ଜି.ଉଦୟଗିରି ୧୦।୩: କନ୍ଧମାଳ ଜିଲ୍ଲା ରାଇକିଆ ବ୍ଲକର ବେଲକଟି ଉଚ୍ଚ ପ୍ରାଥମିକ ବିଦ୍ୟାଳୟର ଗେଟ୍ ପଡି ଜଣେ ଛାତ୍ରୀଙ୍କ ମୃତ୍ୟୁ ହୋଇଛି । ଅନ୍ୟ ଦୁଇ ଜଣ ଗୁରୁତର ହୋଇଛନ୍ତି ।
ସୂଚନାଯୋଗ୍ୟ ଯେ, ବୁଧବାର ବେଲକଟି ଉଚ୍ଚ ପ୍ରାଥମିକ ବିଦ୍ୟାଳୟରରେ ଏଭଳି ଅଘଟଣ ଘଟିଛି । ସେହି ସ୍କୁଲରେ ତିନି ଜଣ ଛାତ୍ରୀ ଖେଳୁଥିଲେ । ହଠାତ୍ ଗେଟ୍ ଟି ଭାଙ୍ଗିଯିବାରୁ ଜଣେ ଛାତ୍ରୀଙ୍କ ମୃତ୍ୟୁ ହୋଇଛି । ଦୁଇ ଜଣ ଗୁରୁତର ହୋଇଛନ୍ତି । ମୃତ ଛାତ୍ରୀ ହେଉଛନ୍ତି ରିଷିକା ପ୍ରଧାନ । ତାଙ୍କ ବୟସ ୮ ବର୍ଷ । ଗୁରୁତର ଦୁଇ ଜଣ ହେଲେ ରିତେଶ ପ୍ରଧାନ ଓ ସନ୍ଧ୍ୟାରାଣୀ । ରିତେଶଙ୍କୁ ଅତି ଗୁରୁତର ଅବସ୍ଥାରେ ଫୁଲବାଣୀ ମେଡିକାଲରେ ଭର୍ତ୍ତି ହୋଇଥିବା ବେଳେ ସନ୍ଧ୍ୟାରାଣୀ ଜି.ଉଦୟଗିରି ମେଡିକାଲରେ ଭର୍ତ୍ତି ହୋଇଛନ୍ତି।
