ପୁରୀ ୦୩।୦୧ : ପୁରୀ ଚକ୍ରତୀର୍ଥ ରୋଡ ସ୍ଥିତ ନୀଳାଚଳ ହୋଟେଲରେ ଅଘଟଣ । ତିନି ମହଲା ଛାତରୁ ଖସି ପର୍ଯ୍ୟଟକଙ୍କ ମୃତ୍ୟୁ ହୋଇଛି । ମୃତ ପର୍ଯ୍ୟଟକ ଛତିଶଗଡ଼ର ଅଶୋକ ଅଗ୍ରଓ୍ୱାଲ ବୋଲି ଜଣାପଡିଛି ।
ଖବର ଅନୁଯାୟୀ, ନୂତନ ବର୍ଷ ଲାଗି ଛତିଶଗଡ଼ରୁ ପୁରୀ ବୁଲିବାକୁ ଆସିଥିଲେ ଅଶୋକ ଅଗ୍ରଓ୍ୱାଲ୍ । ପୁରୀ ଚକ୍ରତୀର୍ଥ ରୋଡ ସ୍ଥିତ ନୀଳାଚଳ ହୋଟେଲରେ ରହୁଥିଲେ । ହେଲେ ମଙ୍ଗଳବାର ସକାଳୁ ଘଟିଲା ଏକ ଅଘଟଣ । ତିନି ମହଲା ଉପରେ ଥିବା ବେଳେ ହଠାତ୍ ସେ ଛାତରୁ ଖସି ପଡିଥିଲେ । ଯାହାଫଳରେ ତାଙ୍କ ଘଟଣାସ୍ଥଳରେ ହିଁ ମୃତ୍ୟୁ ହୋଇଛି ।
ଅନ୍ୟପଟେ ମୃତ୍ୟୁ ଖବର ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛି । ଏପିରିକି କେଉଁଭଳି ପରିସ୍ଥିତିରେ ଏପରି ଅଘଟଣ ଘଟିଲା । ସେନେଇ ଖୋଳତାଡ ଜାରି ରଖିଛି ପୋଲିସ । ଆବଶ୍ୟକ ପଡିଲେ ସାଇଣ୍ଟିଫିକ୍ ଟିମ୍ର ସହଯୋଗ ନେଇପାରେ ପୋଲିସ ।
