ଜଳେଶ୍ୱର ୦୮।୧୧ : ବିଦ୍ୟୁତ ତାର ଲାଗି ଡ୍ରାଇଭର ମୃତ । ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ନାଛିମପୁର ଗାଁରେ ଦେଖିବାକୁ ମିଳିଛି ଏମିତି କିଛି ଘଟଣା । ମୃତ ଡ୍ରାଇଭର ଯାଜପୁର ଜିଲ୍ଲା ଧର୍ମଶାଳା ଥାନା ଜାମୁବଣିଆ ଗାଁ ସନାତନ ସାହୁ ବୋଲି ଜଣାପଡିଛି ।
ଖବର ଅନୁଯାୟୀ, ହେମନ୍ତ ସିଂଙ୍କ ଧାନକଟା ମେସିନ ଚଳେଇବାକୁ ଆସିଥିଲେ ସନାତନ ସାହୁ । ମଙ୍ଗଳବାର ସକାଳ ସମୟରେ ଏକ ଟ୍ରକରେ ଧାନକଟା ମେସିନକୁ ଲୋଡ଼କରି ଆସୁଥିବା ବେଳେ ଅମ୍ବାଳିଅଠା ଗାଁ ଶିବ ମନ୍ଦିର ନିକଟରେ ଘଟିଲା ଅଘଟଣ । ପାଖରେ ଯାଇଥିବା ୧୧ କେଭି ବିଦ୍ୟୁତ ତାରଟି ଗାଡିରେ ଲାଗିଯାଇଥିଲା । ଡ୍ରାଇଭର ସନାତନ ତାରକୁ ବାହାର କରୁଥିବା ସମୟରେ ବିଦ୍ୟୁତ ସଂସ୍ପର୍ଶରେ ଆସି ତଳେ ପଡିଯାଇଥିଲେ । ଏହାପରେ ତୁରନ୍ତ ତାଙ୍କ ସହଯୋଗୀ ନିକଟରେ ଥିବା ମେଡିକାଲରେ ଭର୍ତ୍ତି କରିଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ ।
