scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପାଠ ଅନଲାଇନ୍‌ରେ, ପରୀକ୍ଷା ଅଫ୍‌ଲାଇନ୍‌ରେ: ୯ ମାସ ହେଲା ସ୍କୁଲ ମାଟି ମାଡ଼ିନାହାନ୍ତି ପିଲା, ମାଟ୍ରିକ୍ ଓ ଯୁକ୍ତ-୨ ପରୀକ୍ଷା ନେଇ ଚିନ୍ତା

3/12/2020 at 6:28 PM

ଏବେ ମାଟ୍ରିକ୍‌ ଓ ଯୁକ୍ତ -୨ ପରୀକ୍ଷା ଚିନ୍ତା। ଦିର୍ଘ ୯ ମାସ ହେଲା ସ୍କୁଲ ହତା  ମାଡିନଥିବା  ଛାତ୍ରଛାତ୍ରୀ  କିଭଳି ବାର୍ଷିକ ପରୀକ୍ଷାକୁ ସାମ୍ନା କରିବେ ? କୋଭିଡ୍‌ ପାଇଁ ଏବେ ସିନା ଅନ୍‌ଲାଇନ୍‌ରେ କ୍ଲାସ୍‌ ଚାଲିଛି ହେଲେ ସରକାର କହିଲେଣି ଅଫଲାଇନରେ କିନ୍ତୁ ଉଭୟ ପରୀକ୍ଷା ହେବ । ତେବେ ଅନଲାଇନ  ପାଠପଢା ପ୍ରଭାବୀ ହୋଇନଥିବା ‌ବେଳେ ପରୀକ୍ଷାକୁ ନେଇ ଚିନ୍ତାରେ ଛାତ୍ରଛାତ୍ରୀ ।

ଅନ୍‌ଲାଇନ୍‌ରେ ପାଠପଢା କିନ୍ତୁ ଅଫ୍‌ଲାଇନ୍‌ରେ ହେବ ପରୀକ୍ଷା । ମାଟ୍ରିକ୍‌ ଓ ଯୁକ୍ତ-୨ ପରୀକ୍ଷା ଅଫ୍‌ଳାଇନ୍‌ରେ ହେବ ବୋଲି ସରକାର ସ୍ପଷ୍ଟ କରିଛନ୍ତି । ସରକାରଙ୍କ ଏଭଳି ଘୋଷଣା ପରେ ଚିନ୍ତାରେ ଅଛନ୍ତି ଛାତ୍ରଛାତ୍ରୀ । କାରଣ କୋଭିଡ୍‌ ପାଇଁ ୯ ମାସ ହେଲା ସ୍କୁଲ୍‌ ମାଟି ମାଡି ନାହାନ୍ତି ଛାତ୍ରଛାତ୍ରୀ । ଅନଲାଇନ୍‌ ପାଠପଢା ପ୍ରଭାବହୀନ ରହିଛି । ହେଲେ ଗଣଶିକ୍ଷା ବିଭାଗ କିନ୍ତୁ କହିଛି ପରୀକ୍ଷା ସିନା ବିଲମ୍ବରେ ହେବ କିନ୍ତୁ ଅଫ୍‌ଲାଇନ୍‌ରେ ପରୀକ୍ଷା କରାଯିବ ।  ଏଥର ୩୦ ପ୍ରତିଶତ ସିଲାବସ୍‌ କାଣ୍ଟଛାଣ୍ଟ କରାଯାଇଥିଲେ ବି ସ୍କୁଲ୍‌ ଖୋଲିଥିବାରୁ ପାଠପଢା ପ୍ରଭାବହୀନ ରହିଛି । ଏଦୃଷ୍ଟିରୁ ଫେବୃୟାରୀ କିମ୍ବା ମାର୍ଚ୍ଚ ମାସରେ ପରୀକ୍ଷା କରିବା ସମ୍ଭବ ନୁହେଁ । ତେଣୁ ପରୀକ୍ଷା ବିଳମ୍ବ ହେବା ନିଶ୍ଚିତ।

ଦଶମ ଓ ଦ୍ବାଦଶ ଶ୍ରେଣୀ  ପରୀକ୍ଷା ଅଫ୍‌ଲାଇନ୍‌ରେ ହେବା ନିଷ୍ପତ୍ତିକୁ ସ୍ବାଗତ କରିଛି  ଓଷ୍ଟା । ଡିସେମ୍ବର ୧୫ ତାରିଖ ପରଠାରୁ କ୍ଲାସ ଆରମ୍ଭ କରିବାକୁ ଓଷ୍ଟା ପକ୍ଷରୁ ସରକାରଙ୍କୁ ଅନୁରୋଧ କରାଯାଇଛି। ପିଲାଙ୍କୁ ପ୍ରସ୍ତୁତ ହେବ ପାଇଁ ୧୪୦ ରୁ ୧୫୦ ଦିନ ଦରକାର । ମେ କିମ୍ବା ଜୁନ ମାସରେ ପରୀକ୍ଷା ହେଲେ ପିଲା ପ୍ରସ୍ତୁତ ହୋଇପାରିବେ । ଯେହେତୁ ରାଜ୍ୟରେ କରୋନା ପ୍ରଭାବ କମିଲାଣି ଗୋଟିଏ ଶ୍ରେଣୀ ଗୃହରେ ୨୦ ଜଣ ପିଲାଙ୍କୁ ରଖି ପାଠପଢା କାର୍ଯ୍ୟ କରାଯାଇପାରିବ ବୋଲି ଓଷ୍ଟା ପକ୍ଷରୁ କୁହାଯାଇଛି । 

ସିବିଏସଇ ଢାଞ୍ଚାରେ  ଅଫଲାଇନରେ ପରୀକ୍ଷା କରିବାକୁ ସରକାର ଯୋଜନା କରୁଛନ୍ତି  ସତ ହେଲେ ସିଲାବସ କାଣ୍ଟଛାଣ୍ଟ ସହ ଓ ଶିକ୍ଷାବର୍ଷ ନେଇ ଏବେବି ଦ୍ବନ୍ଦ ଦୂର ହୋଇନି। …

   Related Posts