କଳାହାଣ୍ଡି ୦୩।୦୩ : ଦମ୍ପତିଙ୍କୁ ଧକ୍କା ଦେଲା ହାଇଓ୍ୱା ଗାଡି । ଏହି ଦୁର୍ଘଟଣାରେ ଚାଳକଙ୍କ ମୃତ୍ୟୁ ହୋଇଥିବା ବେଳେ ମହିଳା ଗୁରୁତର ହୋଇଛନ୍ତି । ଗୁରୁତରଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ଖବର ଅନୁଯାୟୀ, କଳାହାଣ୍ଡି ଜଗନ୍ନାଥପୁର ଗାଁର ଯୁଗଳ ଶବର (୪୨) ଏବଂ ତାଙ୍କ ସ୍ତ୍ରୀ ଉର୍ମିଳା ଶବର (୩୪) କାଉଗୁଡାକୁ ଯାଇଥିଲେ । ସେଠାରେ ତାଙ୍କ ଝିଅ ହଷ୍ଟେଲରେ ରହି ପାଠ ପଢୁଥିବାରୁ ତାଙ୍କୁ ଦେଖା କରି ଫେରୁଥିଲେ । ଶନିବାର ବିଳମ୍ବିତ ରାତିରେ ଖାଇରମାଲ ଛକ ନିକଟରେ ଏକ ହାଇୱା ତାଙ୍କୁ ସାମ୍ନାପଟୁ ଧକ୍କା ଦେଇଥିଲା । ଯାହାଫଳରେ ଘଟଣାସ୍ଥଳରେ ଯୁଗଳଙ୍କ ମୃତ୍ୟୁ ହେଇଯାଇଥିବା ବେଳେ ଉର୍ମିଳାଙ୍କ ଅବସ୍ଥା ଗୁରୁତର ଅଛି । ତାଙ୍କ ଗୋଟିଏ ଗୋଡ଼ ଭାଙ୍ଗି ଯାଇଥିବା ବେଳେ ମୁଣ୍ଡରେ ଗଭୀର ଆଘାତ ଲାଗିଛି । ପ୍ରଥମେ ତାଙ୍କୁ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ଡାକ୍ତର ତାଙ୍କୁ ବୁର୍ଲାକୁ ସ୍ଥାନାନ୍ତରିତ କରିଛନ୍ତି ।
wp:embed {"url":"https://www.prameyanews7.com/four-injured-in-road-accident-at-cuttack-area/","type":"wp-embed","providerNameSlug":"prameya-news-7"}ସେପଟେ ସଦର ଥାନାରେ ଏକ କେଶ ରୁଜୁ କରାଯାଇଛି । ଯୁଗଳଙ୍କ ଘରେ ବୃଦ୍ଧ ବାପା ମା , ସ୍ତ୍ରୀ ଏବଂ ୨ ଝିଅ ଅଛନ୍ତି । ଯୁଗଳ ଘରର ଏକମାତ୍ର ରୋଜଗାରିଆ ପୁଅ ହେଇଥିବା ବେଳେ ବର୍ତ୍ତମାନ ତାଙ୍କୁ ହରାଇ ପରିବାର ବେସାହାରା ହୋଇପଡିଛନ୍ତି । କ୍ଷତିପୂରଣ ଦାବିରେ ଗାଁ ଲୋକେ ଡାକ୍ତରଖାନାରେ ଧାରଣା ଦେଇଥିବା ବେଳେ ସଦର ଥାନା ଆଇଆଇସି ପହଞ୍ଚି ବୁଝାସୁଝା କରିଥିଲେ ।
wp:embed {"url":"https://www.prameyanews7.com/351-tourtle-seized-in-munduli-toll-plaza/","type":"wp-embed","providerNameSlug":"prameya-news-7"}
