ଭୁବନେଶ୍ୱର/କଟକ ୨୩।୧୧ - ସେଞ୍ଚୁରୀ ମାରିବାକୁ ବସିଲାଣି ପିଆଜ । ରାଜଧାନୀ ସମେତ ଅନେକ ସ୍ଥାନରେ ଏବେ ପିଆଜ କିଲୋପିଛା ଦର ୯୦ ଉପରେ ।  ଦୈନିକ ବଢି ଚାଲିଛି ଦର । ନୂଆ ପିଆଜ ନଆଆସିବା ପର୍ଯ୍ୟନ୍ତ ଦର କମିବା ସମ୍ଭାବନା ନାହିଁ ।  ମୈତ୍ରୀ ଷ୍ଟୋର ଜରିଆରେ ଲୋକଙ୍କୁ ସୁଲଭ ମୂଲ୍ୟରେ ପିଆଜ ବିକ୍ରି କରାଯାଉଥିବା କଥା ସରକାର କହୁଛନ୍ତି ସତ, କିନ୍ତୁ କେଉଁଠି ଏ କେଉଁଠି ଏ ମୈତ୍ରୀ ଷ୍ଟୋର ଖୋଲୁଛି ତାହା ଏବେ ବଡ ପ୍ରଶ୍ନ । …

{"id":188796,"sizeSlug":"large"}

 ଅସମ୍ଭାଳ ହେଲାଣି ପିଆଜ ଦର। ଲଗାମହୀନ ବଜାର ମୂଲ୍ୟ। ପ୍ରତି ଦିନ ବଢୁଛି। କିଛି ଦିନ ତଳେ ୬୦ ଟଙ୍କାରେ ବିକ୍ରି ହେଉଥିଲା, ଏବେ ୯୦ ଟପିଲାଣି । ଏମିତି ବଢି ଚାଲିଲେ ସେଞ୍ଚୁରୀ ମାରିବାକୁ ବେଶୀ ଡେରି ହବନି । ନାସିକରୁ ରାଜଧାନୀକୁ ପିଆଜ ଆମଦାନୀ ବନ୍ଦ ହୋଇଯାଇଛି।

{"id":188800,"sizeSlug":"large"}

ଏବେ କେବଳ ଆନ୍ଧ୍ର ହିଁ ଭରସା।  ସେଠାରୁ ଯେତିକି ପିଆଜ ଆସୁଛି ତାହା ଖାଉଟିଙ୍କ ଚାହିଦା ପୂରଣ କରିପାରୁନି । ରାଜଧାନୀର ଆଇଗିଣିଆକୁ ଦୈନିକ ଆସୁଛି ମାତ୍ର ୭୦ ରୁ ୮୦ ଟନ୍ ପିଆଜ । ଯେଉଁଠି ପୂବର୍ରୁ ଦୈନିକ ୨୫୦ ରୁ ୩ ଶହ ଟନ୍ ପିଆଜ ପହଞ୍ଚୁଥିଲା ।  ସେହିଭଳି ଛତ୍ରବଜାରକୁ ମଧ୍ୟ ପିଆଜ ଯୋଗାଣ ଏକଦମ କମି ଯାଇଛି ।  ପାଇକାରୀ ପେଣ୍ଠସ୍ଥଳଗୁଡିକରେ ଦର ଉଚ୍ଚା ରହିବା ଯୋଗୁ ଖୁଚୁରା ବଜାରରେ ଦର ବଢି ଚାଲିଛି ।

{"id":188803,"sizeSlug":"large"}

ଶୁକ୍ରବାର ପିଆଜ ଦର ବୃଦ୍ଧିକୁ ନେଇ ବିଧାନସଭାରେ ଉତ୍ତର ରଖିଥିଲେ ଯୋଗାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ । କହିଥିଲେ, ଏହା ଉପରେ ସରକାର ତୀକ୍ଷ୍ନ ନଜର ରଖିଛନ୍ତି । ଅନ୍ୟ ରାଜ୍ୟରୁ ପିଆଜ କିଣି ୨୮୪ଟି ଫେୟାର ପ୍ରାଇସ୍ ସପ୍ ଜରିଆରେ କମ ଦରରେ ଖାଉଟିଙ୍କୁ ବିକୁଛନ୍ତି ।

{"id":188804,"sizeSlug":"large"}

ଶୁକ୍ରବାର ମନ୍ତ୍ରୀ ମୈତ୍ରୀ ଷ୍ଟୋର କଥା କହିଥିଲେ । ଶନିବାର ଖୋଦ୍ ରାଜଧାନୀ ଗାନ୍ଧୀ ମାର୍କେଟରମୈତ୍ରୀ ଷ୍ଟୋରରେ ଝୁଲୁଛି ତାଲା ।  ପାଖ ଆଖରେ କେହି ନାହାନ୍ତି । ଯଦି ରାଜଧାନୀରେ ମୈତ୍ରୀ ଷ୍ଟୋରରେ ତାଲା ଝୁଲୁଛି, ତେବେ ଆଉ କେଉଁ ସ୍ଥାନରେ ସରକାର ଖାଉଟିଙ୍କୁ କମ୍ ଦାମରେ ପିଆଜ ବିକୁଛନ୍ତି ?