମନରେ ଏଧାରଣା ସୃଷ୍ଟି ହେବାଟା ନିଶ୍ଚିତଯେ, ସମ୍ଭବତଃ ରାଜ୍ୟର ପ୍ରାଥମିକ ଶିକ୍ଷା ବ୍ୟବସ୍ଥା ବିପର୍ଯ୍ୟସ୍ତ ଅବସ୍ଥା ଦେଇ ଗତି କରୁଛି | କିନ୍ତୁ ଏହା କୌଣଷି ସରକାରୀ ସ୍କୁଲ କିମ୍ବା ଓଡିଆ ମାଧ୍ୟମିକ ବିଦ୍ୟାଳୟ ନୁହେଁ ବରଂ ପ୍ରାଚୀନତମ ସହର କଟକରେ ଥିବା ଏକମାତ୍ର ତେଲୁଗୁ ପ୍ରାଥମିକ ବିଦ୍ୟାଳୟର ଅବସ୍ଥା ଦିନେ କେବେ ଏହି ସ୍କୁଲରେ ପାଠପଢୁଥିଲା ପାଖାପାଖି ୮ ଶହ ଛାତ୍ରଛାତ୍ରୀ କିନ୍ତୁ ସରକାରୀ କଳର ଉଦାସିନତା କାରଣରୁ, ବର୍ତ୍ତମାନ ଉପସ୍ଥାନର ସଂଖ୍ୟା ୨ ଶହ ତଳେ ରହୁଛି କାହିଁକି ଏଭଳି ଦୁରାବସ୍ଥା, ସେବାବଦରେ ଶୁଣନ୍ତୁ କଣ କହୁଛନ୍ତି ଏହି ବିଦ୍ୟାଳୟର ଛାତ୍ର ଏବଂ ଅଭିଭାବକ |
୯୦ ଦଶକ ବେଳକୁ କଟକ ସହରରେ ଥିଲା ୩ ଟି ତୁଲୁଗୁ ପ୍ରାଥମିକ ବିଦ୍ୟାଳୟ କିନ୍ତୁ ୨ ଟି ବିଦ୍ୟାଳୟ ବନ୍ଦ ହୋଇଯିବା ପରେ ପଟ୍ଟାପୋଲ ଠାରେ ଥିବା ଏହି ଏକମାତ୍ର ତେଲୁଗୁ ସ୍କୁଲ ଅନେକ ଲୋକଙ୍କର ଆଶା ଓ ଭରଷାର ମାଧ୍ୟମ ସାଜିଛି | ହେଲେ ଦୀର୍ଘ ୧୫ ବର୍ଷ ହେଲା ଏଠାରେ କେହି ସ୍ଥାୟୀ ଶିକ୍ଷକ ନାହାଁନ୍ତି | ତେଲୁଗୁ ସମ୍ପ୍ରଦାୟର ଲୋକମାନେ ସଂଘବଦ୍ଧ ଭାବେ ଯେତିକି ଅର୍ଥ ୟୋଗାଡ କରିପାରୁଛନ୍ତି, ସେତିକିରେ ଚାଲିଛି ସ୍କୁଲ | ଏହା ଭିତରେ ସ୍କୁଲ ଛାତ ଦୁର୍ବଳ ହୋଇ ସାରିଲାଣି | ଛାତରୁ ପାଣି ଗଳୁଥିବା ହେତୁ ବର୍ଷା ହେଲେ ସ୍କୁଲକୁ ଛୁଟି କରିଦିଆଯାଉଛି ଏବଂ ଶୌଚାଳୟ ସମ୍ପୁର୍ଣ୍ଣ ନଷ୍ଟ ହୋଇସାରିଥିବା କାରଣରୁ ପିଲାମାନେ ଶୌଚହେବା ଲାଗି ମଧ୍ୟ ସୁବିଧା ଟିକିଏ ପାଇପାରୁନାହାଁନ୍ତି |
ତେବେ ଏହି ସ୍କୁଲକୁ ସରକାରୀ ଅନୁଦାନ ଆସୁନଥିବା କାରଣରୁ ଶିକ୍ଷା ବିଭାଗର କୌଣଷି ଅଧିକାରୀ ସ୍କୁଲର ସମସ୍ୟାକୁ ନେଇ ପ୍ରତିକ୍ରିୟା ଦେବାକୁ ରାଜି ହେଲେ ନାହିଁ | ଏପରିକି ସ୍ଥାନୀୟ ଲୋକ ପ୍ରତିନିଧୀ ମଧ୍ୟ ଆମ ପ୍ରଶ୍ନର ଉତ୍ତର ରଖିବାଟା ଉଚିତ ମନେ କରିନାହାଁନ୍ତି | ତେଣୁ ବୁଜା ପଡୁନାହିଁ, କଟକ ସହରର ଏକମାତ୍ର ତୁଲୁଗୁ ପ୍ରାଥମିକ ବିଦ୍ୟାଳୟର ଦାୟିତ୍ବ କିଏ ବହନ କରିବ | ନହେଲେ ଏତିକିହିଁ କୁହାଯାଇପାରେଯେ, ଶିକ୍ଷା ଅଧିକାର ଆଇନ୍ ବୋଧହୁଏ କେବଳ ଏକ ଶ୍ଲୋଗାନ ମଧ୍ୟ ସିମୀତ ହୋଇ ରହିଯାଇଛି |

   Related Posts