ଢେଙ୍କାନାଳ: ଗାଁ ଦାଣ୍ଡରେ ଗୋଡ଼ାଇ ଗୋଡ଼ାଇ ସଂଘ ବଦ୍ଧ ଭାବେ ଜଣଙ୍କୁ ହତ୍ୟା କରିଛନ୍ତି ଦୁର୍ବୃତ୍ତ। ଢେଙ୍କାନାଳ ଜିଲା ଗଁନ୍ଦିଆ ଥାନା ଅନ୍ତର୍ଗତ ଗୁଣ୍ଡୁରାପଶି ବରସାହିରେ ଘଟିଛି ଏହି ହତ୍ୟାକାଣ୍ଡ । ମୃତକ ଜଣଙ୍କ ବରସାହିର ଏକାଦଶୀ ମହାଳିକ । ପ୍ରଥମେ ତାଙ୍କୁ ରକ୍ତ ଜୁଡୁ ବୁଡୁ ଆଵସ୍ଥାରେ ସ୍ଥାନୀୟ ଶ୍ରୀରାମଚନ୍ଦ୍ରପୁର ଓ ପରେ ଜିଲ୍ଲା ମୁଖ୍ୟ ଡାକ୍ତରଖାନାକୁ ନିଆଯାଇଥିଲା। ମାତ୍ର ଡାକ୍ତରଖାନାରେ ତାଙ୍କର ମୃତ୍ୟୁ ଘଟିଛି। ଏହି ହତ୍ୟା ଘଟଣାରେ ଅଭିଯୁକ୍ତ ବର ସାହି ଗ୍ରାମର ସଇଆଁ ପାତ୍ର ଓ ତାର ସମ୍ପର୍କୀୟ ମାନେ ଫେରାର ହୋଇଯାଇଛନ୍ତି।
wp:heading {"level":4}Also read- ରାଜେନ୍ଦ୍ରନଗରରେ ଅଘଟଣ, ବାପା-ମାଆ ଏବଂ ପୁଅର ସନ୍ଦେହଜନକ ମୃତ୍ୟୁ
/wp:headingଅଭିଯୋଗ ମୁତାବକ, ମୃତ ଏକାଦଶୀ ଜଣେ ଗରିବ ଓ ଦିନ ମଜୁରିଆ ଶ୍ରେଣୀର । ତେବେ ତାଙ୍କର ଘର କାମ ପାଇଁ ସଇଆଁ ପାତ୍ରଙ୍କ ଠାରୁ ସୁଧ ଆକାର ଟଙ୍କା ଉଧାର ଆଣି କିଛି ଟଙ୍କା ସୁଝିଥିଲେ। ମାତ୍ର ସୁଧ ବାବଦକୁ ଟଙ୍କା ଦେବାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା । ଆଜି ସନ୍ଧ୍ୟା ପ୍ରାୟ ୫ଟା ସମୟରେ ଗାଁର ଅଷ୍ଟ ପ୍ରହରୀ ପାଇଁ କଳସ ପାଣି ଆଣିବାକୁ ଯିବା ବେଳେ ଉପର ସାହି ଠାରେ ଏକାଦଶୀଙ୍କୁ ସଂଘ ବଦ୍ଧ ଭାବେ ଠେଙ୍ଗା ଓ କଟୁରିରେ ଗୋଡ଼ାଇ ଗୋଡ଼ାଇ ହାଣିଥିଲେ ବୋଲି ମୃତ ଏକାଦଶୀଙ୍କ ପରିବାର ଲୋକ ପ୍ରକାଶ କରିଛନ୍ତି। ଏହି ଘଟଣା ପରେ ଗଁନ୍ଦିଆ ପୁଲିସ ପହଂଚି ତଦନ୍ତ ଆରମ୍ଭ କରିଛି।