ମାର୍କେଟରେ ଏବେ ପିଆଜର ନାଲିଆଖି, ଦିନ କେଇଟାରେ ୩ ଗୁଣ ଦରବୃଦ୍ଧି

Published By : Prameya-News7 Bureau | August 22, 2023 IST

କଟକ ୨୨/୦୮: ମାର୍କେଟରେ ଏବେ ପିଆଜର ନାଲିଆଖି । ଖୁଚୁରା ବଜାରରେ ଦେଖାଉଛି ତାଉ । ଦିନ କେଇଟାରେ ୩ ଗୁଣ ଦରବୃଦ୍ଧି । ଛତ୍ର ବଜାରରେ ଧଡା କିଣିଲେ ୮୦ । କିଲେ କିଣିଲେ ଗ୍ରାହକଙ୍କ ପକେଟଙ୍କୁ ବାଧୁଛି । କେଜି ହିସାବରେ ୩୦ ଟଙ୍କାରୁ ୩୫ ଟଙ୍କା । ତେବେ ଦରବୃଦ୍ଧିକୁ ନେଇ ସଫେଇ ରଖିଛି ଛତ୍ରବଜାର ବ୍ୟବସାୟୀ ସଂଘ । ସଂଘ କହୁଛି ପ୍ରାକୃର୍ତିକ ଦୂର୍ବିପାକ ଦରବୃଦ୍ଧିର ମୂଳ କାରଣ । ଆନ୍ଧ୍ର ଏବଂ ତାମିଲନାଡୁରେ ପିଆଜ ଅମଳ ହୋଇନାହିଁ । ସେଠାରୁ ଆମଦାନୀ ଆରମ୍ଭ ହୋଇଗଲେ, ଦର ଖସିବ ।

wp:html /wp:html

ଗତ କିଛିଦିନ ତଳେ ମାର୍କେଟରେ ତାଉ ଦେଖାଉଥିଲା ଟମାଟୋ । କିଲୋ ପିଛା ପାର୍ କରିଥିଲା ୨ଶହ ଟଙ୍କା । ଏବେ ମିଳିଛି ଆଶ୍ୱସ୍ତି । କିଲୋ ପିଛା ୪୦ ରୁ ୫୦ ଟଙ୍କାରେ ମିଳୁଛି ବିଲାତି ବାଇଗଣ । ହେଲେ ଟମାଟୋ ପରେ ଏବେ ଗ୍ରାହକଙ୍କୁ କନ୍ଦାଇବା ଆରମ୍ଭ କରିଦେଇଛି ପିଆଜ । କିଛିଦିନ ତଳେ ୨୫ ଟଙ୍କା ଥିଲା ଦର । ଏବେ ବଢି ୩୫ ରୁ ୪୦ ଟଙ୍କାରେ ହେଉଛି ଉପଲବ୍ଧ । ଯାହାକୁ ଅସନ୍ତୋଷ ଜାହିର କରିଛନ୍ତି ଖାଉଟି । କାରଣ ନଗଦ ନଗଦ ବିଲାତି ବାଇଗଣର ଦାମ୍‌ ଖସିଛି । ଏତିକି ବେଳେ ପିଆଜ ମହରଗ ହେବାଟା , ସମସ୍ତେ ସହଜରେ ଗ୍ରହଣ କରିପାରୁନାହାଁନ୍ତି ।

ସେପଟେ ଦର ଚଢା ନେଇ ସଫେଇ ରଖିଛି ସଂଘ । ସଂଘ କହିବା କଥା ବନ୍ୟା ଏଥର ଉତ୍ପାଦନକୁ ପ୍ରଭାବିତ କରିଛି । ତେଣେ ଆନ୍ଧ୍ର ଏବଂ ତାମିଲନାଡୁରେ ପିଆଜ ଅମଳ ହୋଇନାହିଁ । ଏସବୁ ଦରବୃଦ୍ଧିର ଗୋଟିଏ ଗୋଟିଏ କାରଣ । ହେଲେ ରାଜ୍ୟରେ କାହିଁକି ପିଆଜ ଉତ୍ପାଦନ ବଢୁନାହିଁ । ତାର ଉତ୍ତର ହୁଏତ କାହା ପାଖରେ ନାହିଁ। ବ୍ୟବସାୟୀ ସଂଘ ଏହା ମଧ୍ୟ ସଫେଇ ଦେଇଛି ଯେ, ଗଣେଶପୁଜା ପର୍ଯ୍ୟନ୍ତ ଏଭଳି ଅବସ୍ଥା ରହିବ । ତା ପରେ ହୁଏତ ସୁଧୁରିପାରେ ସ୍ଥିତି ।

you can also read....

wp:embed {"url":"https://www.prameyanews7.com/forest-guard-by-professionhobby-modelling/","type":"wp-embed","providerNameSlug":"prameya-news-7"}
https://www.prameyanews7.com/forest-guard-by-professionhobby-modelling/
/wp:embed

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.