ସୋନପୁର ୨୩।୧୨ : ଦନ୍ତା ହାତୀ ଉତ୍ପାତ । ଜଣଙ୍କୁ ଦଳି ମାରିଦେଲା ଦନ୍ତା ହାତୀ । ମୃତକ ଶୁଖିଲାସର ଗାଁର ହର ରଣା ବୋଲି ଜଣାପଡିଛି । ସୋନପୁର ଜିଲ୍ଲା ତରଭା ବ୍ଲକ କୁମ୍ଭାରମୁଣ୍ଡା ସେକ୍ସନ ଜଙ୍ଗଲରେ ଘଟିଛି ଏହି ଘଟଣା ।
ଖବର ଅନୁଯାୟୀ, ହର ରଣା ଗୁରୁବାର ବିଳମ୍ବିତ ରାତିରେ ଧାନ ବିଲରେ ଧାନ ଜଗିବାକୁ ଯାଇଥିଲେ । ଏହି ସମୟରେ କୁମାରମୁଣ୍ଡ ସେକ୍ସନରେ ଏକ ଦନ୍ତା ହାତୀ ହାବୁଡ଼ରେ ପଡିଯାଇଥିଲେ । ଯାହାଫଳରେ ହାତୀଟି ହର ରଣାଙ୍କୁ ଦଳି ମାରିଦେଇଛନ୍ତି । ସେପଟେ ମୃତ୍ୟୁ ସଂପର୍କରେ ସୂଚନା ପାଇ ବନ ବିଭାଗ କର୍ମଚାରୀ ପହଞ୍ଚି ମୃତଦେହକୁ ଜବତ କରିଛନ୍ତି ।
ତେବେ କୁମାରମୁଣ୍ଡା ଅଞ୍ଚଳରେ କିଛି ଦିନ ହେଲା ହାତୀ ପଲ ରହିଆସିଛନ୍ତି । ଏହି ଅଞ୍ଚଳରେ ହାତୀପଲ ଆତଙ୍କ ସୃଷ୍ଟି କରିଛନ୍ତି । ଯାହାଫଳରେ ଆଖପାଖ ଲୋକେ ଭୟରେ ଜୀବନ ବିତାଉଛନ୍ତି । ଆଉ ଏସବୁ ଭିତରେ ହର ରଣାଙ୍କ ଜୀବନ ଚାଲିଯାଇଛି ।