ନିମାପଡା ୧୧।୩: ନିମାପଡା ଡେଲଟା ଛକ ନିକଟରେ ହାଇଓ୍ବା ଓ ବାଇକ୍ ମୁହାଁମୁହିଁ ଧକ୍କା । ଘଟଣାସ୍ଥଳରେ ଜଣେ ମହିଳାଙ୍କ ମୃତ୍ୟୁ ହୋଇଛି । ପ୍ରାରମ୍ଭିକ ସୂଚନା ଅନୁଯାୟୀ ପୁରୀ ଜିଲ୍ଲା ସତ୍ୟବାଦୀ ବ୍ଲକ ଅନ୍ତର୍ଗତ ବୀର ରାମଚନ୍ଦ୍ରପୁର ମହିଳା ସରପଞ୍ଚ ଦୀପା ବେହେରା କୌଣସି କାମରେ ସମ୍ପର୍କୀୟଙ୍କ ସହ ନିମାପଡା ଆସିଥିଲେ । କାମ ସାରି ଫେରୁଥିବା ବେଳେ ବୁଲେଟ ମଟର ସାଇକେଲ ସହ ହାଇଓ୍ବା ମୁହାଁମୁହିଁ ଧକ୍କା ହୋଇଥିଲା । ଫଳରେ ଦୀପା ବେହେରା ରାସ୍ତା ଉପରେ ପଡିଯାଇଥିଲେ ଏବଂ ତାଙ୍କ ମୁଣ୍ଡ ଉପରେ ଚକ ଚଢିଯାଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା । ନିମାପଡା ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ହାଇଓ୍ବା ଡ୍ରାଇଭର ଫେରାର ହୋଇଯାଇଛି ।