ତେଲକୋଇ ୦୯।୦୩ : ହୋଲି ହେଲା କାଳ କାଳ । ପୋଖରୀରେ ବୁଡି ବୃଦ୍ଧ ମୃତ । ଗୋଟିଏ ଦିନ ପରେ ମିଳିଲା ବୃଦ୍ଧଙ୍କ ମୃତଦେହ । କେନ୍ଦୁଝର ଜିଲ୍ଲା ଟୁଙ୍ଗୁରୁବାହାଳ ଗାଁର ପୀତାମ୍ବର ପଲେଇଙ୍କ ମୃତ୍ୟୁ ହୋଇଛି ।

ଖବର ଅନୁଯାୟୀ, ବୁଧବାର ଦିନ ହୋଲି ଖେଳ ସାରି ନିକଟସ୍ଥ ପୋଖରୀକୁ ଗାଧୋଇବାକୁ ଯାଇଥିଲେ ବୃଦ୍ଧ ପୀତାମ୍ବର । ହେଲେ ଗାଧୋଇବାକୁ ଯାଇ ଆଉ ଫେରିନଥିଲେ । ପରିବାର ଲୋକେ ବହୁ ଖୋଜାଖୋଜି ପରେ କୌଣସି ପତ୍ତା ପାଇନଥିଲେ । ପୋଖରୀରେ ବୁଡି ଯାଇଥିବା ସନ୍ଦେହ କରି ଅଗ୍ନିଶମ ବାହିନୀ ଓ ପୋଲିସକୁ ନିଖୋଜ ନେଇ ଖବର ଦେଇଥିଲେ । ଗୁରୁବାର ଦିନ ପୋଖରୀରେ ଅଗ୍ନିଶମ ବାହିନୀ ଖୋଜିବା ପରେ ବୃଦ୍ଧଙ୍କ ମୃତଦେହ ମିଳିଥିଲା । ପରେ ଶବ ବ୍ୟବଚ୍ଛେଦ ପାଇଁ ମୃତଦେହକୁ ତେଲକୋଇ ମେଡିକାଲକୁ ପଠାଯାଇଛି ।