<strong>ବିଲାତି ଚାଷକୁ ନେଇ ବିବାଦ; ମରଣାନ୍ତକ ଆକ୍ରମଣରେ ଜଣେ ଗୁରୁତର</strong>

Published By : Prameya-News7 Bureau | December 17, 2022 IST

ଆନନ୍ଦପୁର ୧୭/୧୨: ବିଲାତି ଭାଗଚାଷକୁ ନେଇ ଆକ୍ରମଣ। ଭାଗଚାଷ କରୁଥିବା ଚାଷୀ ଗୁରୁତର। ଆନନ୍ଦପୁର ଉପଖଣ୍ଡ ଘଷିପୁରା ଥାନା ବୀରଗୋବିନ୍ଦପୁର ଗାଁରେ ଏପରି ଘଟଣା ହୋଇଛି। ବୀରଗୋବିନ୍ଦପୁର ଗାଁର ଧରମା ମୁର୍ମୁଙ୍କ ଜମିରେ ସାଧୁ ସାହୂ, ଦାମ ସାହୁ ଓ ଟୁନା ମାଝୀ ଭାଗଚାଷୀ ଭାବେ ବିଲାତି ଚାଷ କରିଥିଲେ। ବିଲାତି ଅମଳ ବେଳେ ନିଜ ଜମିରୁ ଧରମା ୩ଜଣ ଭାଗଚାଷୀଙ୍କୁ ଭାଗ ନଦେଇ ସେଠାରୁ ତଡ଼ି ଦେଇଥିଲେ।

ଏନେଇ ଶନିବାର ଗାଁରେ ବୈଠକ ହୋଇଥିବା ବେଳେ ଧରମା ସେଠାକୁ ଯାଇ ନଥିଲେ। ବରଂ ଚାଷ ଜମିକୁ ଗାଡ଼ି ଡାକି ବିଲାତି ଲୋଡ୍ କରିଥିଲେ। ଭାଗଚାଷ କରୁଥିବା ଅନ୍ୟ ତିନି ଜଣ ଚାଷୀ ଚାଷ ଜମିକୁ ଯାଇ ବିଲାତି ଲୋଡ଼ିଂକୁ ବିରୋଧ କରିବାରୁ ଧରମା ସେମାନଙ୍କୁ ମାରଣାସ୍ତ୍ରରେ ଆକ୍ରମଣ କରିଥିଲେ। ଆକ୍ରମଣରେ ପଦ୍ମପୁର ଗାଁର ସାଧୁ ସାହୂ ନାମକ ଚାଷୀ ଗୁରୁତର ହୋଇ ଆନନ୍ଦପୁର ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ଖବର ପାଇ ପୋଲିସ ବିଲାତି ଲୋଡିଂ ଗାଡ଼ିକୁ ଜବତ କରିବା ସହ ଘଟଣାର ତଦନ୍ତ ଜାରି ରଖିଛି।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.